ازاماتتىق كۋالىكتىڭ ۋاقىتى تولعاندا قوعامدىق قامتاماسىزداندىرۋ كارتوچكاسىن اۋىستىرۋ كەرەك پە؟ قوعامدىق قامتاماسىزداندىرۋ كارتوچكاسى جايلى مىناداي بىلىمدەردى يگەرىڭىز 

قوعامدىق قامتاماسىزداندىرۋ كارتوچكاسى — كارتوچكا يەسىنىڭ قوعامدىق قامتاماسىزداندىرۋ جانە الەۋمەتتىك جۇمىستانۋ جاعىنداعى ۇقىق – مۇددەسىنەن يگىلىكتەنۋدە قولداناتىن كۋالىگى، ينفورماتسيالاردى ەستەلىككە الۋ، ينفورماتسيانى سۇراستىرۋ، جۇمىس ءبىتىرۋ قاتارلى نەگىزدىك رولدارعا يە. قازىر بۇكىل ەلىمىزدەگى كارتوچكا يەلەرىنىڭ سانى ءبىر ميلليارد 390 ميلليون ادامعا جەتتى. قوعامدىق قامتاماسىزداندىرۋ كارتوچكاسىن قايتكەندە دۇرىس پايدالانۋعا بولادى؟

ازاماتتىق كۋالىكتىڭ ۋاقىتى تولعان سوڭ، قوعامدىق قامتاماسىزداندىرۋ كارتوچكاسىن اۋىستىرۋدىڭ قاجەتى جوق. تەك اتى - ءجونى، قوعامدىق قامتاماسىزداندىرۋ كارتوچكاسىنىڭ ءنومىرى، سۋرەتى، قىزمەت وتەيتىن بانكە قاتارلى ماڭىزدى ينفورماتسيالار وزگەرمەگەن جاعدايدا، الماستىرۋىڭىزدىڭ قاجەتى جوق. ەگەر ازاماتتىق كۋالىكتىڭ ۋاقىتى تولىپ، ءبىر ءبولىم فينانستىق فۋنكتسياسى ىقپالعا ۇشىراسا، بانكەنىڭ قىزمەت وتەۋ ارنالارى ارقىلى كۋالىك ينفورماتسياسىن جاڭالاساڭىز بولعانى، مۇنداي جاعدايدا دا كارتوچكانى اۋىستىرۋدىڭ قاجەتى جوق.

قامسىزداندىرۋعا قاتىناساتىن جەر وزگەرىپ، ولكە اتتاپ جۇمىس ىستەيتىن بولعاندا عانا كارتوچكانى اۋىستىرۋ قاجەت. كارتوچكانى اۋىستىرۋ – اۋىستىرماۋدى قامسىزداندىرۋعا قاتىناسقان جەردىڭ وزگەرىسىنە قاراي بەلگىلەۋ كەرەك. ەگەر ولكە اتتاپ جۇمىس ىستەيتىن بولساڭىز، قامسىزداندىرۋعا قاتىناسقان جەرىڭىز وزگەرسە، قوعامدىق قامتاماسىزداندىرۋ كارتوچكاسىن اۋىستىرىپ بەرۋدى ءوتىنىش ەتۋىڭىز كەرەك؛ ولكە ىشىندە قوعامدىق قامتاماسىزداندىرۋ قاتىناسىن جوتكەسەڭىز، كارتوچكانى اۋىستىرۋىڭىزدىڭ قاجەتى جوق. ونىڭ ۇستىنە، كارتوچكانى اۋىستىرعاندا كارتوچكانى تاراتقان بۇرىنعى جەرگە قايتۋدىڭ قاجەتى جوق — كارتوچكا يەسى ەلىمىز بويىنشا ءارقانداي وڭىردە ينتەرنەت ارقىلى كارتوچكانى تولىقتاپ اۋىستىرۋىنا بولادى، مەملەكەتتىك ۇكىمەت ىستەرى جاعىندا قىزمەت وتەۋ تەكشەسى، قوعامدىق قامتاماسىزداندىرۋ ەلەكتروندى كارتوچكاسى App قولدانباسى نەمەسە شاعىن پروگرامماسى، 12333 قاتارلى ارنالار ارقىلى ينتەرنەتتە ءوتىنىش تاپسىرۋىنا بولادى، كارتوچكانى جەكەلەردىڭ وتباسىنا تىكەلەي پوچتامەن جولداپ بەرىپ، ”ولكە اتتاپ ءبىرتۇتاس ءبىتىرۋدى“ ىسكە اسىرادى.

كارتوچكانى الماستىرعان كەزدە الىناتىن اقى كارتوچكا تاراتقان جەردىڭ ولشەمى بويىنشا اتقارىلادى. جاڭالانعان كارتوچكانى جاساۋ اقىسى كارتوچكا تاراتقان جەردىڭ اقى الۋ ولشەمى بويىنشا اتقارىلادى، ءىشىنارا ولكە – قالالاردا جاساۋ اقىسى الىنبايدى؛ ينتەرنەت ارقىلى جاڭالانعان كارتوچكانى پوچتامەن جولداۋ ءۇشىن پوچتا اقىسن دا تولەيسىز، بۇل قاراجات جولداناتىن ءادىرىستى نەگىز ەتىپ ەسەپتەلەدى. ناقتى اقى سوماسىن جەرگىلىكتى ورىنداعى قوعامدىق قامتاماسىزداندىرۋ كارتوچكاسىنا قاتىستى قىزمەت وتەيتىن تۇيىندەرىنەن نەمەسە 12333 قىزمەت وتەۋ جەلىسى ارقىلى سۇراستىرۋعا بولادى.

كارتوچكانى اۋىستىرعاندا، ەسەپ نومىرىندەگى اقشا ىقپالعا ۇشىرامايدى. كارتوچكانى اۋىستىرعان سوڭ، بۇرىنعى بانكە كارتوچكاسىنداعى قاراجاتقا ىقپال جاسامايدى. ەگەر كارتوچكانى اۋىستىرعان سوڭ ءالى دە بۇرىنعى بانكەنى تاڭداعان بولساڭىز، بۇرىنعى كارتوچكاداعى قاراجات جاڭا كارتوچكاعا اۆتوماتتى جوتكەلەدى، كۋالاندىرعان سوڭ پايدالانۋعا بولادى؛ ەگەر قىزمەت وتەيتىن بانكەنى اۋىستىرعان بولساڭىز، الدىمەن بۇرىنعى بانكەنىڭ ينتەرنەتتەن تىس بولىمشەسىنە بارۋ نەمەسە ينتەرنەت بانكەسىنە كىرۋ ارقىلى بۇرىنعى كارتوچكاداعى قاراجاتتى جوتكەيسىز نەمەسە شىعارىپ الاسىز، وسىدان سوڭ بۇرىنعى كارتوچكانى كۇشىنەن قالدىرۋعا بولادى.

(باس ستانسيا ورتالىق تەلەۆيزياسىنىڭ ءتىلشىسى چىن يۇيجيە، تاڭ لەي)

كەلۋ قاينارى: حالىق تورابى