مەملەكەت بويىنشا ءبىرتۇتاس ەمدەلۋدى قامسىزداندىرۋ كولەمىندە ەمدەۋ جاعىندا قىزمەت وتەۋ نىساندارىنىڭ تىزىمدىگى تۇڭعىش رەت بەلگىلەندى، تۇڭعىش توپتاعى تىزىمدىكتە 13 ءتۇرلى قىزمەت وتەۋ ءتۇرى قامتىلدى 

بۇگىن (9 – ايدىڭ 16 – كۇنى) مەملەكەتتىك ەمدەلۋدى قامتاماسىزداندىرۋ مەڭگەرمەسى «مەملەكەتتىك نەگىزدىك ەمدەلۋدى قامسىزداندىرۋ كولەمىندە ەمدەۋ جاعىندا قىزمەت وتەۋ نىساندارىنىڭ تىزىمدىگىن (ءبىرىنشى توپ) بەلگىلەۋ قىزمەتىنىڭ جوباسىن» رەسمي باسىپ تاراتتى، ەلىمىز ەمدەلۋدى قامسىزداندىرۋ كولەمىندە ەمدەۋ جاعىندا قىزمەت وتەۋ نىساندارىنىڭ تىزىمدىگىن تۇڭعىش رەت مەملەكەت بويىنشا ءبىرتۇتاس بەلگىلەپ، ەمدەلۋدى قامسىزداندىرۋدان اقى تولەۋ كولەمىن اناعۇرلىم جۇيەگە ءتۇسىرىپ، قامتاماسىزداندىرۋدىڭ ادىلدىگى مەن قوردان پايدالانۋ ونىمدىلىگىن جوعارىلاتادى.

جوبادا ”نەگىزدىك قامتاماسىزداندىرۋ“ باعدارىنا تاباندى بولىپ، جەر – جەردەگى قامسىزداندىرۋ قورىنىڭ ەسەپتەن كوتەرۋ مۇمكىندىگى، كلينيكالىق جاقتاعى ناقتى قاجەتسىنۋ جاعدايى جان – جاقتى ويلاستىرىلىپ، ”سالاعا ءبولىپ بەلگىلەۋ، يكەمدى كەمەلدەندىرۋ“ بويىنشا ىلگەرىلەتىلەدى. العاشقى توپتا جۇرەك – قان تامىر اۋرۋلارى، تىنىس جولى اۋرۋلارى، كوز اۋرۋلارى، ايەلدەر اۋرۋلارى، ساۋلەمەن ەمدەۋ، ناركوز، كۇتىمدەۋ، سالاماتتىقتى قالپىنا كەلتىرۋ، اۋىز قۋىسىنا جاساندى ءتىس ەگۋ، جۇكتى بولۋ ءۇشىن كومەكشى تاسىلدەر قولدانۋ قاتارلى 13 ءتۇر قامتىلادى. تىزىمدىك اتقارىلعاننان كەيىن، ولكە اتتاپ سىرت جەردە ەمدەلۋ اقىسىن ەسەپتەن كوتەرۋدە الدىمەن قولدانىلادى، وسىدان سوڭ بىرتىندەپ ءارقايسى ولكەنىڭ قامسىزداندىرۋدان اقى تولەۋ كولەمىمەن ۇشتاستىرىلادى.

جوبادا بۇل تىزىمدىكتى قولدانۋ ولشەمى بەلگىلەنگەن: كلينيكالىق جاقتان ءسوزسىز قاجەتتى، حاۋىپسىز ءارى ءونىمدى، باعاسى ۇيلەسىمدى، قامسىزداندىرۋ قورىنا كەلتىرەتىن حاۋىپ – قاتەرىن مەڭگەرۋگە بولاتىن نىساندار عانا ەنگىزىلەدى؛ اجارلاندىرۋ جانە قۋاتتاندىرۋ، يقۋاتتىق قاجەتتەن تىس الپەت تۇزەۋ، دەنساۋلىق تەكسەرتۋ قاتارلى اۋرۋ ەمدەۋگە جاتپايتىن نىساندار، سونداي – اق ءونىمى بەلگىسىز، حاۋىپ – قاتەر دارەجەسى جوعارى نىساندار ەنگىزىلمەيدى. بۇل شارا ەمدەلۋدى قامسىزداندىرۋ قورىنان اقى تولەۋدى اناعۇرلىم جۇيەلى ءارى جوعارى ءونىمدى ەتىپ، بۇقارانىڭ ناۋقاس كورسەتۋ جانە ەمدەلۋ جاعىنداعى ۇقىق – مۇددەسىن اناعۇرلىم ويداعىداي قورعايدى.

(باس ستانسيا ورتالىق تەلەۆيزياسى ءتىلشىسى ياڭ ياڭ، لۇڭ شياۋچين)

كەلۋ قاينارى: حالىق تورابى