شينجياڭدا تىزىمدىكتەگى بايىرعى اعاشتار مەن ايگىلى اعاشتار سانى 31 مىڭ ءتۇپ بولدى، جاسى ەڭ ۇلكەن اعاش 1507 جىل جاساعان 

تيانشان تورابى − شينجياڭ گازەتىنىڭ ءتىلشىسى حۋ دامين حابارلايدى. 9 - ايدىڭ 15 - كۇنى ءتىلشىنىڭ اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىنشا، مەملەكەت بويىنشا بايىرعى اعاشتار مەن ايگىلى اعاشتار بايلىعىن ەكىنشى رەتكى تەكسەرۋ ناتيجەسىنە قاراعاندا، شينجياڭدا قازىر بايىرعى اعاشتار مەن ايگىلى اعاشتار سانى 31 مىڭ ءتۇپ (بايىرعى اعاشتار سانى 30 مىڭ 897 ءتۇپ، ايگىلى اعاشتار سانى 103 ءتۇپ) بولعان، 36 ورىندا بايىرعى اعاشتار شوعىرى (16 مىڭ 886 ءتۇپ) بار ەكەن (بيڭتۋان، جاراتىلىستىق قورىق جانە باسقا دا مەملەكەت مەنشىگىندەگى ورمان كولەمىن قامتىمايدى).

جۋىرداعى جىلداردان بەرى، شينجياڭ بايىرعى اعاشتار مەن ايگىلى اعاشتاردى قورعاۋدى كۇشەيتىپ، ”ءاربىر اعاشقا ءبىر ارحيۆ“ تۇرعىزىپ، ”ءبىر اعاش جونىندە ءبىر شارا“ قولدانۋ سىندى قورعاۋ جوسپارىن تياناقتاندىردى. بايىرعى اعاشتاردى قورشاپ قويۋ، تىرەۋ قويۋ، توپىراعىن جاقسارتۋ، دەرت – دەربەزدەن ساقتاندىرۋ جانە تىڭايتقىش بەرۋ قاتارلى شارالار ارقىلى بايىرعى اعاشتاردىڭ ءوسۋ ورتاسىن كورنەكتى جاقسارتىپ، ءوسۋ جاعدايىندا كەرى شەگىنۋ بايقالعان بايىرعى اعاشتاردىڭ تىرشىلىك تىنىسىن قايتادان قالپىنا كەلتىردى.

كەلۋ قاينارى: حالىق تورابى