ءبىرشاما كۇشتى سۋىق اعىس جۇرەدى! شينجياڭدا كۇز كەلگەننەن بەرگى ەڭ سۋىق كۇن بولادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، ءبىرشاما كۇشتى سۋىق اعىستىڭ ىقپالىنان مەجەمەن 10 – ايدىڭ 14 – كۇنى تۇننەن 16 - كۇنى تۇنگە دەيىن ىلە اڭعارى، تارباعاتاي ايماعى، التاي ايماعى، شىحىزى قالاسىنان قۇمىل قالاسىنا دەيىنگى تاۋلى وڭىرلەردىڭ ءىشىنارا جەرلەرىندە قالىڭ قار جاۋادى، سولتۇستىك شينجياڭنىڭ باسىم كوپ بولەگى، وڭتۇستىك شينجياڭنىڭ باتىس بولەگى، بايىنعولىن موڭعۇل اۆتونوميالى وبلىسىنىڭ سولتۇستىگى، شىعىس شينجياڭنىڭ جەل وتىندە 10 دا 11 بال بوران سوعادى، مەزتتىك جەل كۇشى 12 بالعا جەتەدى، وڭتۇستىك شينجياڭ ويپاتىنىڭ ءىشىنارا وڭىرلەرىندە قۇمدى بوران سوعادى، بۇل رەتكى اۋا رايىنىڭ وزگەرىسىندە سولتۇستىك شينجياڭنىڭ باسىم كوپ بولەگى مەن شىعىس شينجياڭدا تەمپەراتۋرا كورنەكتى تومەندەيدى، ءىشىنارا جەرلەردە سۋىق اعىس پايدا بولادى، بۇل شينجياڭدا كۇز كىرگەننەن بەرگى تەمپەراتۋرانىڭ ەڭ قاتتى تومەندەۋى، قاتىستى تاراۋلاردىڭ جىلۋمەن قامداۋ جانە قىراۋ ۇسىگىنەن ساقتانۋ قىزمەتىن ويداعىداي ىستەۋىن ۇسىنىس ەتەمىز، كوپشىلىكتىڭ كيىم – كەشەكتى ۋاقىتىندا قالىڭ كيىپ، تۇماۋراتىپ قالۋدان ساقتانۋىن ەسكەرتەمىز.

10 - ايدىڭ 14 - كۇنى تۇننەن 16 - كۇنى تۇنگە دەيىن، سولتۇستىك شينجياڭنىڭ جەر - جەرىندە جانە وڭتۇستىك شينجياڭنىڭ باتىس بولىگىندەگى تاۋلى وڭىرلەر، بايىنعولىن وبلىسى، كۇنلۇن تاۋىنىڭ سولتۇستىك بەتكەيى، تۇرپان قالاسى، قۇمىل قالاسى قاتارلى وڭىرلەردىڭ ءىشىنارا جەرلەرىندە سەبەزگى جاڭبىر جاۋىپ سوڭىنان جاڭبىر ارالاس قار نەمەسە قار جاۋادى، جۇيەدەن سولتۇستىك شينجياڭنىڭ باتىس بولەگىندەگى تاۋلى وڭىرلەر، تارباعاتاي ايماعى، التاي ايماعى، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسىنىڭ تاۋلى وڭىرلەرى، قاشقار ايماعىنىڭ وڭتۇستىك بولەگىندەگى تاۋلى وڭىرلەر، حوتان ايماعىنىڭ تاۋلى وڭىرلەرى، بايىنعولىن وبلىسىنىڭ تاۋلى وڭىرلەرى، تۇرپان قالاسىنىڭ تاۋلى وڭىرلەرى، قۇمىل قالاسى قاتارلى وڭىرلەردىڭ ءىشىنارا جەرلەرىندە ورتاشادان باستاپ قالىڭ جاڭبىر نەمەسە قار جاۋادى، ىلە اڭعارى، تارباعاتاي ايماعى، التاي ايماعى، شىحىزى قالاسى، ءۇرىمجى قالاسى، سانجى وبلىسى، قاشقار ايماعىنىڭ وڭتۇستىگىندەگى تاۋلى وڭىرلەر، قۇمىل قالاسى قاتارلى وڭىرلەردىڭ ءىشىنارا جەرلەرىندە قالىڭ قار جاۋادى، جالپى جاۋىن - شاشىن مولشەرى 20 دا 30 ميلليمەتر بولادى، تاۋلى وڭىرلەردە جاڭادان جاۋعان قار 10 دا 25 سانتيمەترگە جەتەدى. سونىمەن بىرگە، سولتۇستىك شينجياڭنىڭ باسىم كوپ بولەگى، وڭتۇستىك شينجياڭنىڭ باتىس بولەگى، بايىنعولىن وبلىسىنىڭ سولتۇستىك بولەگى، شىعىس شينجياڭنىڭ ءىشىنارا وڭىرلەرىندە باتىس سولتۇستىكتەن 6 بال اينالاسىندا بوران سوعادى، جەل وتىندە 10 دا 11 بال بوران سوعادى، مەزەتتىك جەل كۇشى 12 بال بولادى. 10 – ايدىڭ 16 – كۇنى كۇندىزدەن تۇنگە دەيىن، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا بوران سوعادى، ءىشىنارا وڭىرلەردە تۇرلىشە دارەجەدە قۇمدى بوران سوعادى.

جاڭبىر، قار جاۋىپ، تەمپەراتۋرانىڭ تومەندەۋىنە ىلەسە، 10 – ايدىڭ 15 – كۇنىنەن 16 –كۇنىنە دەيىن سولتۇستىك شينجياڭنىڭ باسىم كوپ بولەگى، بايىنعولىن وبلىسىنىڭ سولتۇستىگى، شىعىس شينجياڭ قاتارلى جەرلەردىڭ ەڭ تومەن تەمپەراتۋراسى 5 تە 8 سەلتسي گرادۋس تومەندەيدى، جۇيەدەن سولتۇستىك شينجياڭنىڭ سولتۇستىگى، تيانشان تاۋىنىڭ سولتۇستىك بەتكەيى، قۇمىل قالاسى قاتارلى وڭىرلەردىڭ ءىشىنارا جەرلەرىندە تەمپەراتۋرا 8 دە 10 سەلتسي گرادۋس تومەندەيدى، سۋىق اعىس پايدا بولادى. تارباعاتاي ايماعىنىڭ سولتۇستىگىنىڭ، التاي ايماعىنىڭ جازىق وڭىرلەرىنىڭ ەڭ تومەن تەمپەراتۋراسى نولدەن تومەن 5 تە 0 سەلتسي گرادۋسقا تۇسەدى، سولتۇستىك شينجياڭنىڭ، شىعىس شينجياڭنىڭ باسقا جازىق رايوندارىندا نولدەن تومەن 3 تە 3 سەلتسي گرادۋسقا تۇسەدى، تاۋلى رايونداردىڭ ەڭ تومەن تەمپەراتۋراسى نولدەن تومەن 25 تە نولدەن تومەن 5 سەلتسي گرادۋسقا تۇسەدى، وڭتۇستىك شينجياڭنىڭ جازىق رايوندارىندا ەڭ تومەن تەمپەراتۋرا 2 دە 8 سەلتسي گرادۋسقا تۇسەدى، سولتۇستىك شينجياڭنىڭ كوپ بولەگىندە، شىعىس شينجياڭدا ۇقساماعان دارەجەدە قىراۋ ۇسىگى جۇرەدى.

كەلۋ قاينارى: حالىق تورابى