مەملەكەت مەرەكەسىنىڭ دەمالىسىندا بۇكىل ەلىمىزدىڭ كوپ ءبولىم وڭىرىندە اۋا رايى ءبىرشاما جاقسى بولادى 

گازەتىمىزدىڭ 9 – ايدىڭ 29 – كۇنى بەيجيڭنەن بەرگەن حابارى (ءتىلشى لي حۇڭمەي) ءتىلشىنىڭ ورتالىق اۋا رايى ستانسياسىنان ۇعىسۋىنشا، 10 – ايدىڭ 1 – كۇنىنەن 7 – كۇنىنە دەيىن مەملەكەت مەرەكەسىنىڭ دەمالىسى كەزىندە، بۇكىل ەلىمىزدىڭ كوپ ءبولىم وڭىرىندە اۋا رايى ءبىرشاما جاقسى، ساپارلاۋعا ۇيلەسىمدى بولادى. سولتۇستىكتەگى كوپ ءبولىم وڭىرلەردە نەگىزىنەن اشىق نەمەسە بۇلتتى اۋا رايى باسىم بولادى؛ وڭتۇستىكتەگى وڭىرلەردە 10 – ايدىڭ 4 – كۇنىنەن بۇرىن بۇلتتى، جاڭبىرلى اۋا رايى باسىم بولىپ، نەگىزىنەن سەبەزگى جاڭبىر نەمەسە ورتاشا جاڭبىر جاۋادى، باتىس - وڭتۇستىك ءوڭىردىڭ ءىشىنارا جەرلەرىندە قالىڭ جاڭبىر نەمەسە نوسەر جاۋادى؛ 10 - ايدىڭ 3 – كۇنىنەن 4 – كۇنىنە دەيىن ورتا – شىعىس وڭىرلەردە ءبىر رەت سۋىق اعىس جۇرەدى، ءبىراق ىقپالى زور بولمايدى، بۇكىل ەلىمىزدىڭ كوپ ءبولىم وڭىرلەرىندە تەمپەراتۋرا ءبىرشاما ۇيلەسىمدى بولادى؛ كەڭ كولەمدى قۇمدى بوران سوعۋ، تۇمان ءتۇسۋ، مۇنار باسۋ سىندى اۋا رايى قۇبىلىستارى بولمايدى؛ ەلىمىزگە تايفىڭ داۋىلى ىقپال جاسامايدى.

وڭتۇستىك وڭىردە بۇلتتى، جاڭبىرلى اۋا رايى باسىم بولادى، سولتۇستىك وڭىردە اۋا رايى نەگىزىنەن اشىق ءارى جاقسى بولادى. 10 - ايدىڭ 1 – كۇنىنەن 4 – كۇنىنە دەيىن، باتىس - وڭتۇستىك ءوڭىردىڭ شىعىس بولىگىندە، چاڭجياڭ – حانجياڭ وڭىرىندە، چاڭجياڭنىڭ وڭتۇستىگىندەگى وڭىرلەردە، وڭتۇستىك جۇڭگونىڭ كوپ بولىمىندە سەبەزگى جاڭبىر نەمەسە ورتاشا دارەجەدە جاڭبىر جاۋادى، ءبىر ءبولىم وڭىرلەردە قالىڭ جاڭبىر جاۋادى، گۇيجوۋ قاتارلى جەرلەردىڭ ءىشىنارا وڭىرلەرىندە نوسەر جاۋادى، چيڭحاي – شيزاڭ ءۇستىرتىنىڭ شىعىس بولىگىندەگى ءىشىنارا جەرلەردە قالىڭ قار جاۋادى؛ 10 - ايدىڭ 5 – كۇنىنەن كەيىن، وڭتۇستىكتەگى كوپ ءبولىم وڭىرلەردە اۋا رايى اشىق ءارى جايلى بولادى. 10 - ايدىڭ 2 – كۇنىنەن 3 – كۇنىنە دەيىن، ىشكى موڭعۇلدىڭ ورتا بولىگىندە، سولتۇستىك جۇڭگونىڭ سولتۇستىك بولىگىندە، شىعىس - سولتۇستىك جۇڭگونىڭ وڭتۇستىك بولىگىندە سەبەزگى جاڭبىر دارەجەسىنەن ورتاشا دارەجەگە دەيىن جاڭبىر جاۋادى نەمەسە نايزاعايلى وتكىنشى جاڭبىر جاۋادى، ءىشىنارا جەرلەردە قالىڭ جاڭبىر جاۋادى.

بۇكىل ەلىمىزدىڭ كوپ ءبولىم وڭىرلەرىندە تەمپەراتۋرا ءبىرشاما جايلى بولادى. سۋىق اعىستىڭ ىقپالىنان، 10 - ايدىڭ 3 – كۇنىنەن 4 – كۇنىنە دەيىن ورتا – شىعىس وڭىرلەردە تەمپەراتۋرا ىلگەرىندى – كەيىندى 4 - 6 سەلتسي گرادۋس تومەندەيدى، چاڭجياڭ – حۋايحى ءوڭىرىنىڭ سولتۇستىگىندە 4 - 5 بال جەل سوعادى، 10 - ايدىڭ 4 – كۇنىنەن 7 – كۇنىنە دەيىن دۇڭحاي تەڭىزى ايدىنىندا 5 - 7 بال جەل سوعادى؛ 10 - ايدىڭ 6 – كۇنىنەن 7 – كۇنىنە دەيىن جاڭا ءبىر كەزەكتى سۋىق اعىستىڭ ىقپالىنان، شينجياڭنىڭ سولتۇستىگىندە بوران سوعىپ، تەمپەراتۋرا تومەندەۋ جاعدايى كورنەكتى بولادى.

كەلۋ قاينارى: حالىق تورابى