وسى اپتادا شينجياڭنىڭ كوپ ءبولىم جەرىندە ءۇرتىس جاۋىن – شاشىن بولادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (9 – ايدىڭ 14 – كۇنىنەن 20 – كۇنىنە دەيىن) شينجياڭنىڭ باسىم كوپ ساندى رايوندارىندا ءۇرتىس جاۋىن - شاشىن بولادى، تاۋلى وڭىرلەردىڭ ءىشىنارا جەرلەرىندە نوسەر جاۋادى، وڭتۇستىك شينجياڭ ويپاتىنىڭ ورتا، شىعىس بولەگىندە قۇمدى بوران سوعادى، كۇندىز بەن ءتۇننىڭ تەمپەراتۋرا پارقى زور بولادى، كوپشىلىك تەمپەراتۋرانىڭ وزگەرىسىنە قاراي دەر كەزىندە قالىڭ كيىنىپ، تىماۋراتىپ قالۋدان ساقتانۋ كەرەك.

مەجەمەن 9 – ايدىڭ 15 – كۇنى تۇننەن 17 - كۇنى تۇنگە دەيىن، سولتۇستىك شينجياڭنىڭ باتىس بولەگىندەگى، سولتۇستىك بولەگىندەگى تاۋلى وڭىرلەر، تيانشاننىڭ سولتۇستىك بوكتەرى، وڭتۇستىك شينجياڭنىڭ باتىس بولەگى، بايىنعولىن وبلىسىنىڭ تاۋلى وڭىرلەرى، قۇمىل قالاسى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (بيىك تاۋلى وڭىرلەردە قار جاۋادى)، ءىشىنارا وڭىرلەردە ورتاشادان باستاپ قالىڭ جاڭبىر جاۋادى، كەي جەرلەردە نوسەر جاۋادى؛ سولتۇستىك شينجياڭنىڭ سولتۇستىك بولەگى، سانجى وبلىسىنىڭ شىعىس بولەگى، شىعىس شينجياڭ قاتارلى جەرلەردە باتىس سولتۇستىكتەن 5 بال اينالاسىندا بوران سوعادى، جەل وتىندە 9 بال اينالاسىندا بوران سوعادى.

9 – ايدىڭ 18 – كۇنى كۇندىزدەن 20 – كۇنى كۇندىزگە دەيىن، سولتۇستىك شينجياڭنىڭ باتىس بولەگىندەگى تاۋلى وڭىرلەر، تارباعاتاي ايماعىنىڭ وڭتۇستىك بولەگىندەگى تاۋلى وڭىرلەر، شىحىزى قالاسى، سانجى وبلىسى، وڭتۇستىك شينجياڭنىڭ باتىس بولەگى، بايىنعولىن وبلىسىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (بيىك تاۋلى وڭىرلەردە قار جاۋادى)، ءىشىنارا وڭىرلەردە ورتاشادان باستاپ قالىڭ جاڭبىر جاۋادى؛ جوعارىدا ايتىلعان ءىشىنارا وڭىرلەردە باتىس سولتۇستىكتەن 5 بال اينالاسىندا بوران سوعادى، جەل وتىندە 8 دە 9 بال بوران سوعادى.

9 – ايدىڭ 15 – كۇنى تۇننەن باستاپ وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا بوران سوعادى، ءىشىنارا وڭىرلەردە تۇرلىشە دارەجەدە قۇم - توزاڭ بولادى.