ۋيشين تەكشەسى جاريالادى: شوعىرلى تۇردە ينتەرنەتتەن ءوشىرىلدى 

جۋىردا، ۋيشين شانحۋ حاۋىپسىزدىك تەكشەسى «بەلگىلەمەگە قايشى كەلگەن ميكرو قىسقا فيلمدەردى ءبىر جاقتى ەتۋ جونىندەگى ۇقتىرۋدى (2026 – جىلى 9 – اي)» جاريالادى.

مەملەكەتتىك راديو – تەلەۆيزيا باس مەڭگەرمەسى مەن گۋاڭدۇڭ ولكەلىك راديو – تەلەۆيزيا مەكەمەسىنىڭ ورنالاستىرۋلارى مەن تالاپتارىنا ساي، تەكشەلەر ابەس ءارى زالالدى ميكرو قىسقا فيلمدەرگە شارلاۋ جۇرگىزۋدى – تەكسەرۋدى جانە بەلگىلەمەگە قايشىلىق جاساعان، ۇقىققا قول سۇققان ميكرو قىسقا فيلمدەر مەن شاعىن پروگراممالاردى باسقارۋدى ۇزدىكسىز كۇشەيتتى. تەكشەلەر شىنايى ارتيستەر قاتىناسقان ميكرو قىسقا فيلمدەردى، باسقا دا قۋىرشاق فيلم تۇرىندەگى ميكرو فيلمدەردى جانە جاساندى زەردە ارقىلى شىنايى ارتيستەرگە ەلىكتەپ جاساعان ميكرو فيلدەردى باسقارۋ ولشەمىن، جاسامپازدىق جاعىنداعى تالاپتاردى مەن تاراتۋ ءتارتىبىن ۇزدىكسىز ارناعا ءتۇسىرىپ، قولدانۋشىلاردىڭ ۇقىق – مۇددەسى مەن ازامات جاسىنا تولماعانداردىڭ دەنساۋلىعىن شىنايى قورعادى.

جۋىردا تەكشەلەر شارلاپ تەكسەرۋ جۇرگىزۋ بارىسىندا ءبىر ءبولىم ميكرو قىسقا فيلمدەردىڭ ساپاسىز بولۋى، وقيعا جەلىسىنىڭ شىندىققا ۇيلەسپەيتىندەي اسىرەلەنۋى، مازمۇنىندا ناشار قۇن كوزقاراسىنىڭ بولۋى نەمەسە ۇقىققا قول سۇعۋ قاتارلى ارەكەتتەردىڭ ساقتالۋى قاتارلى جاعدايلاردى بايقاعان. مەملەكەتتىڭ قاتىستى زاڭ – ەرەجەلەرىندەگى تالاپتارعا، سونداي – اق، «تىڭشۇن ۋيشين جۇمساق بولشەگىنىڭ رۇقسات بەرۋ جانە قىزمەت وتەۋ توقتامى» مەن «ۋيشين شاعىن پروگرامماسىن ىسكە قوسۋ ولشەمىندەگى» قاتىستى بەلگىلەمەلەرگە ساي، تەكشە بەلگىلەمەگە قايشى كەلگەن نەشە ون ميكرو قىسقا فيلمدى ينتەرنەت تەكشەسىنەن وشىرگەن. سونىمەن بىرگە، تەكشەلەر بەلگىلەمەگە قايشىلىق جاساعان شاعىن پروگراممالاردى دا ءبىر جاقتى ەتكەن.

بەلگىلەمەگە قايشى كەلگەن ءبىر ءبولىم فيلمدەردىڭ تىزىمدىگى جاريالاندى:

بەلگىلەمەگە قايشى كەلگەن ءىشىنارا شاعىن پروگراممالاردىڭ تىزىمدىگى جاريالاندى:

ۇقتىرۋعا قاراعاندا، الدا ۋيشين ميكرو قىسقا فيلم تۇرىندەگى شاعىن پروگراممالاردىڭ جۇيەلى دامۋىنا ۇزدىكسىز جەتەكشىلىك ەتىپ، ءارقايسى جاقتارمەن بىرگە ينتەرنەتتەگى دىبىس - كەسكىن كەڭىستىگىن اناعۇرلىم پاكتەندىرەدى.

كەلۋ قاينارى: حالىق تورابى