شينجياڭدا شاڭعى الاڭدارى ىركەس – تىركەس جۇمىس باستاپ، جاڭا قارلى ماۋسىمنىڭ شىمىلدىعىن اشتى 

حالىق گازەتىنىڭ ءتىلشىسى شاڭ رۇڭجىڭ 10 – ايدىڭ 26 – كۇنى ۇرىمجىدەن حابارلايدى. شينجياڭ كوكتوعاي حالىقارالىق قار شاڭعى دەمالىس رايونى جۋىردا رەسمي اشىلىپ، بۇكىل ەلىمىز بويىنشا ەڭ ەرتە اشىلعان قار شاڭعى دەمالىس رايونى بولىپ، شينجياڭداعى 2026 – جىلدان 2027 – جىلعا دەيىنگى قارلى ماۋسىمنىڭ شىمىلدىعىن اشتى.

كوكتوعاي حالىقارالىق شاڭعى الاڭى التاي ايماعى كوكتوعاي اۋدانىنا ورنالاسقان، شاڭعى جولىنان 20 نەشە جول بار، شاڭعى جولىنىڭ ەڭ بيىك جەرى تەڭىز دەڭگەيىنەن 3100 مەتر بيىكتىكتە، ەڭ زور ۆەرتيكال پارقى 1350 مەتر. قازىر دەمالىس رايونىنداعى كوكتوعاي جولىنىڭ 3100 - 2500 مەترلىك بولەگىندەگى شاڭعى جولى اشىلعان، ەكى ورىنداعى اسپالى ارقان جولى دا ءبىر ۋاقىتتا اشىلعان، باسقا شاڭعى جولدارى مەن اسپالى ارقان جولدارى ناقتى جاعدايعا قاراي بىرتىندەپ اشىلادى.

بىرنەشە كۇننەن بەرى، التاي ايماعىندا قار ۇزدىكسىز جاۋىپ، شاڭعى الاڭدارى تابيعي جاۋعان قار ورايىن مىقتى يگەرىپ، شاڭعى جولدارىن جوندەۋ سىندى دايىندىق قىزمەتتەردى ورىستەتتى. قازىر جىكپەلەڭ حالىقارالىق شاڭعى تەبۋ دەمالىس رايونى قار جاساۋ جۇمىستارىن باستادى، گەنەرال تاۋى حالىقارالىق شاڭعى تەبۋ دەمالىس رايونى، شىڭگىل لاڭشان حالىقارالىق شاڭعى الاڭى قاتارلى جەرلەر جاڭا قارلى ماۋسىمعا بەلسەندى دايىندالۋدا.

وسى قارلى ماۋسىمدا، التاي ايماعى قىستىق ساياحات ارقىلى حالىققا تيىمدىلىك جاساپ، تۇتىنۋدى ىلگەرىلەتۋ جەلىلەس قيمىلدارىن ۇزدىكسىز ورىستەتەدى، مۇندا ۇشاق بەلەتىن كورسەتۋ ارقىلى تەگىن شاڭعى تەبۋ ءارى 70 پايىزدىق جەڭىلدىكپەن ەمىن – ەركىن شاڭعى تەبۋ، ”اۋىلداستاردىڭ ءوز اۋىلىندا ساياحاتتاۋى“ قاتارلى قيمىلدار قامتىلادى.

كەلۋ قاينارى: حالىق تورابى