قوعام حاۋىپسىزدىگى ورگاندارى مۇزداتىلعان ۇلتتىق مال – مۇلىكتى بوساتۋ تۇرىندەگى الدامكوستىك ىستەيتىن شەكارا اتتاعان قىلمىستىق توپتى تالقاندادى 

شينحۋا اگەنتتىگىنىڭ 9 – ايدىڭ 23 – كۇنى بەيجيڭنەن بەرگەن حابارى (ءتىلشى لي ميڭحۇي). ءتىلشىنىڭ 9 – ايدىڭ 23 – كۇنى قوعام حاۋىپسىزدىگى مينيسترلىگىنەن ۇعىسۋىنشا، بيىل 7 – ايدان بەرى، قوعام حاۋىپسىزدىگى مينيسترلىگىنىڭ جەتەكشىلىگىندە، جيلين قوعام حاۋىپسىزدىگى ورگاندارى مۇزداتىلعان ۇلتتىق مال – مۇلىكتى بوساتۋ تۇرىندەگى الدامكوستىك ىستەيتىن شەكارا اتتاعان ءبىر قىلمىستىق توپتى تالقانداپ، شەكارا ىشىندە قىلمىس كۇماندىلارىنان 101 ادامدى تۇتقىنداعان. سونىمەن بىرگە، لاوس، سينگاپۋر، كامبودجا ساقشىلارىمەن حالىقارالىق زاڭ اتقارۋ سەلبەستىگىن ورىستەتىپ، 3 ەلدىڭ ساقشىلارى جيىنى 156 قىلمىس كۇماندىسىن تۇتقىنداعان. جۋىردا، قاتىستى قىلمىس كۇماندىلارى ىركەس – تىركەس ەلىمىزگە قايتارىلىپ اكەلىندى.

بيىل 1 – ايدا، جيلين قوعام حاۋىپسىزدىگى ورگاندارى مۇزداتىلعان ۇلتتىق مال – مۇلىكتى بوساتۋ تۇرىندەگى الدامكوستىك ىستەيتىن شەكارا اتتاعان ءبىر قىلمىستىق توپتى تەكسەرىپ انىقتاعان. بۇل توپ ”گۇلدەندىرۋ جيناق قارجىسى“، ”قارتتاردى كۇتىمدەۋ ارەكەتى“، ”جۇڭگونىڭ اۋىل شارۋاشىلىعىن كۇشەيتۋ“، ”حالىق تۇرمىسىنا كەپىلدىك ەتۋ“، ”جۇڭگو ارمانىن ورىنداۋ“ قاتارلى جالعان ”مەملەكەتتىك نىسانداردى“ ويدان قيىستىرىپ، تەحنيكالىق توپتى جالداپ، الدامكوستىككە ساياتىن APP دەتالدارىن جاساتىپ، ينتەرنەت تەكشەلەرى ارقىلى ”كورىلىمگە يە بولىپ“، مۇشە قابىلداپ، ۇزاق ۋاقىت بويى قارتتار شوعىرىندا الدامكوستىك ىستەگەن، الدانعاندار سانى وتە كوپ بولىپ، دەلوعا قاتىستى قاراجات سوماسى 6 ميلليارد يۋاننان اسقان.

كەلۋ قاينارى: حالىق تورابى