جۇڭگو باستاماشى بولىپ، 45 مەملەكەت بىرگە جاريالادى 

10 – ايدىڭ 17 – كۇنى «دۇنيە جۇزىلىك كاسىپتىك تەحنيكالىق وقۋ – اعارتۋ ولشەمىنىڭ جۇلگەسىن» («بەيجيڭ كەلىسىمى») 2026 – جىلعى دۇنيە جۇزىلىك كاسىپتىك تەحنيكالىق وقۋ – اعارتۋدى دامىتۋ ءماجىلىسىنىڭ جابىلۋ سالتىندا 45 مەملەكەت بىرگە جاريالادى.

اتالعان كەلىسىم ەكونوميكانىڭ گۇلدەنىپ – كوركەيۋى مەن قوعامنىڭ العا باسۋىن، قىزمەت وتەۋشىلەردىڭ جان – جاقتىلى جەتىلۋىن، قوعامدىق ادىلدىك ارنالارىن كەڭەيتۋدى، كاسىپتىك تەحنيكالىق سالاداعى ءوزارا ۇيرەنۋ مەن ۇلگى الۋدى ىشكەرىلەي ورىستەتۋدى، بولاشاقتاعى سىناقتارعا بەلسەندى توتەپ بەرۋدى كاسىپتىك وقۋ – اعارتۋ سالاسىنىڭ ورتاق تالپىناتىن قۇندىلىعى ەتەدى؛ كاسىپتىك مەكتەپتەردىڭ مەكتەپ باسقارۋ جۇيەسىن كەمەلدەندىرۋدى، بۇكىل حالىقتىق ومىرلىك وقۋ – اعارتۋ جانە كۋرس جۇيەسىن قالىپتاستىرۋدى، وقۋلىقتى ءوندىرىس سالاسىنداعىلار مەن وقۋ – اعارتۋ سالاسىنداعىلار سايكەسە وتىرىپ دايىنداۋدى، وقىتۋشىلار قوسىنىن مەكتەپ پەن كاسىپورىن سەلبەسە وتىرىپ قۇرۋدى، پراكتيكا مەن ناقتى جاتتىعۋدى جۇمىس ورنىنىڭ ناقتى تالابىنا ساي ورىستەتۋدى، وقۋ -اعارتۋ، وقۋ - وقىتۋ رەفورماسى قاتارلى ادام تاربيەلەۋ جۇيەسىنە جاساندى زەردە ارقىلى دەم بەرۋدى دارىپتەيدى؛ سايكەستى جونگە سالۋ، قامتاماسىزداندىرۋ، ارەكەتتەنۋ جولدارىن ورتاعا قويادى.

«بەيجيڭ كەلىسىمى» — ەلىمىز باستاماشى بولىپ ىلگەرىلەتكەن، زەرتتەپ قالىپتاستىرعان تۇڭعىش رەتكى حالىقارالىق كاسىپتىك وقۋ – اعارتۋ ولشەمى.

كەلۋ قاينارى: حالىق تورابى