”ينتەرنەتتى پاكتەندىرۋ ـ 2026“ ارناۋلى ارەكەتىندە كەزەڭدىك ناتيجەگە قول جەتكىزىلدى 

حالىق گازەتىنىڭ 9 ـ ايدىڭ 17 ـ كۇنى بەيجيڭنەن بەرگەن حابارى (ءتىلشى جاڭ تيانپەي) ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا: بيىل جىل باسىنان بەرى، بۇكىل ەلىمىزدەگى قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى ”ينتەرنەتتى پاكتەندىرۋ ـ 2026“ ارناۋلى ارەكەتىن ۇزدىكسىز تەرەڭدەتىپ، تۇتاس تىزبەك بويىنشا سوققى بەرۋ، ۇقساس تيپتەگى دەلولار بويىنشا سوققى بەرۋ، ينتەرنەت ەكولوگيالىق ورتاسىن جونگە سالۋ جاقتارىنا تاباندى بولىپ، حالىق جۇرتشىلىعىنىڭ اڭىسى كۇشتى بولعان ينتەرنەتتەگى كورنەكتى زاڭعا قايشى قىلمىستىق ارەكەتتەرگە سۇراپىل سوققى بەردى، سونىمەن بىرگە مەملەكەتتىك ينتەرنەت جانە ينفورماتسيا حاۋىپسىزدىگى جاعىنداعى ينفورماتسيالاردى حابارلاندىرۋ مەحانيزمىنە سۇيەنىپ، ءار سالاداعى باسقارۋشى تاراۋلارمەن بىرگە ينتەرنەتتەگى زاڭعا قايشى قىلمىستىق ارەكەتتەردى جونگە سالۋ تەبىنىن ارتتىردى. قازىرگە دەيىن، بۇكىل ەلىمىزدەگى قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى ينتەرنەتتەگى زاڭعا قايشى قىلمىستىق دەلولاردان 36 مىڭنان استام دەلونى تەكسەرىپ ءبىرجايلى ەتتى.

ازاماتتاردىڭ جەكەلىك ينفورماتسياسىنىڭ ۇرلانىپ ساتىلۋى، ”ارحيۆتى زاڭسىز تەكسەرۋ“، ”ينفورماتسياعا زاڭسىز قول جەتكىزۋ“ ارقىلى ازاماتتاردىڭ جەكەلىك ينفورماتسياسىن اشكەرەلەۋ قاتارلى زاڭعا قايشى قىلمىستىق ارەكەتتەر كورنەكتى بولعان جاعدايعا باعىتتاي وتىرىپ، قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى ازاماتتاردىڭ جەكەلىك ينفورماتسياسىنا قول سۇعۋعا ساياتىن قىلمىستىق ارەكەتتەرگە قاتاڭ سوققى بەرىپ، قاتىستى دەلولاردان 4100 دەن استام دەلونى اشكەرەلەگەن.

شىرعالاڭ مەن اپاتقا، ەكونوميكا جانە حالىق تۇرمىسى سالاسىنا قاتىستى ىستەردى ويدان قۇراستىرۋ، بىلدىرتپەي اۋىستىرۋ، AI （جاساندى زەردە） ارقىلى تۋىنداتۋ قاتارلى فورمالارداعى ينتەرنەتتىك وسەك ـ اياڭداردىڭ ءجيى تارالۋىنا باعىتتاي وتىرىپ، قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى جەدەل تەكسەرۋ جانە جەدەل ءبىرجايلى ەتۋگە تاباندى بولىپ، قاتىستى دەلولاردان 11 مىڭنان استامىن انىقتاپ، وسەك ـ اياڭدارعا تويتارىس بەرۋ جونىندەگى ۇگىتتى دەر كەزىندە ورىستەتىپ، جۇرتشىلىقتىڭ نازارىن اۋدارعان ماسەلەلەرگە جاۋاپ قايتاردى. ينتەرنەتتەگى ءمالىم بىرەۋلەردىڭ جەلەۋىن كوتەرۋشى توپتاردىڭ ينتەرنەتتەگى بىلىققان جاعدايدىڭ پەردە ارتىنداعى قوزعاۋشىسىنا اينالىپ، تاقىرىپ تۋىنداتۋ، وزەكتى تۇيىندەردەن پايدالانۋ جانە ونى دابىرالاۋ، اقى الىپ جازبا ءوشىرۋ، كورىلىم مولشەرىن جالعاننان جاساۋ جانە پىكىردى مەڭگەرۋ قاتارلى ارەكەتتەردى ۇيىمداسقان تۇردە ورىستەتۋى قاتارلى ارەكەتتەرگە باعىتتاي وتىرىپ، قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى قوسالقى جاعى مەن نەگىزگى جاعىن بىردەي وڭالتۋ وڭاۋ مەن تۇبىرىنەن وڭاۋدى ۇشتاستىرۋ، ۇزاق مەرزىمدىك ءونىمدى جونگە سالۋ سىندى قىزمەت ۇستانىمىن بۇلجىتپاي اتقارىپ، وسەك ـ اياڭ تاراتىپ كورىلىمگە يە بولۋ، الەۋمەتتىك پىكىردەن پايدالانىپ بوپسالاۋ، كورىلىم مولشەرىن جالعاننان جاساۋ جانە پىكىردى مەڭگەرۋ، اقى الىپ جازبا ءوشىرۋ قاتارلى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرىپ، قاتىستى دەلولاردان جيىنى 190 نان استام دەلونى اشكەرەلەدى.

ينتەرنەتتىك زورلىق ـ زومبىلىق قاتارلى زاڭعا قايشى قىلمىستىق ارەكەتتەر ازاماتتاردىڭ زاڭدى ۇقىق ـ مۇددەسىنە اۋىر دارەجەدە سۇعاناقتىق جاساپ، ينتەرنەت ەكولوگياسىنىڭ ءتارتىبىن اۋىر دارەجەدە بۇلدىرەدى، قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى زاڭسىز جولمەن قول جەتكىزگەن جەكەلىك ينفورماتسيالاردى جاريالاۋ، قورلاۋ جانە جالا جابۋ، تەلەفون سوعۋ جانە كەلتە حات جولداۋ ارقىلى ”مازاسىن الۋ“ قاتارلى ينتەرنەتتەگى زورلىق – زومبىلىققا ساياتىن زاڭعا قايشى قىلمىستىق ارەكەتتەرگە نازاردى شوعىرلاندىرىپ، جان ـ جاقتى سوققى بەرۋدى جانە وڭاۋدى ورىستەتتى. سونىمەن بىرگە، ينتەرنەتتىك كاسىپورىندار مەن تەكشەلەردىڭ ينفورماتسيا مازمۇنىن تەكسەرىپ باسقارۋدى جانە تەحنيكالىق جاقتان الدىن الا ساقتانۋدى كۇشەيتۋىنە زاڭ بويىنشا قۋزاۋ سالىپ، جەتەكشىلىك ەتىپ، جان ـ جاقتى جونگە سالۋدىڭ ۇزاق مەرزىمدىك ءونىمدى مەحانيزمىن بەكەمدەپ، ازاماتتاردىڭ زاڭدى ۇقىق ـ مۇددەسىن شىنايى قورعاپ، قاتىستى دەلولاردان جيىنى 2500 دەن استام دەلونى انىقتاعان.

كەلۋ قاينارى: حالىق تورابى