ار - رياد اۋەجايىندا تۋىلعان شابۋىل وقيعاسىندا قازىرشە جۇڭگو ازاماتتارىنىڭ ءولىم – ءجىتىم مالىمەتى جوق

حالىق گازەتىنىڭ 10 – ايدىڭ 11 – كۇنى ار - ريادتان بەرگەن حابارى: ساۋد ارابياسى حالىقتىق اۆياتسيا باس مەكەمەسى 10 – ايدىڭ 11 - كۇنى تاڭ سارىدە مالىمدەمە جاريالاپ بىلاي دەدى: استانا ار - ريادتاعى حاليد پاتشا حالىقارالىق اۋەجايى 10 – ايدىڭ 10 - كۇنى شابۋىلعا ۇشىراپ، 12 ادام قازا بولىپ، 309 ادام جارالاندى. جۇڭگونىڭ ساۋد ارابياسىندا تۇراتىن باس ەلشىحاناسى 10 – ايدىڭ 11 - كۇنى بىلاي دەدى: قازىرشە جۇڭگو ازاماتتارىنىڭ ءولىم - ءجىتىم مالىمەتى جوق.

جۇڭگونىڭ ساۋد ارابياسىندا تۇراتىن باس ەلشىحاناسى بىلاي دەدى: حاليد پاتشا حالىقارالىق اۋەجايى ءالى دە ۋاقىتشا توقتاتىلدى، بۇكىل ەلدىڭ كوپ جەرىندەگى اۋەجايلاردا كەڭ كولەمدە قالىپسىزدىق جارىققا شىقتى. ەلشىحانا ساۋد ارابياسىنداعى جۇڭگو قارجىلاندىرعان قۇرىلىمدار مەن جۇڭگو ازاماتتارىنا حاۋىپ ـ قاتەردەن ساقتانۋ تانىمىن بەرىك ورناتىپ، قاجەتسىز سىرتقا شىعۋدى ازايتىپ، ۇستامدى بولىپ، باس اماندىعىنا كەپىلدىك ەتۋدى ەسكەرتتى. ۇشاققا وتىرىپ ساپارعا شىعۋ جوسپارى بار جولاۋشىلار قاتىستى اۆياتسيا مەڭگەرمەسىمەن تىعىز بايلانىس جاساپ، ساپارعا ىقپال جەتكىزۋدەن ساقتانۋى كەرەك. ساۋد ارابياسى ارقىلى ۇشاق اۋىستىرماقشى بولعان جۇڭگو ازاماتتارى قازىرگى ساۋد ارابياسىنىڭ اۆياتسيا جاعدايىن بايىپتىلىقپەن ويلاستىرۋى كەرەك. جەرگىلىكتى زاڭ - ەرەجەلەرگە قاتاڭ بويسۇنىپ، ساۋد ارابياسىنىڭ ۇكىمەت ورگاندارى مەن اسكەري ورىندارىنا، شەتەل ەلشىحانالارىنا، كونسۋلحانالارىنا، اسكەري قيمىلدارىنا نەمەسە شابۋىلعا ۇشىراۋ سياقتىلارعا قاتىستى ءارقانداي سۋرەت پەن كەسكىندى تۇسىرۋگە، جاريالاۋعا نەمەسە تاراتۋعا استە بولمايدى.

كەلۋ قاينارى: حالىق تورابى