قوعام حاۋىپسىزدىگى مينيسترلىگىنىڭ ينتەرنەت حاۋىپسىزدىگى تاراۋى اڭىستان پايدالانىپ قۇقاي كورسەتۋ قاتارلى قارا – سۇرقيا قىلمىستىق ىستەرگە ساياتىن دەلولاردان 4 دەلونى جاريالادى 

شينحۋا اگەنتتىگىنىڭ ءتىلشىسى لي ميڭحۇي، فان شينياڭ 10 – ايدىڭ 14 – كۇنى بەيجيڭنەن حابارلايدى. قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسى 10 – ايدىڭ 14 – كۇنى اڭىستان پايدالانىپ قۇقاي كورسەتۋ قاتارلى قارا - سۇرقيا قىلمىستىق ىستەرگە ساياتىن تيپتىك دەلولاردان 4 دەلونى جاريالادى. بۇل 4 دەلو جەكە – جەكە: ليۋ XX قاتارلىلاردىڭ قۇقاي كورسەتىپ، مال – مۇلىكتى تارتىپ الۋىنا قاتىستى دەلو، ما X قاتارلىلاردىڭ ساۋدا جاساۋعا زورلاپ، جاڭجال شىعارۋىنا قاتىستى دەلو، چي XX پەن حۋاڭ X تىڭ قۇقاي كورسەتىپ، مال – مۇلىكتى تارتىپ الۋىنا قاتىستى دەلو، جوۋ X تىڭ قۇقاي كورسەتىپ، مال - مۇلىكتى تارتىپ الۋىنا قاتىستى دەلو.

ليۋ XX قاتارلىلاردىڭ قۇقاي كورسەتىپ، مال - مۇلىكتى تارتىپ الۋىنا قاتىستى دەلودا، سانشي ولكەسى تاييۋان قالالىق قوعام حاۋىپسىزدىگى مەكەمەسى ينتەرنەت حاۋىپسىزدىگى تاراۋى ينتەرنەتتەگى اڭىستان پايدالانىپ قۇقاي كورسەتىپ، مال - مۇلىكتى تارتىپ الۋعا ساياتىن قىلمىستىق توپتى تالقانداپ، قىلمىس كۇماندىلارىنان 4 ادامدى قولعا تۇسىرگەن. تەكسەرۋگە قاراعاندا، قىلمىس كۇماندىسى ليۋ XX جوۋ XX، يان X، ما X تەرمەن بىرگە ءتۇرلى ينتەرنەتتىك جەكەلىك اقپارات تەكشەلەرىندە تىركەلگى اشۋ ارقىلى جەكەلىك مەديالار شوعىرىن قۇرىپ، ءمالىم ولكەدەگى ايگىلى كاسىپورىندارعا باعىتتالعان ينتەرنەتتەگى جاعىمسىز اقپاراتتاردى جاريالاۋ ارقىلى كاسىپورىنداردى ىرىقتىلىقپەن حابارلاسىپ، ماقالانى وشىرتۋگە ماجبۇرلەگەن، وسىدان سوڭ ”ساۋدا كلۋبىنا قاتىناسۋ“، ”ساۋدالىق جىلدىق ماجىلىسكە قارجىلاي قولداۋ كورسەتۋ“ دەگەن جەلەۋلەرمەن ءتۇرلى فورمادا مال – مۇلىكتى تارتىپ العان. قازىر اتالعان دەلو زاڭ بويىنشا پروكۋراتۋرا ورگاندارىنىڭ تەكسەرىپ ايىپتاۋ كوتەرۋىنە جوتكەپ بەرىلگەن.

چي XX پەن حۋاڭ X تىڭ قۇقاي كورسەتىپ، مال – مۇلىكتى تارتىپ الۋىنا ساياتىن دەلودا، شاندۇڭ ولكەسى ۋەيحاي قالالىق قوعام حاۋىپسىزدىگى مەكەمەسى ينتەرنەت حاۋىپسىزدىگى تاراۋى ينتەرنەتتەگى اڭىستان پايدالانىپ قۇقاي كورسەتۋمەن شۇعىلداناتىن چي XX اتاماندىعىنداعى قىلمىستىق توپقا سوققى بەرگەن. تەكسەرۋگە قاراعاندا، چي XX حۋاڭ X قاتارلىلارمەن بىرگە ينتەرنەتتەگى جەكەلىك مەديا تەكشەلەرىنەن تىركەلگى اشىپ، ”ءادىل ادام“ بەينەسىن قالىپتاستىرۋ ارقىلى كوپتەگەن ينتەرنەت قولدانۋشىلاردى باۋراعان، وسىدان سوڭ جەكەلىك مەديا تىركەلگىسىنىڭ ىقپالىنان پايدالانىپ، ”پالە جابۋ“ سيپاتىنداعى كەسكىندەردى ءتۇسىرۋ ارقىلى كوپتەگەن كاسىپورىندار مەن جەكە تيجاراتشىلاردان اقشا بەرۋدى تالاپ ەتىپ، قۇقاي كورسەتۋ ارقىلى ولاردىڭ مال – مۇلكىن تارتىپ العان. قازىر دەلو ىشكەرىلەي تەكسەرىلۋدە.

قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسى بارشا جۇرتشىلىققا مىنانى ەسكەرتەدى: بىرىنشىدەن، ساقتىق تانىمىن كۇشەيتىپ، حاۋىپ – قاتەرلەردى ىرىقتىلىقپەن پارىقتاڭىز؛ ۇيىمداسۋ ارقىلى ينتەرنەتتەن پايدالانىپ جابىلا شابۋىلداۋ، بوتەن نيەتپەن قۇقاي كورسەتۋ، زورلىق – زومبىلىقپەن قارىز قايتارۋعا قۋزاۋ، زاڭسىز جولمەن كورىلىمگە يە بولۋ قاتارلى جاعدايلارعا ۇشىراساڭىز، دالەل – ىسپاتتاردى ساقتاپ، دەرەۋ ساقشىعا مالىمدەپ، كومەك سۇراڭىز. ەكىنشىدەن، دەرەكتەر مەن ينفورماتسيالاردى بەلسەندى تۇردە اشكەرەلەپ، ءتارتىپتى قورعاۋعا اتسالىسىڭىز. ينتەرنەتكە ساياتىن قارا – سۇرقيا سيپاتتاعى زاڭعا قايشى قىلمىستىق ىستەردىڭ دەرەكتەرى بايقالسا، قوعام حاۋىپسىزدىگى مينيسترلىگى جاريالاعان اشكەرەلەۋ ارنالارى ارقىلى اشكەرەلەۋگە بولادى، قاتىستى تاراۋلار اشكەرەلەۋشىنىڭ جەكەلىك ينفورماتسياسىن قاتاڭ قورعايدى.

كەلۋ قاينارى: حالىق تورابى