بيىلعى 250 ميلليارد يۋان اسا ۇزاق مەرزىمدى ارناۋلى مەملەكەتتىك زايوممەن تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋ قاراجاتى بۇكىلدەي ءبولىندى 

شينحۋا اگەنتتىگىنىڭ 9 - ايدىڭ 30 – كۇنى بەيجيڭنەن بەرگەن حابارى (ءتىلشى ۋەي يۇيكۇن) ءتىلشىنىڭ 9 - ايدىڭ 30 - كۇنى مەملەكەتتىك دامۋ – رەفورما كوميتەتىنەن ۇعىسۋىنشا، جۋىردا مەملەكەتتىك دامۋ – رەفورما كوميتەتى قازىنا مينيسترلىگىمەن بىرگە بيىلعى ءتورتىنشى توپتاعى 62 ميلليارد 500 ميلليون يۋان اسا ۇزاق مەرزىمدى ارناۋلى مەملەكەتتىك زايوممەن تۇتىنۋ بۇيىمدارىنىڭ كونەسىن جاڭاسىنا اۋىستىرۋعا قولداۋ كورسەتۋ قاراجاتىن جەرگىلىكتى ورىندارعا بولگەن. سونىمەن، بيىلعى تۇتاس جىلداعى تۇتىنۋ بۇيىمدارىنىڭ كونەسىن جاڭاسىنا اۋىستىرۋعا ارنالعان قوسىمشا قاراجاتتان 250 ميلليارد يۋان بۇكىلدەي بولىنگەن.

ۇعىسۋعا قاراعاندا، كەلەسى قادامدا قاتىستى تاراۋلار جەرگىلىكتى ورىندارعا ۇزدىكسىز جەتەكشىلىك ەتىپ، قىزمەت ءتارتىبىن ۇيلەسىمدى مەڭگەرىپ، قاراجاتتى پايدالانۋ جوسپارىن ساپالىلاندىرىپ، قوسىمشا قاراجاتتىڭ پايدالانۋ بارىسىن تەكسەرۋ مەن تاراتۋدى جۇيەلى، جوعارى ءونىمدى تۇردە ويداعىداي ىستەپ، قوسىمشا قاراجاتتى الداپ الۋ قاتارلى زاڭعا، ەرەجەگە قايشى ارەكەتتەرگە قاتاڭ سوققى بەرىپ، تۇتىنۋ بۇيىمدارىنىڭ كونەسىن جاڭاسىنا اۋىستىرۋ جونىندەگى ساياساتتىڭ ونىمدىلىگىن ساۋلەلەندىرەدى.

كەلۋ قاينارى: حالىق تورابى