جۇڭگونىڭ يزرايلدا تۇراتىن ەلشىحاناسى جۇڭگو ازاماتتارىنا شەكارادان زاڭسىز كىرىپ يزرايلدا جۇمىس ىستەۋگە قاتىناسپاۋدى ەسكەرتتى

جۇڭگو اقپارات تورابىنىڭ 10 – ايدىڭ 19 – كۇنى بەيجيڭنەن بەرگەن حابارى. ەلشىحانانىڭ ۋيشين الەۋمەتتىك تەكشەسىنىڭ حابارىنا قاراعاندا، تاياۋدا جۇڭگو ازاماتتارى جالعان كۋالىكپەن يزرايل – يوردانيا شەكارا وتكەلىنەن يزرايلعا كىرمەكشى بولعاندا قولعا تۇسكەن. بۇدان سىرت، جۇڭگو ازاماتتارى يوردانيادان شەكارادان جاسىرىن ءوتىپ يزرايلعا كىرمەكشى بولعاندا يوردانيانىڭ زاڭ اتقارۋ تاراۋلارى جاعىنان قولعا تۇسكەن، سونىمەن ولاردىڭ يزرايل شەكاراسى ىشىندەگى توسىپ الۋشىلارى دا قاماۋعا الىنعان، قىزمەت ۆيزاسى كۇشىنەن قالدىرىلىپ، قازىر ەلگە قايتارىلعان.

تاياۋدا كەيبىر زاڭسىز ەلەمەنتتەردىڭ ساياحات نەمەسە ەرەكشە ارنا ارقىلى يزرايلعا كىرىپ جۇمىس ىستەۋ دەگەندى ايتىپ، شەكارادان زاڭسىز جاسىرىن وتكەندە، يزرايل ساقشى جاعى مەن كوش – قون باسقارۋ مەكەمەسى جاعىنان تالاي رەت قولعا تۇسكەن جاعدايلار تۋىلدى. قاتىناسۋشىلار تۇرمەگە ءتۇسۋ، ەلگە قايتارىلۋ جانە شەكارادان كىرۋگە ۇزاق ۋاقىت تيىم سالۋ سىندى اۋىر زارداپقا تاپ بولادى. يزرايلداعى زاڭدى ەڭبەكشىلەر ەگەر شەكارادا سايكەسۋ، وتكەرمەلەپ تاسۋ، جاتاقپەن قامداۋ قاتارلى شەكارادان جاسىرىن وتۋگە كومەكتەسۋ ارەكەتتەرىنە قاتىناسسا، زاڭدى قىزمەت ۆيزاسى بولعان كۇندە دە، كۇشىنەن قالدىرىلىپ، قاماۋعا الىنادى جانە ەلىنە قايتارىلادى. «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنداعى» قاتىستى بەلگىلەمەلەرگە نەگىزدەلگەندە، جۇڭگو ازاماتتارى شەكارا سىرتىندا زاڭعا قايشى قىلمىستىق ارەكەتتەرمەن شۇعىلدانسا، جۇڭگونىڭ ءادىليا ورگاندارى زاڭ بويىنشا قاراستىلىق ۇقىعىنان يگىلىكتەنەدى ءارى ولاردىڭ زاڭدىق جاۋاپكەرشىلىگىن قۋزاستىرۋعا ۇقىقتى.

جۇڭگونىڭ يزرايلدا تۇراتىن ەلشىحاناسى جۇڭگو ازاماتتارىنا شەتەلگە شىعىپ جۇمىس ىستەگەندە تۇراقتى ارنامەن ءجۇرۋدى، زاڭسىز تاسىلدەر ارقىلى يزرايلعا كىرىپ جۇمىس ىستەمەۋدى ەرەكشە ەسكەرتتى.

كەلۋ قاينارى: حالىق تورابى