شي جينپيڭ مەن پىڭ لييۋان امەريكا زۇڭتۇڭى ترامپپەن جانە ونىڭ حانىمىمەن شاي ىشە وتىرىپ اڭگىمەلەستى

جەرگىلىكتى ۋاقىت 9 - ايدىڭ 25 - كۇنى تۇستەن بۇرىن مەملەكەت ءتوراعاسى شي جينپيڭ مەن حانىمى پىڭ لييۋان امەريكا زۇڭتۇڭى ترامپپەن جانە ونىڭ حانىمى ميلانيامەن بىرگە اق سارايدا شاي ىشە وتىرىپ اڭگىمەلەستى.

□ سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

جەرگىلىكتى ۋاقىت 9 - ايدىڭ 25 - كۇنى كۇنى تۇستەن بۇرىن مەملەكەت ءتوراعاسى شي جينپيڭ مەن حانىمى پىڭ لييۋان امەريكا زۇڭتۇڭى ترامپپەن جانە ونىڭ حانىمى ميلانيامەن بىرگە اق سارايدا شاي ىشە وتىرىپ اڭگىمەلەستى. شاي ىشە وتىرىپ اڭگىمەلەسكەننەن كەيىن، شي جينپيڭ مەن پىڭ لييۋان ترامپ پەن ميلانيانىڭ سەرىك بولۋىندا امەريكا مەملەكەتتىك ارحيۆ سارايىن ەكسكۋرسيالادى.

□ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگىنىڭ 9 - ايدىڭ 25 - كۇنى ۆاشينگتوننان بەرگەن حابارى (تىلشىلەر حان مو، حۋاڭ چياڭ). جەرگىلىكتى ۋاقىت 9 - ايدىڭ 25 - كۇنى تۇستەن بۇرىن مەملەكەت ءتوراعاسى شي جينپيڭ مەن حانىمى پىڭ لييۋان امەريكا زۇڭتۇڭى ترامپپەن جانە ونىڭ حانىمى ميلانيامەن بىرگە اق سارايدا شاي ىشە وتىرىپ اڭگىمەلەستى. ەكى ەلدىڭ مەملەكەت باسشىلارى جۇڭگو − امەريكا قاتىناسى ورنىنىڭ مازمۇنىن ونان ارى بايىتىپ، ”قۇرمەت ەتۋ، ادىلدىك، تەڭدىك نەگىزىندەگى سىندارلى ستراتەگيالىق ورنىقتى قاتىناستى“ بىرگە ورناتۋدى قۇپتادى.

شي جينپيڭ بىلاي دەپ اتاپ كورسەتتى: بۇل مەنىڭ اراعا 11 جىل سالىپ ۆاشينگتونعا كەلىپ، امەريكادا مەملەكەتتىك ساپاردا بولۋىم. وسى رەتكى ساپاردا ءبىز جۇڭگو − امەريكا قاتىناسى ورنىنىڭ مازمۇنىن تاعى دا بايىتتىق، ”قۇرمەت ەتۋ، ادىلدىك، تەڭدىك نەگىزىندەگى سىندارلى ستراتەگيالىق ورنىقتى قاتىناستى“ بىرگە ورناتۋدى قۇپتادىق، ەكونوميكا - ساۋدا سالاسىندا دا ءوزارا تيىمدىلىك جاساۋ، ءوزارا پايدا جەتكىزۋ جەتىستىگىنە قول جەتكىزدىك، بۇل ەكى ەل حالقى مەن حالىقارالىق قوعامنىڭ قارسى الۋىنا يە بولادى.

شي جينپيڭ بىلاي دەپ باسا دارىپتەدى: جۇڭگو − امەريكا قاتىناسىنىڭ بولاشاعى جارقىن، بۇل تاريحي اۋقىم. سونىمەن بىرگە نۇرلى بولاشاققا باستايتىن جول قاشاندا بۇراڭ بولادى، قاشاندا ءتۇرلى قيىنشىلىقتار مەن سىناقتار بولادى، بۇل دا ىستەردىڭ دامۋ زاڭدىلىعىنا ۇيلەسەدى. مەن ترامپ زۇڭتۇڭمەن بىرگە تاريحقا جاۋاپتى بولاتىن باتىلدىقپەن جانە جاۋاپكەرشىلىكپەن جۇڭگو − امەريكا قاتىناسىنىڭ دامۋ تاريحىنا بىرگە ايشىقتى ءىز قالدىرۋدى قالايمىن.

ترامپ مىنالاردى ءبىلدىردى: ءتوراعا شي جينپيڭنىڭ وسى رەتكى امەريكاداعى مەملەكەتتىك ساپارى مول سىندارلى، توتەنشە تابىستى ساپار بولدى. ەكى جاق امەريكا − جۇڭگو قاتىناسى جانە كەلەلى حالىقارالىق، وڭىرلىك ماسەلەلەر جونىندە ىشكەرىلەي پىكىرلەسىپ، كوپتەگەن بەلسەندى جەتىستىكتەرگە قول جەتكىزدى، بۇل ەكى ەلگە دە پايدالى. ءتوراعا شي جينپيڭمەن تىعىز بايلانىستى ۇزدىكسىز ساقتاپ، امەريكا − جۇڭگو قاتىناسىنىڭ دامۋىنا بىرگە جەتەكشىلىك ەتۋدى ءۇمىت ەتەمىن.

شاي ىشە وتىرىپ اڭگىمەلەسكەننەن كەيىن، شي جينپيڭ مەن پىڭ لييۋان ترامپ پەن ميلانيانىڭ سەرىك بولۋىندا امەريكا مەملەكەتتىك ارحيۆ سارايىنا باردى. ەكى ەلدىڭ مەملەكەت باسشىلارى مەن ولاردىڭ حانىمدارى ارحيۆ سارايىنىڭ ورتالىق زالىنا بىرگە بارىپ، ارحيۆ سارايى مەن كورمەگە قويىلعان نەگىزگى زاتتار جونىندەگى تانىستىرۋدى تىڭدادى.

شي جينپيڭ مىنالاردى ءبىلدىردى: ارحيۆكە اعا بۋىنداردىڭ اقىل - پاراساتى سىڭىرىلگەن، بولاشاق جونىندەگى وي قامتىلعان. 250 جىلدان بەرى امەريكا حالقى امەريكا ارمانىنا تالپىنىپ، سولتۇستىك امەريكا قۇرلىعىندا باي دا قۇدىرەتتى مەملەكەت جانە كورىكتى مەكەن قۇردى. جۇڭگو حالقى جۇڭحۋا ۇلتىنىڭ بەس مىڭ جىلدىق مادەنيەت داستۇرىنە مۇراگەرلىك ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جاڭا جورىعىندا ۇزدىكسىز تىڭ ناتيجەلەرگە قول جەتكىزدى. جۇڭگو مەن امەريكا وزىندىك ەرەكشەلىككە يە ەكى مەملەكەت، ەكى ەلدىڭ تاريحي مادەنيەتى، قوعامدىق ءتۇزىمى، دامۋ جولى ۇقساماعانىمەن، ەكى ەل حالقىنىڭ تاماشا تۇرمىسقا تالپىنىسى ۇقساس. ءبىر - ءبىرىنىڭ وزگەشەلىگىن مويىنداپ جانە وعان قۇرمەت ەتىپ، ءبىرىن - ءبىرى ءتۇسىنىپ، ءبىر - بىرىنەن ۇلگى الىپ، ەڭ ۇلكەن ورتاق بولگىشتى تاۋىپ، سەلبەستىك ءتىزىمىن ۇزارتىپ، الاۋىزدىقتاردى ۇيلەسىمدى مەڭگەرگەندە عانا ەكى ەل قاتىناسى ورنىقتى قاداممەن الىسقا جەتەدى.