ا ق ش ”ساۋدالىق قۇپيالىقتى ۇرلادى“ دەگەن جەلەۋمەن جۇڭگو كاسىپورىندارىنا جازالاۋ شارالارىن اتقاردى، جۇڭگو ساۋدا مينيسترلىگى جاۋاپ قايتاردى 

جۇڭگو اقپارات اگەنتتىگىنىڭ ءتىلشىسى يىن چيانيۇن 10 – ايدىڭ 20 – كۇنى بەيجيڭنەن حابارلايدى. ا ق ش ”ساۋدالىق قۇپيالىقتى ۇرلادى“ دەگەن جەلەۋمەن جۇڭگونىڭ كاسىپورىندارىنا جازالاۋ شارالارىن اتقارعانى تۋرالى، جۇڭگو ساۋدا مينيسترلىگىنىڭ مالىمدەمەشىسى 10 – ايدىڭ 20 – كۇنى كەشتە مىنانى ءبىلدىردى: جۇڭگو جاق ا ق ش جاقتىڭ جۇڭگونىڭ كاسىپورىندارىن داتتاۋىنا جانە وعان جازالاۋ شارالارىن اتقارۋىنا باتىل قارسى تۇرادى، ا ق ش جاقتى قاتە ءتاسىلىن تەزىرەك تۇزەتۋگە قۋزايدى.

جەرگىلىكتى ۋاقىت بويىنشا 10 – ايدىڭ 19 – كۇنى، ا ق ش جاق «ا ق ش – نىڭ ءبىلىم مەنشىك ۇقىعىن قورعاۋ زاڭىنا» ساي، ”ساۋدالىق قۇپيالىقتى ۇرلادى“ دەگەن جەلەۋمەن جۇڭگونىڭ 5 كاسىپورنىنا جازالاۋ شارالارىن اتقارعان. مالىمدەمەشى مىنانى ءبىلدىردى: ا ق ش جاق اتالمىش ”ساۋدالىق قۇپيالىقتى ۇرلاۋ“ دەگەن ماسەلەنى دابىرالاپ، جۇڭگو كاسىپورىندارىن داتتادى ءارى جازالاۋ شارالارىن اتقارىپ، جۇڭگو كاسىپورىندارىنىڭ زاڭدى ۇقىق – مۇددەسىنە اۋىر دارەجەدە زيان جەتكىزدى، سيپاتى ناشار، جۇڭگو جاق بۇعان باتىل قارسى تۇرادى.

مالىمدەمەشى بىلاي دەدى: جۇڭگونىڭ جاساندى زەردە سالاسىنداعى كاسىپورىندارىنىڭ جەدەل دامۋى ۇزاق ۋاقىت نەگىزدىك زەرتتەۋمەن شۇعىلدانۋ، جاڭالىق اشۋعا ۇزدىكسىز قارجى قوسۋ ارقاسىندا ىسكە استى، ول عىلىم – تەحنيكادا دەربەس جاڭالىق اشۋ مەن اشىق سەلبەستىك جاساۋعا تاباندى بولۋدىڭ ناتيجەسى، جۇڭگو مەن ا ق ش ەكى ەلگە جانە دۇنيە جۇزىنە باقىت جاراتۋعا پايدالى، اتالمىش ”ساۋدالىق قۇپيالىقتى ۇرلاۋ“ ماسەلەسىمەن قاتىسسىز.

مالىمدەمەشى بىلاي دەدى: جۇڭگو جاق ا ق ش – ىن جۇڭگو كاسىپورىندارىنىڭ تەزدىكپەن دامىعانىن دۇرىس باعالاۋعا، ولارعا كۇيە جاعۋ مەن ولارعا قىسىم كورسەتۋدى توقتاتۋعا، ءادىل باسەكەلىك بازار ورتاسىن جاراتۋعا، جۇڭگو – ا ق ش ەكونوميكا – ساۋدا سەلبەستىگىنىڭ جالپى جاعدايىن قورعاۋعا قۋزايدى. جۇڭگو جاق ا ق ش جاقتى قاتە ءتاسىلىن تەزىرەك تۇزەتۋگە قۋزايدى، ويتپەگەندە، قاجەتتى شارالاردى قولدانىپ جاۋاپ قايتارادى، جۇڭگو كاسىپورىندارىنىڭ ۇيلەسىمدى، زاڭدى ۇقىق - مۇددەسىن باتىل قورعايدى.

كەلۋ قاينارى: حالىق تورابى