شينجياڭداعى تۇڭعىش وسىزاماندانعان جىلقى شيپاحاناسى جالپى بەتتىك پايدالانۋعا بەرىلدى

تاياۋدا موڭعۇلكۇرە جىلقى فەرماسى جىلقى شيپاحاناسىنىڭ سيفرلاندىرىلعان باسقارۋ ـ قورعاۋ جۇيەسى جاپپاي ىسكە قوسىلدى. بۇكىل شينجياڭداعى تۇڭعىش وسىزاماندانعان، جىلقىعا ارنالعان حايۋاناتتار ارناۋلى شيپاحاناسى رەتىندە، موڭعۇلكۇرە جىلقى فەرماسىنىڭ جىلقى شيپاحاناسى 2025 ـ جىلى 7 ـ ايدا سالىنىپ بولىپ، ءبىر جىلدان استام ۋاقىت جابدىق سىناعى، دارىندىلار زاپاسى جانە تەحنيكالىق دايىندىق ارقىلى نەگىزدىك دەنساۋلىق ساقتاۋ قىزمەت وتەۋدەن ەمدەۋ، ءوسىرۋ، سيفرلى باسقارۋ، قورعاۋ ءبىر تۇلعالانعان قىزمەت وتەۋگە قاراي دارەجەسىن جوعارىلاتىپ، ىلە جىلقى شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋىنا عىلىم ـ تەحنيكالىق تىرەك ازىرلەدى.

موڭعۇلكۇرە جىلقى فەرماسى جىلقى شيپاحاناسىنا بارساڭىز، وپەراتسيا بولمەسى، ناركوزدەن ويانۋ بولمەسى، بالنيتسالىق ات قورا، كلينيكالىق لابوراتوريالىق تەكسەرۋ بولمەسى، توڭازىتىلعان سپەرما ءوندىرۋ ورتالىعى قاتارلى جاقتارى كەمەلدى بولىپ، X ساۋلەسى، B تيپتى ۋلترا دىبىس تولقىنى، CT، كلينيكالىق لابوراتوريالىق تەكسەرۋ، سىرتقى اۋرۋلار وپەراتسياسى قاتارلى ارناۋلى ەمدەۋ قىزمەت وتەۋىن جۇرگىزۋگە بولادى.