10 – ايدىڭ 26 – كۇنىنەن باستاپ، فلايارىستان اۆياتسيا سەرىكتەستىگى استانادان قۇلجاعا توتە ۇشاتىن اۋە جەلىسىن اشادى 

تيانشان تورى – شينجياڭ گازەتىنىڭ ءتىلشىسى ما ي - نيڭ حابارلايدى. 10 – ايدىڭ 26 – كۇنىنەن باستاپ، قازاقستاننىڭ فلايارىستان اۆياتسيا سەرىكتەستىگى استانادان قۇلجاعا توتە ۇشاتىن اۋە جەلىسىن اشىپ، قۇلجاداعى حالىقارالىق اۋە جەلىسى تورابىن ونان ارى كەڭەيتەدى.

استانا مەن قۇلجا اراسىنداعى توتە قاتىنايتىن اۋە جەلىسى بويىنشا ءار دۇيسەنبى، سارسەنبى، سەنبى كۇندەرى ءبىر رەت ۇشاق قاتىنايدى دەپ جوسپارلانعان، ناقتى ۇشاق قاتىنايتىن ۋاقىتى مىناداي: قۇلجاعا كەلەتىن FS7989 كەزەكتى ۇشاعى سول جەرگىلىكتى ۋاقىت بويىنشا ساعات 7 دەن 55 مينۋت وتكەندە استانادان ۇشىپ، بەيجيڭ ۋاقىتى بويىنشا ساعات 13 تەن 20 مينۋت وتكەندە قۇلجاعا جەتەدى؛ استاناعا قايتاتىن FS7990 كەزەكتى ۇشاعى بەيجيڭ ۋاقىتى بويىنشا ساعات 15 تەن 20 مينۋت وتكەندە قۇلجادان ۇشىپ، جەرگىلىكتى ۋاقىت بويىنشا ساعات 14 تەن 50 مينۋت وتكەندە استاناعا جەتەدى.

استانا – قۇلجا اۋە جەلىسى — فلايارىستان اۆياتسيا سەرىكتەستىگى الماتى مەن قۇلجا اراسىندا توتە قاتىنايتىن اۋە جەلىسىن ىسكە قوسقاننان كەيىن ، قۇلجاعا توتە قاتىنايتىن ەكىنشى حالىقارالىق اۋە جەلىسى بولادى . اتالعان اۋە جەلىسىنىڭ اشىلۋى استانا مەن قۇلجا اراسىندا ”اۋەدەگى كوپىر“ رولىن اتقارىپ، ەكى جەردەگى جولاۋشىلاردىڭ ءجۇرىس – تۇرىسىنا قولايلىلىق جاساپ، جۇڭگو مەن قازاقستاننىڭ مادەنيەت - ساياحات، ساۋدا سالاسىنداعى ۇلاسۋ – توعىسۋىن تەرەڭدەتىپ، ”ءبىر بەلدەۋ، ءبىر جول“ قۇرىلىسىنا دەم بەرىپ، مادەنيەت اۋىس – كۇيىسى مەن سەلبەستىگىن ۇزدىكسىز تەرەڭدەتەدى جانە ناقتىلاندىرادى.

كەلۋ قاينارى: حالىق تورابى