ساپارعا شىققاندا مىنالارعا كوڭىل ءبولىڭىز! شينجياڭدا ەكى تاس جولدا قىس مەزگىلىندە اۆتوموبيل جۇرگىزۋگە قاتىستى رەتتەۋ جۇرگىزىلدى 

ءتىلشىنىڭ شينجياڭ مادەنيەت – ساياحات مەكەمەسىنەن ۇعىسۋىنشا، قىس مەزگىلىنە قادام تاستاعاندىقتان، التاي - قوم تاس جولىندا قىس مەزگىلىندەگى قاتىناس فورماسى ىسكە قوسىلعان، قۇلجا – موڭعۇلكۇرە تاس جولىنىڭ ءبىر بولىگىندە قىس مەزگىلىندەگى قاتىناستى توقتاتۋ شاراسى اتقارىلعان.

التاي - قوم تاس جولىندا قىس مەزگىلىندەگى قاتىناس فورماسى ىسكە قوسىلعان

التاي - قوم تاس جولىندا 2026 – جىلى 10 – ايدىڭ 16 – كۇنىنەن باستاپ قىس مەزگىلىندەگى قاتىناس فورماسى رەسمي ىسكە قوسىلعان، تەك دوڭگەلەگى قىستىق دوڭگەلەككە اۋىستىرىلعان، 7 ورىندىقتىدان تومەن (7 ورىندىقتى اۆتوموبيلدى قامتيدى) ءتورت دوڭگەلەكتىڭ كۇشىمەن قوزعالاتىن دالالىق اۆتوموبيلدەردىڭ قاتىناۋىنا رۇقسات بەرىلەدى.

التاي قالاسى مەن قوم ەكى جەر اراسىندا ەكى باعىتتاعى قاتىناۋ ۋاقىتى: ساعات 10 نان 14 كە دەيىن.

التاي قالاسىنان ەكى اشاعا باراتىن اۆتوموبيلدەردىڭ قاتىناۋىنا بولاتىن ۋاقىت: ساعات 10 نان 17 گە دەيىن.

التاي - قوم تاس جولىنا كىرگەن بارلىق اۆتوموبيلدەر سول كۇنى ساعات 20 دان بۇرىن تۇگەلدەي ءوتىپ بولۋى قاجەت.

قۇلجا - موڭعۇلكۇرە تاس جولىندا قىس مەزگىلىندە قاتىناستى توقتاتۋ شارالارى تاس جول بولىگى بويىنشا اتقارىلادى

S237 (قۇلجا – موڭعۇلكۇرە تاس جولى) جەلىسىنىڭ قۇلجا قالاسىنان موڭعۇلكۇرە اۋدانىنا دەيىنگى K35+000 – K72+000 بولەگىندە 2026 - جىلى 10 - ايدىڭ 20 - كۇنى ساعات 10 نان باستاپ تاس جول جابىلادى، 2027 – جىلى قايتالاي اشىلاتىن ۋاقىتى ايىرىم ۇقتىرىلادى. موڭعۇلكۇرە اۋدانىنا باراتىن اۆتوموبيلدەر G577 جەلىسىمەن اينالىپ ءوتۋى كەرەك.

(باس ستانسيا ءتىلشىسى ۋاڭ شين - يۇي، جوۋ يۇي)

كەلۋ قاينارى: حالىق تورابى