ورتالىقتىڭ 3 – كەزەكتى 7 - توپتاعى ەكولوگيالىق ورتانى قورعاۋدى باقىلاۋ – تەكسەرۋى باستالدى

پارتيا ورتالىق كوميتەتىنىڭ، مەملەكەتتىك كەڭەستىڭ بەكىتۋىمەن ورتالىقتىڭ 3 – كەزەكتى 7 - توپتاعى ەكولوگيالىق ورتانى قورعاۋدى باقىلاۋ - تەكسەرۋى جاپپاي باستالدى.

وسى رەت ورتالىقتىڭ ەكولوگيالىق ورتانى قورعاۋدى داعدىلى باقىلاپ ـ تەكسەرەتىن 2 گرۋپپاسى تۇرعىن ءۇي جانە قالا ـ اۋىل قۇرىلىسى مينيسترلىگىنە، اۋىل شارۋاشىلىعى جانە اۋىل ـ قىستاق مينيسترلىگىنە جەكە ـ جەكە داعدىلى باقىلاۋ ـ تەكسەرۋ جۇرگىزەدى، تۇراتىن ۋاقىتى ءبىر اي. سونىمەن بىرگە، حۋبەي، حۋنان، گۋاڭشي، چۇڭچيڭ، سىچۋان، گۇيجوۋ، يۇننان سىندى 7 ولكە، اۆتونوميالى رايون، توتە قاراستى قالادا ۇڭگىردىڭ، شۇڭقىردىڭ، تاۋ اڭعارىنىڭ لاستانۋ ماسەلەسى جونىندە ەكولوگيالىق ورتانى قورعاۋ ارناۋلى باقىلاۋ - تەكسەرۋىن جۇرگىزەدى، ەكى اپتا اينالاسىندا تۇرادى، تۇرعان كەزىندە 2 داعدىلى باقىلاۋ ـ تەكسەرۋ گرۋپپاسى جەكە ـ جەكە بايلانىس تەلەفونى مەن پوشتا حات ساندىعىن ورناتىپ، باقىلاۋ ـ تەكسەرۋ وبيەكتىسىنىڭ ەكولوگيالىق ورتانى قورعاۋ جاعىنداعى ارىز ـ ارمان، اشكەرەلەۋىن قابىلدايدى.

سونىمەن بىرگە، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ قىزمەتىنە باسشىلىق ەتۋ گرۋپپاسى كەڭسەسى جوعارىدا ايتىلعان باقىلاناتىن وبيەكتىلەرگە ارناۋلى حات جولداپ، ”ءبارىن ءبىر شىبىقپەن ايداۋعا“ تيىم سالادى، باقىلاۋ - تەكسەرۋگە توتەپ بەرۋ ءۇشىن شۇعىل جۇمىس توقتاتۋ، ءوندىرىستى توقتاتۋ قاتارلى قاراپايىم، دورەكى ارەكەتتەرگە، سونداي – اق ”تۇگەلدەي جابۋ، توقتاتۋ“، ”الدىمەن توقتاتىپ ارتىنان كورۋ“ قاتارلى نەمقۇرايدى قاراۋ ارەكەتتەرىنە قاتاڭ تيىم سالادى. ”ءبارىن ءبىر شىبىقپەن ايداۋ” ءتاسىلىن قولدانىپ، باقىلاۋ - تەكسەرۋگە كەرەناۋ توتەپ بەرگەندەردى باقىلاۋ - تەكسەرۋ گرۋپپاسى قاتاڭ ءبىر جاقتى ەتىپ، بىرەۋى بايقالسا، بىرەۋىن تەكسەرىپ ءبىر جاقتى ەتەدى.

كەلۋ قاينارى: حالىق تورابى