بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.09.17 16:04 كەلۋ قاينارى : حالىق تورابى
شينجياڭ گازەتىنىڭ 9 ـ ايدىڭ 16 ـ كۇنى ۇرىمجىدەن بەرگەن حابارى. انار بۇلت / شينجياڭ گازەتىنىڭ ءتىلشىسى شيە حۇيبيان حابارلايدى: 9 ـ ايدىڭ 9 ـ كۇنىنەن 10 ـ كۇنىنە دەيىن، اۆتونوميالى رايوندىق اۋىل شارۋاشىلىعى عىلىم اكادەمياسى سورتىن تاڭداۋ مەن جەتىلدىرۋ ارقىلى مەملەكەتتىك تەكسەرۋدەن وتكىزگەن جازدىق ءبيدايدىڭ ”لياڭچۇن 1758“ اتتى سورتىنان مول ءونىم الۋ جاعىندا تاريحي جەتىستىككە قول جەتكىزىلدى. اۆتونوميالى رايوندىق اۋىل شارۋاشىلىعى عىلىم اكادەمياسى مەن ءوندىرىس ـ قۇرىلىس بيڭتۋانى 13 ـ شىسى اۋىل شارۋاشىلىعى عىلىمي زەرتتەۋ ورنى بىرلەسىپ قۇرعان استىقتان مول ءونىم الۋدان قامال الۋ اتىزىندا ماماندار گرۋپپاسىنىڭ ناقتى ءونىمدى ولشەۋى بارىسىندا، وسى سورتتاعى ءبيداي ەگىلگەن شاعىن اۋماقتاعى سىناق اتىزىنىڭ مۋ باسىندىق ورتاشا ءونىم مولشەرى 852.73 كيلوگرام بولىپ، 100 مۋلىق ۇلگىلىك اتىز بەن 1000 مۋلىق ۇلگىلىك اتىزدىڭ مۋ باسىندىق ورتاشا ءونىم مولشەرى جەكە - جەكە 812.48 كيلوگرام مەن 732.4 كيلوگرامعا جەتىپ، بۇكىل ەلىمىز بويىنشا شاعىن اۋماقتاعى، 100 مۋلىق اۋماقتاعى، 1000 مۋلىق اۋماقتاعى جازدىق ءبيدايدان مول ءونىم الۋ رەكوردىن ءبىر جولدا جاڭالاعان.
وسىنىڭ الدىندا ”لياڭچۇن 1758“ ءبيداي سورتى موڭعۇلكۇرە اۋدانىندا مۋ باسىنا 680.62 كيلوگرامدىق ءونىم مولشەرىمەن بۇكىل ەلىمىز بويىنشا 10 مىڭ مۋلىق اۋماقتاعى جازدىق ءبيدايدان مول ءونىم الۋ رەكوردىن جاڭالاعان بولاتىن. وسىمەن ءبيدايدىڭ بۇل سورتىنان شاعىن اۋماقتان مول ءونىم الۋدان 10 مىڭ مۋلىق كولەمدەگى اتىزدان مول ءونىم الۋعا دەيىنگى سەكىرىس ورىندالىپ، ءتۇرلى ەكولوگيالىق وڭىردە بىردەي مول ءونىم الۋ سىندى جەتىستىككە قول جەتكىزىلدى.
كەلۋ قاينارى: حالىق تورابى
