مەملەكەتتىك اقپارات - باسپا ءسوز باسقارماسى «باسپا ءسوز كاسىبىن دامىتۋدىڭ ”15 - بەسجىلدىق“ جوباسىن» باسىپ تاراتتى 

شينحۋا اگەنتتىگىنىڭ 9 - ايدىڭ 21 - كۇنى بەيجيڭنەن بەرگەن حابارى. مەملەكەتتىك اقپارات - باسپا ءسوز باسقارماسى جۋىردا «باسپا ءسوز كاسىبىن دامىتۋدىڭ ”15 - بەسجىلدىق“ جوباسىن» باسىپ تاراتتى، مۇندا باسپا ءسوز كاسىبىنىڭ ”15 - بەسجىلدىق“ مەزگىلىندەگى جالپى تالابى، نىساناسى مەن مىندەتتەرى، قامتاماسىزداندىرۋ شارالارى قاتارلىلار ايقىندالىپ، ”15 - بەسجىلدىق“ مەزگىلىندەگى باسپا ءسوز كاسىبىنىڭ دامۋ سۇلباسى مەن بەتالىسى كورسەتىلدى.

جوبادا مىنالار باسا دارىپتەلدى: ”15 - بەسجىلدىق“ مەزگىلىندە باسپا ءسوز كاسىبىنىڭ دامۋى كوپ تۇرعىدان جاڭا ورايلار مەن جاڭا سىن - سايىستارعا تاپ بولىپ، كاسىپ فورماسىن قايتا قالىپتاستىرۋ، كاسىپ سالاسىن قايتا قۇرۋدىڭ جاڭا بەلەسىنە قادام تاستادى. باسپا ءسوز شەبى شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، شي جينپيڭ مادەنيەت يدەياسىن ىشكەرىلەي ۇيرەنىپ جانە امالياتتا ايگىلەپ، باس شۋجي شي جينپيڭنىڭ باسپا ءسوز قىزمەتى جونىندەگى ماڭىزدى بايىمداۋلارىنىڭ رۋحىن دايەكتىلەندىرىپ، تياناقتاندىرىپ، پارتيانىڭ باسپا ءسوز قىزمەتىنە جالپى بەتتىك باسشىلىق ەتۋىنە تاباندى بولىپ، مادەنيەت سالاسىندا حالىق ءۇشىن جاقسى كىتاپ شىعارۋ سىندى تالپىنىستى بۇلجىتپاستان اتقارىپ، رەفورما جاساۋ، جاڭالىق اشۋ جانە تەحنيكا ارقىلى جەدەلدەتۋگە تاباندى بولىپ، قوعامدىق ونىمدىلىكتى ءبىرىنشى ورىنعا قويۋعا، قوعامدىق ونىمدىلىك پەن ەكونوميكالىق ونىمدىلىكتىڭ بىرلىگىنە تاباندى بولىپ، كاسىپ سالاسىنىڭ دامۋى مەن مادەنيەت حاۋىپسىزدىگىن ءبىرتۇتاس جوسپارلاۋعا تاباندى بولىپ، باسپا ءسوز كاسىبىنىڭ گۇلدەنىپ - كوركەيۋىن جەبەپ، مادەنيەتتە قۇدىرەتتى ەل قۇرۋعا اناعۇرلىم ويداعىداي دەم بەرۋ كەرەك.

جوبادا مىنالار ورتاعا قويىلدى: 2030 - جىلعا بارعاندا، باسپا ءسوز كاسىبىنىڭ جوعارى ساپالى دامۋىندا كورنەكتى ونىمدىلىككە قول جەتكىزىلىپ، باسپا ءسوز ىستەرىنىڭ بۇكىل ۇلتتىڭ مادەنيەتتەگى جاڭالىق اشۋ، جاسامپازدىق جاعىنداعى بەلسەندىلىگىن قوزعاۋ، مادەنيەتتىڭ گۇلدەنىپ - كوركەيۋىن ىلگەرىلەتۋ رولى اناعۇرلىم كورنەكتىلەنەدى. جوبا نىسانانى باعدار ەتۋ مەن ماسەلەنى باعدار ەتۋدىڭ بىرلىگىنە تاباندى بولىپ، نەگىزگى تاقىرىپتاعى باسپا ءسوز ىستەرىن كۇش سالا ويداعىداي ىستەۋ، باسپا ءسوز سالاسىندا ساپالى قامداۋدىڭ كولەمىن ۇزدىكسىز كەڭەيتۋ، بۇكىل حالىقتىق كىتاپ وقۋ قىزمەتىن ىشكەرىلەي ورىستەتۋ، باسپا ىستەرىنىڭ ىشكەرىلەي توعىسىپ دامۋىن جەدەلدەتۋ، گازەت كاسىبى جۇيەسىندە وزگەرىس جاساۋدى ىلگەرىلەتۋ، باسپا جانە تاراتۋ كاسىبىنىڭ جاڭالىق اشا دامۋىن ىلگەرىلەتۋ، باسپا ءسوز ىستەرىنىڭ حالىقارالىق تارالىمىن كۇشەيتۋ، باسپا ءسوز سالاسىندا جوعارى دەڭگەيلى دارىندىلار قوسىنىن قۇرۋ قاتارلى 8 جاقتى توڭىرەكتەي وتىرىپ، ”15 - بەسجىلدىق“ مەزگىلىندە كۇش سالا ىلگەرىلەتىپ اتقارۋعا ءتيىستى ءتۇيىندى مىندەتتەردى ورتاعا قويىپ، 8 ارناۋلى ايدار، 33 كەلەلى ينجەنەريا نىسانىن تىزىمدىككە ەنگىزگەن، مۇندا باسپا ءسوز ىستەرىنىڭ مازمۇندىق ءوندىرىسى، كىتاپ وقۋدى جالپىلاستىرۋ، كاسىپ سالاسىنىڭ دارەجەسىن جوعارىلاتۋ، حالىقارالىق تارالىم، دارىندىلار قوسىنى قاتارلى باسپا ءسوز ىستەرىنىڭ تۇتاس تىزبەگى مەن ءار سالاسى قامتىلعان.

كەلۋ قاينارى: حالىق تورابى