دەمالىس مەزگىلىندە جوعارى قارقىندى تاس جولدا قاتىناۋ جونىندەگى ەسكەرتۋ: جۇڭچيۋ مەرەكەسىندە اقى الىنادى، مەملەكەت مەرەكەسىندە تەگىن! 

2026 - جىلعى جۇڭچيۋ مەرەكەسىنىڭ، مەملەكەت مەرەكەسىنىڭ دەمالىسى تاياپ قالدى، وسىنىڭ الدىندا جاريالانعان «مەملەكەتتىك كەڭەس كەڭسە مەڭگەرمەسىنىڭ 2026 – جىلعى ءبىر ءبولىم مەرەكەلىك دەمالىستاردى ورنالاستىرۋ جونىندەگى حابارلاندىرۋىنا» ساي، وسى رەتكى جۇڭچيۋ مەرەكەسىنىڭ، مەملەكەت مەرەكەسىنىڭ ناقتى دەمالىس كۇندەرى تومەندەگىدەي:

· جۇڭچيۋ مەرەكەسى

9 - ايدىڭ 25 – كۇنىنەن (جۇما) 9 - ايدىڭ 27 – كۇنىنە (جەكسەنبى) دەيىن جيىنى 3 كۇن دەمالىس بەرىلەدى.

· مەملەكەت مەرەكەسى

10 - ايدىڭ 1 – كۇنىنەن (بەيسەنبى) 10 - ايدىڭ 7 – كۇنىنە (سارسەنبى) دەيىن دەمالىسقا تاراتۋ جانە جۇمىس كۇنىمەن اۋىستىرىپ رەتتەۋ ارقىلى جيىنى 7 كۇن دەمالىس بەرىلەدى. 9 – ايدىڭ 20 – كۇنى (جەكسەنبى)، 10 – ايدىڭ 10 – كۇنى (سەنبى) جۇمىس كۇنى ەسەپتەلەدى.

نازار اۋدارىڭىز! جۇڭچيۋ مەرەكەسى مەزگىلىندە جوعارى قارقىندى تاس جولدا قاتىناۋ اقىسىز بولمايدى

«مەملەكەتتىك كەڭەستىڭ قاتىناس – تاسىمال مينيسترلىگى قاتارلى تاراۋلاردىڭ ماڭىزدى مەرەكەلىك دەمالىس كەزدەرىندە شاعىن جولاۋشىلار اۆتوموبيلدەرىنەن قاتىناۋ اقىسىن الماۋ جونىندەگى جوباسىن بەكىتۋ - جوتكەۋ تۋرالى حابارلاندىرۋىنا» ساي، اقىلى تاس جولدا اقىسىز قاتىناۋعا بولاتىن ۋاقىت كولەمى كوكتەم مەرەكەسى، چيڭميڭ مەرەكەسى، ەڭبەكشىلەر مەرەكەسى، مەملەكەت مەرەكەسى سىندى مەملەكەت زاڭىندا بەلگىلەنگەن 4 ءتۇرلى مەرەكەدەگى دەمالىستار، سونداي – اق مەملەكەتتىك كەڭەس كەڭسە مەڭگەرمەسىنىڭ سول جىلعى حۇجاتىندا بەلگىلەنگەن جوعارىدا ايتىلعان زاڭدىق مەرەكەلىك دەمالىستارمەن تۇتاستىرىلعان دەمالىس كۇندەرىن قامتيدى.

وسىلايشا، بيىلعى جۇڭچيۋ مەرەكەسى دەمالىسى كەزىندە جوعارى قارقىندى تاس جولدا قاتىناۋ اقىسىز بولمايدى، مەملەكەت مەرەكەسى دەمالىسىندا جەتى ورىندىقتىدان تومەن (جەتى ورىندىقتىنى قامتيدى) شاعىن جولاۋشىلار اۆتوموبيلدەرىنىڭ تەگىن قاتىناۋىنا بولادى.

كەلۋ قاينارى: حالىق تورابى