جۇڭگونىڭ انگليادا تۇراتىن ەلشىلىگى جۇڭگو ازاماتتارىنا انگليانىڭ شەكارادان كىرىپ – شىعۋشىلاردى تەكسەرۋىنە نازار اۋدارۋدى ەسكەرتتى 

جۋىردا جۇڭگو ازاماتتارى انگليانىڭ شەكاراسىنان كىرىپ – شىققان كەزدە، انگليانىڭ شەكارالىق زاڭ اتقارۋشى قىزمەتكەرلەرى ولاردى ۇزاق ۋاقىت بويى جىبەرمەي تەكسەرگەن، سونداي – اق ولار الىپ جۇرگەن قول تەلەفون قاتارلى ەلەكتروندى اسپاپتاردى ۇستاپ قالعان. دەلوعا قاتىستى جۇڭگولىقتاردىڭ اراسىندا انگلياعا ساپارلاي بارعان ەكونوميكا – ساۋدا ۇيىرمەسىندەگىلەر، جەكەلىك جۇمىسپەن انگلياعا تۋىسشىلاي بارعاندار جانە جاي ساياحاتشىلار بولعان.

انگليا جاقتىڭ شەكارالىق زاڭ اتقارۋشى قىزمەتكەرلەرى انگليانىڭ «2019 – جىلعى لاڭكەستىككە قارسى تۇرۋ جانە شەكارالىق حاۋىپسىزدىك زاڭىنداعى» قاتىستى بەلگىلەمەلەرگە ساي ارەكەت ورىستەتكەنىن ايتقان. جۇڭگو جاق بۇل ىسكە ايرىقشا نازار اۋداردى، انگليا جاقپەن قاتاڭ سويلەستى، انگليانى جۇڭگو ازاماتتارىن الباتى ۇستاپ قالۋ، تەكسەرۋ ارەكەتىن توقتاتۋعا ۇزدىكسىز قۋزايدى، انگلياداعى جۇڭگو ازاماتتارىنىڭ باس اماندىعى مەن زاڭدى ۇقىق – مۇددەسىن كۇش سالا قورعايدى.

ەلىمىزدىڭ انگليادا تۇراتىن ەلشىلىگى انگليادا تۇراتىن جانە انگلياعا بارماقشى بولعان جۇڭگو ازاماتتارىنا حاۋىپسىزدىك پەن ساقتىق تانىمىن شىنايى جوعارىلاتىپ، جەكەلىك مال – مۇلكى مەن قۇپيالىعىن ويداعىداي قورعاپ، انگلياعا كىرىپ – شىققان كەزدە وزىنە قولايسىزدىق تۋدىرۋدان جانە زيانعا ۇشىراۋدان ساقتانۋ ءۇشىن، انگليانىڭ قاتىستى بەلگىلەمەلەرى مەن شارالارىن بىلۋگە نازار اۋدارۋدى ەسكەرتكەن.

انگلياداعى جۇڭگو ازاماتتارىنا كونسۋلدىق كومەك قاجەت بولسا، جۇڭگونىڭ انگليادا تۇراتىن ەلشىلىگى مەن كونسۋلحاناسىنىڭ كونسۋلدىق قورعاۋ جانە كومەكتەسۋ تەلەفونىنا نەمەسە سىرتقى ىستەر مينيسترلىگىنىڭ دۇنيە جۇزىلىك كونسۋلدىق قورعاۋ جانە قىزمەت وتەۋ جاعىنداعى شۇعىل جاعدايلارعا توتەپ بەرۋ ىركىلىسسىز لەنياسىنا تەلەفون جالعاۋىنا بولادى.

كەلۋ قاينارى: حالىق تورابى