ءادىليا مينيسترلىگى: زاڭدى بەتالدى اتقارۋ، زاڭ اتقارۋدان بەتالدى پايدالانۋ ماسەلەسىن ۇزدىكسىز تۇزەتۋ كەرەك

مەملەكەتتىك كەڭەستىڭ اقپارات كەڭسەسى 9 – ايدىڭ 16 – كۇنى ”’15 – بەسجىلدىقتىڭ‘ باستاماسى“ جەلىلەس تاقىرىپتىق اقپار جاريالاۋ ءماجىلىسىن اشتى، ءادىليا مينيسترلىگىنىڭ قاتىستى جاۋاپتىسى تانىستىرىپ بىلاي دەدى: قازىرگە دەيىن بۇكىل ەل بويىنشا كاسىپورىندارعا ساياتىن اكىمشىلىك زاڭ اتقارۋداعى كورنەكتى ماسەلەلەردەن 90 مىڭنان استامى تەكسەرىلىپ تۇزەتىلىپ، كاسىپورىنداردىڭ 31 ميلليارد يۋانعا جۋىق ەكونوميكالىق زيانى قايتارىپ الىندى، اكىمشىلىك تەكسەرۋدىڭ جيىلىگى زور مولشەردە تومەندەدى، تەكسەرۋدىڭ دالدىگى، ونىمدىلىگى كورنەكتى جوعارىلادى. قازىر بۇل قىزمەت ۇدايىلاندىرىپ ىلگەرىلەتۋ كەزەڭىنە ءوتتى.

ءبىر جاعىنان، زاڭدى بەتالدى اتقارۋ، زاڭ اتقارۋدان بەتالدى پايدالانۋ ماسەلەسىن ۇزدىكسىز تۇزەتىپ، كاسىپورىنداردىڭ قالىپتى ءوندىرىس تيجاراتىنا بەتالدى كەدەرگىلىك جاساۋدان ونان ارى ساقتانادى؛ ەندى ءبىر جاعىنان، زاڭ اتقارۋدا مىندەتىن وتەمەۋ، زاڭدى تالعامدى اتقارۋ قاتارلى ماسەلەلەردى باتىل تۇزەتىپ، باقىلاۋ ـ باسقارۋ جاۋاپكەرشىلىگىن ناقتىلاندىرىپ، ءادىل باسەكەنىڭ سوڭعى شەگىن ساقتاپ، تاماشا دامىعان بازار ورتاسىن قالىپتاستىرۋ كەرەك.

سونىمەن بىرگە، تۋ باستان جونگە سالۋدى تەرەڭدەتىپ، مەحانيزمدى جەدەل كەمەلدەندىرىپ، اكىمشىلىك ۇيعارىم ۇقىعىنىڭ نەگىزگى ولشەمىن بەلگىلەۋ ءادىسى، اكىمشىلىك زاڭ اتقارۋشىلاردى باسقارۋ ءادىسى قاتارلى تۇزىمدەردى زەرتتەپ شىعارىپ، اكىمشىلىك زاڭ اتقارۋ ارەكەتىن قالىپتى، باياندى ارناعا ءتۇسىرۋدى جەبەيدى.

كەلۋ قاينارى: حالىق تورابى