زوۋ جياحۋا جولداس دۇنيەگە كەلگەندىگىنىڭ 100 جىلدىعىن ەسكە ءتۇسىرۋ اڭگىمە ءماجىلىسى بەيجيڭدە وتكىزىلدى

«حالىق گازەتى»، 9 - ايدىڭ 29 - كۇنى، بەيجيڭ. زوۋ جياحۋا جولداس دۇنيەگە كەلگەنىنىڭ 100 جىلدىعىن ەسكە ءتۇسىرۋ اڭگىمە ءماجىلىسى 9 - ايدىڭ 29 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي اڭگىمە ماجىلىسىنە قاتىناستى ءارى ماجىلىستەن بۇرىن زوۋ جياحۋا جولداستىڭ تۋىس - تۋعاندارىمەن كەزدەستى.

زوۋ جياحۋا جولداس _ جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن ادال كوممۋنيزم جاۋىنگەرى، پرولەتاريات توڭكەرىسشىسى، جۇڭگو كوممۋنيستىك پارتياسى 14 - كەزەكتى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ بۇرىنعى ورىنباسار زۇڭليى، 9 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ اڭگىمە ماجىلىسىندە زوۋ جياحۋا جولداستىڭ شۇعىلالى ءومىرىن ساعىنا ەسكە الىپ، مىنالاردى ءبىلدىردى: ونىڭ بەرىك سەنىمىنەن، پارتياعا ادال ساياسي قاسيەتىنەن، شىندىقتى ءىس جۇزىنەن ىزدەيتىن، شىندىققا جۇگىنىپ، ناقتى ىستەيتىن قىزمەت ستيلىنەن، باتىلدىقپەن رەفورما جاساپ، باتىلدىقپەن ءىس تىندىراتىن كۇرەسكەرلىك رۋحىنان، قاراپايىمدىلىعىنان، وزىنە قاتاڭ تالاپ قوياتىن تاڭداۋلى قاسيەتىنەن ۇيرەنىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە ۇزدىكسىز تىڭ دا اناعۇرلىم زور ۇلەس قوسۋىمىز كەرەك.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ديڭ جۇڭلي اڭگىمە ءماجىلىسىن باسقاردى.

كەلۋ قاينارى: حالىق تورابى