جاڭا بەلگىلەمە شىعارىلدى! تەلەۆيزوردى اشقاندا بىردەن جارناما كورسەتۋگە بولمايدى، تەلەۆيزور كورۋ اناعۇرلىم قولايلى بولادى 

جۋىردا مەملەكەتتىك راديو – تەلەۆيزيا باس مەڭگەرمەسى «سىمدى راديو – تەلەۆيزيانى ىسكە قوسۋ جاعىندا قىزمەت وتەۋدى باسقارۋ بەلگىلەمەسى» مەن «تىكەلەي اۋىستىرۋ فورماسىنداعى ينتەرنەتتىك تەلەۆيزوردى ىسكە قوسۋ جاعىندا قىزمەت وتەۋدى باسقارۋ جونىندەگى ۋاقىتتىق بەلگىلەمەنى» جاريالادى، بۇل 2026 – جىلى 11 – ايدىڭ 27 – كۇنىنەن باستاپ اتقارىلادى. كوپشىلىكتىڭ تەلەۆيزور كورۋىنە قولايلىلىق جاراتۋ ءۇشىن، جاڭا بەلگىلەمەدە سىمدى راديو – تەلەۆيزيانى ىسكە قوسۋ جاعىندا قىزمەت وتەۋ مەن تىكەلەي اۋىستىرۋ فورماسىنداعى ينتەرنەتتىك تەلەۆيزوردى ىسكە قوسۋ جاعىندا قىزمەت وتەۋ جونىندە تۇگەلدەي مىناداي تالاپتار ورتاعا قويىلعان.

تەلەۆيزوردى اشىپ تولىق ەكرانمەن تىكە تاراتىلىم كورۋ يقۋاتىن ىسكە قوسقان كەزدە بىردەن جارناما كورسەتۋگە بولمايدى

تىكە تاراتىلىمدى باستى ورىنعا قويۋ پرينسيپىنە تاباندى بولىپ، تەلەۆيزوردى اشقاندا تولىق ەكرانمەن تىكە تاراتىلىمدى كورۋ يقۋاتىن ىسكە اسىرۋ، كانالدى قايتالاپ كورۋ يقۋاتىن ورنالاستىرۋ قاجەت، تەلەۆيزوردى اشقان كەزدە بىردەن جارناما كورسەتۋگە بولمايدى. زەردەلى تەلەۆيزورلاردا تىكە تاراتىلىم ارنالارىن ەڭ الدىمەن كورسەتۋ يقۋاتى بولۋى، قولايلى ورنالاستىرۋ تاسىلدەرىن ازىرلەۋى كەرەك.

پايدالانۋشىلاردىڭ تەلەۆيزوردى اشقان سوڭ توتەلەي تىكە تاراتىلىمدى كورۋىنە نەمەسە تەلەۆيزوردىڭ باعدارلامالار پاراقشاسىنا كىرۋىنە قولايلىلىق جاراتۋ قاجەت

قولدانۋشىلارعا قولايلى ورنالاستىرۋ ارناسىن ازىرلەۋ كەرەك، قولدانۋشىلاردىڭ تەلەۆيزوردى اشقان ساتتە تىكە تاراتىلىمعا كىرۋدى نەمەسە تەلەۆيزوردىڭ باعدارلاما تاڭداۋ پاراقشاسىنا كىرۋدى ءوزى تاڭداۋىنا قولايلىلىق جاساۋ قاجەت. تەلەۆيزوردىڭ باعدارلاما تاڭداۋ پاراقشاسى، باعىتتاۋىش باعاناسى، جۇمىس كۇيى باعاناسى، تانىستىرىلىم ورنى قاتارلى مازمۇندار مەملەكەتتىك كەڭەستىڭ راديو – تەلەۆيزيانى باسقارۋشى تاراۋلارىنىڭ قاتىستى تالابىنا ۇيلەسۋى كەرەك.

باستى بەتكە تەگىن باعدارلامالار بولىگىن ورنالاستىرىپ، اقى الىناتىن ايدارشالاردىڭ سانىن ىقشامداۋ قاجەت

باستى بەتكە تەگىن كورۋگە ارنالعان ارناۋلى بولىك ورنالاستىرىلۋى قاجەت، ساپالى تەگىن مازمۇنداردى ءتۇيىندى تۇردە تانىستىرىپ، اقى الىناتىن ايدارشالاردىڭ سانىن ىقشامداۋ، باعدارلامالارعا اقى الىناتىنى تۋرالى ينفورماتسيا انىق كورسەتىلۋى، قولدانىلمالى ارناۋلى بولىكتى ىسكە قوسۋ مەن تاپسىرىسپەن ساتىپ الۋ، اقى تولەۋ ىستەرىن باسقارۋدى جۇيەگە ءتۇسىرۋ قاجەت.

تەلەۆيزوردى اشۋ ۋاقىتىن قىسقارتىپ، الىستان مەڭگەرگىشتى قولدانۋ تەتىكتەرىن وڭايلاستىرۋ قاجەت

تەرمينالدىڭ يقۋاتىن ۇزدىكسىز ساپالىلاندىرىپ، تەلەۆيزوردى اشۋعا كەتەتىن ۋاقىتتى قىسقارتۋ؛ دىبىستىق الىستان مەڭگەرۋ، قول تەلەفونمەن الىستان مەڭگەرۋ، جاساندى زەردە قاتارلى جاڭا تەحنيكالاردان پايدالانىپ، قولدانۋشىلاردىڭ الاتىن اسەرىن جاقسارتۋعا شابىتتاندىرۋ كەرەك. الىستان مەڭگەرۋ تەتىكتەرىن وڭايلاستىرىپ، الىستان مەڭگەرگىش ارقىلى تىكە تاراتىلىمنىڭ سيگنال كوزدەرىن ءبىر تەتىكپەن اۋىستىرۋدى ىسكە اسىرۋ قاجەت.

كەلۋ قاينارى: حالىق تورابى