SWISSE سەرىكتەستىگىنىڭ ءبىر ءبولىم ونىمدەرىنىڭ قۇرامىنداعى قورعاسىننىڭ مولشەرى ولشەمنەن اسقان، كەدەن باس باسقارماسى ەسكەرتۋ جاريالادى 

جۋىردا كەدەن باس باسقارماسىنىڭ يمپورت – ەكسپورت ەتىلگەن ازىق – تۇلىكتەردىڭ حاۋىپسىزدىگىن تەكسەرۋ مەكەمەسى اۆستراليانىڭ ءدارى – دارمەكتەردى باسقارۋ مەكەمەسىنىڭ (TGA) حابارلاندىرۋ جاريالاعانىنا نازار اۋداردى، وسى ۇقتىرۋدا بىلاي دەلىنگەن: ”SWISSE“ ماركاسىنداعى ” +Beauty Skin Regeneration“ ءونىمىنىڭ 2 توپتاعى ونىمدەرىنەن قورعاسىن مولشەرىنىڭ شەكتەن اسىپ كەتكەنى بايقالعان، كاسىپورىن قاتىستى ءونىمدى قايتارىپ الادى. ىسكە قاتىستى ونىمدەردىڭ ءنومىرى 20602 - 141 - 01، توپتىق ءنومىرى 144520 جانە 143217، كۇشكە يە ۋاقىتى 2028 – جىلى 7 – اي.

قازىر ەل ىشىندە بۇل وقيعاعا قاتىستى ونىمدەردىڭ جاي ساۋدالىق ارنالار ارقىلى يمپورت ەتىلگەنى بايقالعان جوق. كەدەن باس باسقارماسى يمپورت – ەكسپورت ەتىلگەن ازىق – تۇلىكتەردىڭ حاۋىپسىزدىگىن تەكسەرۋ مەكەمەسى تۇتىنۋشىلارعا مىنانى ەسكەرتەدى: شەكارا اتتاعان ەلەكتروندى ساۋدا، زات الىپ ءجۇرۋ، ۋاكىلدىك ساتىپ الۋ قاتارلى جولدارمەن يمپورت ەتكەن قاتىستى بۇيىمداردى تەكسەرىپ كورىڭىزدەر، وسى دەلوعا قاتىستى بۇيىمداردى پايدالانۋدى دەرەۋ توقتاتىڭىزدار ءارى اۆستراليا جاق جاريالاعان ينفورماتسيالار مەن وسى ىسكە قاتىستى الداعى جاعدايلارعا نازار اۋدارىڭىزدار، تۇتىنۋ بارىسىندا حاۋىپسىزدىككە ساياتىن ىستە بايىپتىلىقپەن تالعام جاساڭىزدار.

كەلۋ قاينارى: حالىق تورابى