جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرىپ، اناعۇرلىم جوعارى دەڭگەيدەگى تىنىش جۇڭگو قۇرىلىسى ارقىلى جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىن قامتاماسىز ەتۋ كەرەك

«حالىق گازەتى»، 9 - ايدىڭ 28 - كۇنى، بەيجيڭ (ءتىلشى چي يۇيكۇن). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا اناعۇرلىم جوعارى دەڭگەيدەگى تىنىش جۇڭگو قۇرۋ جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: پارتيا 18 - قۇرىلتايىنان بەرى تىنىش جۇڭگو قۇرىلىسىندا كورنەكتى ونىمدىلىككە قول جەتىپ، حالىق الاڭسىز تىرشىلىك ەتەتىن، قوعام تىنىش، ءتارتىپتى، تاماشا جاعداي اناعۇرلىم بەكەمدەلدى. ەلىمىز دۇنيە جۇزىندەگى ەڭ حاۋىپسىز ەلدەردىڭ بىرىنە اينالدى.

شي جينپيڭ بىلاي دەپ باسا دارىپتەدى: جاڭا جورىقتا جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، دامۋ مەن حاۋىپسىزدىكتى ءبىر تۇتاس جوسپارلاپ، جازالاۋ مەن ساقتانۋدى قاتار جۇرگىزىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا ءمان بەرىپ، زاڭمەن جونگە سالۋ تىرەگىن كۇشەيتىپ، عىلىم - تەحنيكا قۋاتىن نىعايتىپ، مەملەكەت حاۋىپسىزدىگى جۇيەسى مەن قابىلەت قۇرىلىسىن كۇشەيتىپ، الەۋمەتتىك حاۋىپسىزدىكتى جونگە سالۋ دەڭگەيىن جوعارىلاتىپ، قوعامدىق جونگە سالۋ جۇيەسىن كەمەلدەندىرىپ، ءتۇرلى حاۋىپ - قاتەردەن ساقتانىپ جانە ونى شەشىپ، مەملەكەتتىڭ اناعۇرلىم حاۋىپسىز، قوعامنىڭ اناعۇرلىم ءتارتىپتى، جونگە سالۋدىڭ اناعۇرلىم ءونىمدى، حالىقتىڭ اناعۇرلىم رازى بولۋىنا ۇزدىكسىز كۇش سالىپ، اناعۇرلىم جوعارى دەڭگەيدەگى تىنىش جۇڭگو قۇرىلىسى ارقىلى جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىن قامتاماسىز ەتۋ كەرەك.

تىنىش جۇڭگو قۇرىلىسى قىزمەتى ءماجىلىسى 9 - ايدىڭ 28 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى چىن ۋىنچيڭ ماجىلىسكە قاتىناستى ءارى ءسوز سويلەدى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى تىنىش جۇڭگو قۇرىلىسىنا جوبا جاساپ، ايقىن باعدار كورسەتتى. پارتيا ورتالىق كوميتەتىنىڭ پارمەندى باسشىلىعىندا، تىنىش جۇڭگو قۇرىلىسىنىڭ تابىستارىن كۇللى دۇنيە ءجۇزى مويىنداۋدا، ”تىنىشتىق“ ”جۇڭگونى جونگە سالۋدىڭ“ ايقىن بەلگىسىنە اينالدى، بۇل تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جول نۇسقاپ، رول ۇستاۋىنان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى. ءبىز جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، جازالاۋ مەن ساقتانۋدى قاتار جۇرگىزىپ، ۇستىنەن وڭاۋ مەن تۇبىرىنەن وڭاۋدى قاتار يگەرىپ، بىرگە باسقارىپ، بىرىككەن كۇش قالىپتاستىرىپ، اناعۇرلىم جوعارى دەڭگەيدەگى تىنىش جۇڭگونى قۇلشىنا قۇرۋىمىز كەرەك.

جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، قوعام حاۋىپسىزدىگى مينيسترلىگىنىڭ مينيسترى ۋاڭ شياۋحۇڭ قورىتىندى سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، وسى رەتكى ءماجىلىستىڭ ورنالاستىرۋىنا ساي، ”ءتورت اناعۇرلىم“ نىساناسىن كوزدەپ، يدەيالىق جەتەكشىلىكتى كۇشەيتۋدە تياناقتاندىرۋدى يگەرىپ، نازاردى ءتۇيىندى مىندەتتەرگە شوعىرلاندىرۋدا تياناقتاندىرۋدى يگەرىپ، ءادىس - امالداردى جاڭالاۋدا تياناقتاندىرۋدى يگەرىپ، نەگىزگى ساتىنىڭ نەگىزىن بەكەمدەۋدە تياناقتاندىرۋدى يگەرىپ، قىزمەت جۇيەسىن اقاۋسىزداندىرۋدا تياناقتاندىرۋدى يگەرىپ، تىنىش جۇڭگو قۇرىلىسىنىڭ جاڭا جاعدايىن ۇزدىكسىز جاراتۋ كەرەك.

ماجىلىستە تىنىش جۇڭگو قۇرىلىسىنان ۇلگى كورسەتەتىن 60 قالاعا جانە تىنىش جۇڭگو قۇرىلىسىنان ۇلگى كورسەتەتىن 160 اۋدانعا ماڭدايشالىق بەرىلدى، ماداقتالىپ - سيلانعان ۋاكىلدەر پىكىر اۋىستىرىپ، ءسوز سويلەدى.

جاڭ جۇن، يىڭ يۇڭ ماجىلىسكە قاتىناستى.

كەلۋ قاينارى: حالىق تورابى