وسى اپتادا شينجياڭدا ەكى رەت قار جاۋادى!

الدىن الا مالىمەتتە كورسەتىلۋىنشە، 10 – ايدىڭ 26 – كۇنى كۇندىزدەن 28 - كۇنى تۇنگە دەيىن ىلە اڭعارىنداعى تاۋلى وڭىرلەر، بۇراتالا موڭعۇل اۆتونوميالى وبلىسىنىڭ باتىس بولەگىندەگى تاۋلى وڭىرلەر، قىزىلسۋ قىرعىز اۆتونوميالى وبلىسى، قاشقار ايماعىنىڭ وڭتۇستىك بولەگىندەگى تاۋلى وڭىرلەر، حوتان ايماعىنىڭ وڭتۇستىك تاۋلى وڭىرلەرى، اقسۋ ايماعىنىڭ تاۋلى وڭىرلەرى، بايىنعولىن موڭعۇل اۆتونوميالى وبلىسىنىڭ تاۋلى وڭىرلەرى قاتارلى جەرلەردىڭ ءىشىنارا وڭىرلەرىندە قار جاۋادى، تاۋلى وڭىرلەردىڭ ءىشىنارا جەرلەرىندە ورتاشادان باستاپ قالىڭ قار جاۋادى.

10 - ايدىڭ 29 – كۇنى كۇندىزدەن 30 – كۇنى تۇنگە دەيىن، سولتۇستىك شينجياڭنىڭ باتىس سولتۇستىك بولەگى، تارباعاتاي ايماعىنىڭ وڭتۇستىك بولەگى، شىحىزى قالاسىنىڭ وڭتۇستىك بولەگىندەگى تاۋلى وڭىرلەر، سانجى حۇيزۋ اۆتونوميالى وبلىسىنىڭ تاۋلى وڭىرلەرى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، حوتان ايماعىنىڭ وڭتۇستىك تاۋلى وڭىرلەرى، بايىنعولىن وبلىسىنىڭ وڭتۇستىك تاۋلى وڭىرلەرى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە قار ارالاس جاڭبىر جاۋادى نەمەسە قار جاۋادى، مۇنىڭ ىشىندە ىلە اڭعارىنداعى تاۋلى وڭىرلەر، تارباعاتاي ايماعىنىڭ تاۋلى وڭىرلەرى، التاي ايماعىنىڭ سولتۇستىك بولەگىنىڭ شىعىس بولەگى، قۇمىل قالاسىنىڭ سولتۇستىك بولەگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى؛ سولتۇستىك شينجياڭنىڭ باسىم كوپ بولەگىندە، شىعىس شينجياڭنىڭ ءىشىنارا وڭىرلەرىندە باتىس سولتۇستىكتەن 5 تە 6 بال بوران سوعادى، جەل وتىندە 9 دا 10 بال بوران سوعادى، مەزەتتىك جەل كۇشى 11 بال بولادى.

جاۋعان قارعا ىلەسە 10 - ايدىڭ 26 – كۇنى كۇندىزدەن 27 – كۇنى كۇندىزگە دەيىن، تارباعاتاي ايماعىنىڭ سولتۇستىگى، التاي ايماعىنىڭ باتىس بولەگى، ءۇرىمجى قالاسىنىڭ وڭتۇستىك ماڭى، سانجى وبلىسىنىڭ شىعىس بولەگى قاتارلى جەرلەردىڭ ءىشىنارا وڭىرلەرىندە قيىس شىعىستان 4 تە 5 بال بوران سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە 9 دا 10 بال بوران سوعادى، ءىشىنارا جەرلەردە قارلى بوران سوعادى.

كەلۋ قاينارى: حالىق تورابى