موڭعۇليادا جايىلىمعا كەتكەن ءورت ەلىمىز شەكاراسىنا جەتىپ 2000 نان استام ادام ءورتتى توسۋدا

شينحۋا اگەنتتىگىنىڭ 10 – ايدىڭ 11 - كۇنى كوكحوتتان بەرگەن حابارى. ءتىلشىنىڭ قاتىستى تاراۋلاردان ۇعىسۋىنشا، تاياۋدا موڭعۇليادا جايىلىمعا ءورت كەتكەن، 10 – ايدىڭ 9 - كۇنىنەن قازىرگە دەيىن ىشكى موڭعۇلدىڭ شەكارا سىزىعىنا قاراي ۇزدىكسىز كەڭەيگەن، قازىر ىشكى موڭعۇلدا 2000 نان استام ادام ءورتتى توسۋدا. 10 – ايدىڭ 11 – كۇنى ساعات 21 گە دەيىن ءورت اپاتىن توسۋ مىندەتى ءالى دە جۇرگىزىلۋدە، قازىر ءورت ۋاقىتشا شەكارادان وتپەدى.

10 – ايدىڭ 9 – كۇنى ساعات 13 مولشەرىندە شيلينعول ايماعىنىڭ شىعىس ۋجۋمۋچين حوشۇنى شەكاراسىنىڭ ءبىرىنشى شەبىندەگى موڭعۇليا شەكاراسىنىڭ ىشىندە ءورت اپاتى تۋىلدى. ۇعىسۋعا قاراعاندا، جەر بەدەرى مەن جەل كۇشىنىڭ ىقپالىنا ۇشىراپ، ءورت شيلينعول ايماعى مەن شيڭ - ان ايماعىنىڭ شەكارا سىزىعىنا جاقىنداعان. ىشكى موڭعۇل شۇعىل جاعدايعا توتەپ بەرۋ ۇندەۋىن جەدەل ىسكە قوسىپ، ءورت ءسوندىرۋ جانە ورتتەن ساقتانۋ، قۇتقارۋ ـ كومەكتەسۋ زاپاس قوسىنىنان، سونداي ـ اق جەرگىلىكتى ءورت ءوشىرۋ قوسىنىنان جيىنى 2000 نان استام ادامدى شۇعىل توپتاپ، شەكارانىڭ ءبىرىنشى شەبىندە بولەكتەرگە ءبولىپ مەڭگەردى، ءتۇيىندى تۇردە قۇرال - جابدىق الىپ شارلاۋ ـ قورعاۋ، شارلاۋ ـ تەكسەرۋ ءتاسىلى ارقىلى توسقاۋىلدادى.

كەلۋ قاينارى: حالىق تورابى