جۇڭگونىڭ فرانسيادا تۇراتىن ەلشىلىگى جانە كونسۋلدىعى جاڭا كەزەكتى ەرەۋىلگە شىعىپ، قىر كورسەتۋ ارەكەتىنەن ساقتانۋ جونىندە كونسۋلدىق ەسكەرتۋ جاريالادى 

جۇڭگو اقپارات تورابىنىڭ 10 – ايدىڭ 22 – كۇنى پاريجدەن بەرگەن حابارى. جۇڭگونىڭ فرانسيادا تۇراتىن ەلشىلىگى مەن كونسۋلدىعى جەرگىلىكتى ۋاقىت بويىنشا 10 – ايدىڭ 22 – كۇنى فرانسيادا جاڭا كەزەكتى ەرەۋىلگە شىعىپ، قىر كورسەتۋ ارەكەتىنەن ساقتانۋ جونىندە كونسۋلدىق ەسكەرتۋ جاريالادى.

اتالعان كونسۋلدىڭ ەسكەرتۋگە قاراعاندا، اقپارات قۇرالدارى مەن جاڭا مەديا تەكشەلەرىنىڭ حابارلاۋىنشا، قاتىستى ەڭبەكشىلەر ۇيىمى مەن قوعامدىق ۇيىمدار 10 – ايدىڭ 24 – كۇنى (سەنبى) جاڭا كەزەكتى ەرەۋىلگە شىعىپ، قىر كورسەتۋ قيمىلىن وتكىزەتىن بولعان، پاريجدەگى ەرەۋىلگە شىعىپ، قىر كورسەتۋ قيمىلى بولاتىن جول بالمۋدي ساحناسىنان رەسپۋبليكا الاڭى ارقىلى وپەرا تەاترحاناسىنا نەمەسە باستيليا الاڭىنان باستالىپ، رەسپۋبليكا الاڭىنان ءوتىپ، تەاترحاناعا دەيىن نەمەسە باستيليا الاڭىنان ۇلتتىق الاڭعا دەيىن بولادى، ساقشى جاق ساقشى كۇشىن ورنالاستىرۋدى كۇشەيتەتىنىن جاريالاعان.

جۇڭگونىڭ فرانسيادا تۇراتىن ەلشىلىگى جانە كونسۋلدىقتارى فرانسياداعى جۇڭگو ازاماتتارىنا حاۋىپ – قاتەردەن ساقتانۋ تانىمىن ونان ارى جوعارىلاتۋدى، جەرگىلىكتى جاعداي مەن جۇڭگونىڭ فرانسيادا تۇراتىن ەلشىلىگىنىڭ، كونسۋلدىعىنىڭ حاۋىپسىزدىككە قاتىستى ەسكەرتۋىنە ءجىتى نازار اۋدارۋدى، ەرەۋىلگە شىعىپ، قىر كورسەتۋ قيمىلى بولاتىن جەرلەردەن الىس ءجۇرۋدى قايتالاي ەسكەرتتى. ەگەر ويلاماعان جاعداي تۋىلسا، ساقشىلاردىڭ جەتەكشىلىگىنە بويسۇنىپ، دەرەۋ سول جەردەن كەتىپ، ءوز حاۋىپسىزدىگىڭىزگە كەپىلدىك ەتۋ العى شارتىندا دەر كەزىندە ساقشىعا مالىمدەڭىز نەمەسە جۇڭگونىڭ فرانسيادا تۇراتىن ەلشىلىگىمەن، كونسۋلدىعىمەن حابارلاسىپ، ولاردان كومەك سۇراڭىز.

كەلۋ قاينارى: حالىق تورابى