اۋىل شارۋاشىلىعى جانە اۋىل ـ قىستاق مينيسترلىگى مەن جۇڭگو اۋا رايى مەكەمەسى ەگىن، مال شارۋاشىلىعىندا قار اپاتىنىڭ حاۋىپ ـ قاتەرىنەن ساقتانۋ سيگنالىن بىرلەسىپ جاريالادى

جۇڭگو اقپارات تورابىنىڭ 10 – ايدىڭ 29 – كۇنى بەيجيڭنەن بەرگەن حابارى. جۇڭگو اۋا رايى مەكەمەسىنىڭ ميكرو بلوگىنىڭ حابارىنا قاراعاندا، مەجەمەن 10 – ايدىڭ 29 – كۇنىنەن 31 – كۇنىنە دەيىن حيلۇڭجياڭنىڭ باتىس سولتۇستىك بولەگى، ىشكى موڭعۇلدىڭ شىعىس سولتۇستىك بولەگى، شيزاڭنىڭ باتىس بولەگى جانە وڭتۇستىك بولەگىندەگى ءىشىنارا رايونداردا قالىڭ قار جاۋادى، شيزاڭنىڭ وڭتۇستىك بولەگىندەگى ءىشىنارا جەرلەردە ەرەكشە قالىڭ قار جاۋادى، جوعارىدا ايتىلعان رايونداردا ەگىن، مال شارۋاشىلىعىندا قار اپاتىنىڭ قاتەرى ءبىرشاما جوعارى، مۇنىڭ ىشىندە شيزاڭنىڭ شيگادزە قالاسى يادۇڭ اۋدانى، نيەلام اۋدانى، جيلۇڭ اۋدانى، الي ايماعى زادا اۋدانىنىڭ باتىس بولەگى قاتارلى جەرلەردە ەگىن، مال شارۋاشىلىعىندا قار اپاتىنىڭ قاتەرى جوعارى. جىلىجايلاردىڭ قارىن تازالاۋ، سۋىقتان ساقتانۋ، جىلۋ ساقتاۋ قىزمەتىن الدىن الا جاقسى ىستەۋ كەرەك، سونىمەن بىرگە جەم – ءشوپ دايىنداپ، جەم – ءشوپ تاپشىلىعىنان ساقتانۋدى ۇسىنىس ەتەمىز.