«حالىق سوتى مەكەمەسىنىڭ ءادىليالىق جاۋاپكەرشىلىكتى قۋزاستىرۋ جونىندەگى ەرەجەسى» جاريالاندى: جاۋاپكەرشىلىكتى قۋزاستىرۋ كولەمى جانە جاۋاپكەرشىلىكتى قالاي قۋزاستىرۋعا بولاتىنى تۋرالى ايقىن بەلگىلەمە شىعارىلدى 

ورتالىق تەلەۆيزيا تورابىنىڭ حابارى: ءادىليالىق جاۋاپكەرشىلىك ءتۇزىمىن جان – جاقتى، دۇرىس تياناقتاندىرۋ ءۇشىن، ەڭ جوعارى حالىق سوتى مەكەمەسى «حالىق سوتى مەكەمەلەرىنىڭ ءادىليالىق جاۋاپكەرشىلىكتى قۋزاستىرۋ جونىندەگى ەرەجەسىن» جاريالادى. «ەرەجەدە» جاۋاپكەرشىلىكتى قۋزاستىرۋ كولەمى، قانداي جاعدايلاردا جاۋاپكەرشىلىكتى قۋزاستىرۋعا بولاتىنى ءارى جاۋاپكەرشىلىكتى قالاي قۋزاستىرۋ تۋرالى ايقىن بەلگىلەمە شىعارىلعان.

«ەرەجەدە» مىنالار ايقىن بەلگىلەنگەن: ءادىليالىق جاۋاپكەرشىلىكتى قۋزاستىرۋ بارىسىندا ءادىليا قىزمەتكەرلەرىن تولىق قامتۋ ىسكە اسىرىلادى. قۋزاستىرۋ وبيەكتىلەرى تەك سۋديالار عانا ەمەس، سونداي – اق سۋديانىڭ كومەكشىسى، اتقارۋشى قىزمەتكەرلەر، حاتشىلار، ءادىليالىق ساقشىلار، ءادىليالىق تەحنيكالىق قىزمەتكەرلەر قاتارلى سوت ىستەرىنە كومەكشى بولاتىن باسقا دا قىزمەتكەرلەردى قامتيدى، سونداي – اق سوت ىستەرىن باقىلاۋ – باسقارۋ جاۋاپكەرشىلىگى بار سوت مەكەمەسىنىڭ باستىعىن دا قامتيدى. ءادىليا قىزمەتكەرلەرى ءوزىنىڭ تەرگەۋ جۇرگىزۋ جانە ۇكىم شىعارۋ جاعىنداعى قىزمەتتىك جاۋاپكەرشىلىگىن اتقارۋ بارىسىنداعى ارەكەتتەرىنە ءومىر بويى جاۋاپتى بولۋى كەرەك. ءادىليالىق جاۋاپكەرشىلىكتى قۋزاستىرۋ كولەمى قىزمەت ىستەپ جاتقان ءادىليا قىزمەتكەرلەرىن دە، زەينەتكە شىققان، باسقا ورىنعا اۋىستىرىلعان، جۇمىستان بوساعان، جۇمىستان بوساتىلعان، جۇمىستان قۋىلعان ءادىليا قىزمەتكەرلەرىن دە قامتيدى.

«ەرەجەدە» مىنالار بەلگىلەنگەن: حالىق سوتى مەكەمەسى ءادىليا قىزمەتكەرلەرىنىڭ ءادىليالىق جاۋاپكەرشىلىگىن قۋزاستىرعاندا، كادرلاردى باسقارۋ ۇقىعى بويىنشا، جاعدايعا قاراي وتىرىپ، ۇيىمدىق جاقتان ءبىر جاقتى ەتۋى، پارتيا ءتارتىبى بويىنشا جازالاۋى نەمەسە جازالاۋى كەرەك. ءادىليا قىزمەتكەرلەرىنىڭ تەرگەۋ مىندەتىندىك جاۋاپكەرشىلىگىنەن سىرت تارتىپكە قايشىلىق جاساۋ، قىزمەتتىك جاقتا زاڭعا قايشىلىق جاساۋ جانە قىزمەتتىك جاقتا قىلمىس وتكىزۋ سىندى ماسەلە دەرەكتەرى بايقالسا، ماسەلەنىڭ دەرەگى سايكەستى بەلگىلەمەلەرگە ساي قاتىستى ءتارتىپ تەكسەرۋ - باقىلاۋ ورگاندارىنىڭ نەمەسە پروكۋراتۋرالىق ورگاندارىنىڭ ءبىرجايلى ەتۋىنە جوتكەپ بەرىلەدى.

كەلۋ قاينارى: حالىق تورابى