حالىق ىستەرى مينيسترلىگى ”ىزعارلى قىستا مەيىر باعىشتاۋ“ اتتى ارناۋلى كومەكتەسۋ قيمىلى جونىندە ورنالاستىرۋ جاسادى 

حالىق گازەتىنىڭ ءتىلشىسى ۋ چۋچي 10 – ايدىڭ 27 – كۇنى بەيجيڭنەن حابارلايدى. حالىق ىستەرى مينيسترلىگىنىڭ كەڭسە مەڭگەرمەسى جۋىردا ۇقتىرۋ شىعارىپ، ”ىزعارلى قىستا مەيىر باعىشتاۋ“ اتتى ارناۋلى كومەكتەسۋ قيمىلىن ورىستەتۋ جونىندە ورنالاستىرۋ جاسادى، قيمىل 10 – ايدىڭ 27 – كۇنى باستالىپ، 2027 – جىلى 3 – ايدىڭ 15 – كۇنىنە دەيىن ورىستەتىلىپ (شىعىس - سولتۇستىك پەن باتىس - سولتۇستىكتەگى رايونداردا جاعدايعا قاراي ۋاقىتى ۇزارتىلادى)، سەرگەلدەڭگە تۇسكەن تۇرمىس جاعدايى ناشار ادامداردىڭ قىستى حاۋىپسىز وتكىزۋىنە شىنايى كەپىلدىك ەتەدى.

ۇقتىرۋدا مىنالار تالاپ ەتىلگەن: جەر – جەر اۋا رايى جاعىنداعى ساقتىق دابىلىن قاعۋمەن ۇشتاستىرىلعان مەحانيزم ورناتۋى، قوعام حاۋىپسىزدىگى، قالا باسقارۋ، دەنساۋلىق ساقتاۋ – سالاماتتىق جۇيەسى، شۇعىل جاعدايلارعا توتەپ بەرۋ قاتارلى سالالارعا جاۋاپتى تاراۋلارمەن ىرىقتىلىقپەن سايكەسىپ، بىرگە شارلاپ تەكسەرۋ جۇرگىزىپ، سەرگەلدەڭگە تۇسكەن ادامدار تۇنەۋى مۇمكىن بولعان پويەز بەكەتى مەن كەمەجاي، جەر استى ءدالىزى، كوپىر استى، يەن قالعان ۇيلەر قاتارلى جەرلەردى تور جايىپ تەكسەرۋ فورماسىندا ءبىر – بىرلەپ تەكسەرۋى كەرەك، سۇركەيلى اۋا رايى تۋىلۋدان بۇرىن جانە تۇندە شارلاپ تەكسەرۋ جيىلىگىن ارتتىرۋى قاجەت.

جەر – جەر قالا، اۋدان، اۋىل – قىستاقتار مەن نەگىزگى ساتى ورىندارىن قامتىعان بارلىق جەردە بايقاۋ – حابارلاۋ تورىن جەدەل قۇرىپ، ورتا تازالىعى جۇمىسشىلارى، جەدەل جەتكىزۋشىلەر، الەۋمەتتىك اۆتوبۋس پەن تاكسي شوفەرلەرى قاتارلىلاردى كومەك قاجەت ەتۋشىلەردىڭ دەرەگىن بەرۋگە جۇمىلدىرۋى كەرەك. ءىس جۇزىندىك جاعدايعا قاراي وتىرىپ، يگىلىك بەلەتى الەۋمەتتىك يگىلىك قورى پۋنكتى قاتارلى جەرلەردە ۋاقىتتىق كومەكتەسۋ ورىندارىن قۇرىپ، سەرگەلدەڭگە تۇسكەندەردىڭ ماڭىنداعىلاردان كومەك سۇراۋىنا قولايلىلىق جاراتۋ كەرەك.

كوشەلەردەن بايقاعان سوڭ كەڭەس بەرگەن جاعدايدا دا قاتىستى قۇرىلىمدارعا بارىپ كومەككە يە بولۋدى قالاماعان ادامداردى قاجەتتى ازىق – تۇلىكپەن، كيىم – كەشەكپەن، جىلۋ ساقتايتىن بۇيىمدارمەن قامداۋى، ولارعا كومەك سۇراۋ جولدارىن قالدىرۋى، سونىمەن بىرگە، ولاردىڭ جاعدايىن سول جەردەگى اۋىل - قالاشىققا (ءمالى) حابارلاپ، كەيىنگى باقىلاۋ – سۇيەمەلدەۋ ىستەرىن ويداعىداي ىستەۋى كەرەك؛ اۋىر ناۋقاسقا شالدىققان جانە رۋحاني اۋرۋى بار ادامداردى ”الدىمەن ەمدەپ، ونان سوڭ سۇيەمەلدەۋ“ پرينسيپى بويىنشا، دەر كەزىندە بەلگىلەنگەن ەمحانالارعا جەتكىزىپ ەمدەتۋى كەرەك.

ۇقتىرۋدا مىنالار ايقىن تۇراقتاندىرىلعان: وتباسىلىق زورلىق – زومبىلىققا ۇشىراۋ، تياناقتى جۇمىس تابىلماۋ قاتارلى سەبەپتەرمەن تۇرمىستىق جاقتا قيىنشىلىققا ۇشىراعاندارعا شۇعىل، ۋاقىتتىق تۇرمىستىق قامتاماسىزداندىرۋ شارالارىن اتقارىپ، قاتىستى تاراۋلاردى سايكەستىرە وتىرىپ، پسيحولوگيالىق جاقتان كەڭەس بەرۋ، زاڭدىق جاقتان كومەكتەسۋ، جۇمىستانۋعا قاتىستى كەڭەس بەرۋ قاتارلى جاقتاردا قىزمەت وتەۋ قاجەت؛ جەكەلىك سالاۋاتتىق ينفورماتسياسىن بەرە الماعان كومەك الۋشىلاردىڭ تۋىس – تۋعاندارىن ”ينتەرنەت +“ قاتارلى تاسىلدەردەن پايدالانىپ ىزدەستىرىپ، ولاردىڭ وتباسىنا قايتۋىنا كومەكتەسۋ قاجەت.

كەلۋ قاينارى: حالىق تورابى