جينشين ەتتى قويى مەملەكەتتىك تەكسەرىپ بەكىتۋدەن ءوتتى، باعىمشىلىقپەن شۇعىلدانۋشىلاردىڭ جىلدىق ورتاشا كىرىسى 12 مىڭ يۋاننان استام ارتتى

تيانشان تورابى – شينجياڭ گازەتىنىڭ حابارى (ءتىلشى ما بويۇي حابارلايدى). 9 – ايدىڭ 15 – كۇنى ءتىلشىنىڭ اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسىنەن ۇعىسۋىنشا، جينشين ەتتى قويى مەملەكەتتىك مال – قۇس گەنەتيكالىق بايلىعى كوميتەتىنىڭ تەكسەرىپ بەكىتۋىنەن وتكەن. بۇل تۇقىم باتىس - سولتۇستىك وڭىردەگى اۋىل شارۋاشىلىق رايوندارىندا قورادا باعىلاتىن ەتتى قويدىڭ تۇقىمىن دەربەس جەتىلدىرە الماۋ سىندى بوستىقتى تولتىردى.

ەتتى قوي باعىمشىلىعى — شينجياڭداعى جۇرتشىلىقتىڭ كىرىسىن ارتتىراتىن نەگىزگى كاسىبى. ۇزاق ۋاقىتتان بەرى، جەرگىلىكتى قوي تۇقىمدارىنىڭ تولدەۋى از، جەتىلۋى باياۋ بولدى، سىرتتان ەنگىزىلگەن اسىل تۇقىمدى قويلار باتىس - سولتۇستىك ءوڭىردىڭ قۇرعاق ورتاسىنا بەيىمدەلە المادى، قوي تۇقىمىن ەنگىزۋ قۇنى جوعارى بولىپ، بۇل قورادا باعىلاتىن ەتتى قوي كاسىبىنىڭ دامۋىنا كەدەرگى بولدى. 2011 – جىلدان باستاپ، شينجياڭ تيانجين اۋچۇن مال شارۋاشىلىعى شەكتى سەرىكتەستىگىنە سۇيەنە وتىرىپ، اۆتونوميالى رايوندىق مال شارۋاشىلىعى عىلىم اكادەمياسىن، كوپتەگەن جوعارى مەكتەپتەردى جانە جەر - جەردەگى مال شارۋاشىلىعى تاراۋلارىن ۇيىمداستىرىپ، ءوڭىر اتتاپ ساپالى تۇقىم جەتىلدىرۋدى بىرلەسىپ ورىستەتتى. 4 ۇرپاق ۇزدىكسىز سۇرىپتاۋ جانە جەرگىلىكتى ورتاعا ۇيلەستىرۋ ارقىلى، اقىرى باتىس - سولتۇستىك ءوڭىردىڭ باعىمشىلىق شارت – جاعدايىنا ۇيلەسەتىن جينشين ەتتى قويىن جەتىلدىرىپ شىقتى.

كەلۋ قاينارى: حالىق تورابى