قوعام حاۋىپسىزدىگى مينيسترلىگى «قوعام حاۋىپسىزدىگى ورگاندارىنىڭ اكىمشىلىك دەلولاردى ءبىتىرۋ ءتارتىبى جونىندەگى بەلگىلەمەگە» وزگەرىس ەنگىزۋ تۋرالى اشىق پىكىر قابىلدادى 

شينحۋا اگەنتتىگىنىڭ ءتىلشىسى لي ميڭحۇي 10 – ايدىڭ 30 – كۇنى بەيجيڭنەن حابارلايدى. وزگەرىس ەنگىزىلگەننەن كەيىنگى اماندىق باسقارۋعا قاتىستى جازالاۋ زاڭى، اكىمشىلىك جاقتان جازالاۋ زاڭى سياقتى زاڭ – ەرەجەلەردى دايەكتى تياناقتاندىرىپ، قوعام حاۋىپسىزدىگى ورگاندارىنىڭ اكىمشىلىك جاقتان زاڭ اتقارۋىن اناعۇرلىم جۇيەگە ءتۇسىرىپ، قوعام حاۋىپسىزدىگى ورگاندارىنىڭ اكىمشىلىك دەلولاردى ءبىتىرۋ ساپاسى مەن زاڭ اتقارۋ ورەسىن جوعارىلاتۋ ءۇشىن، قوعام حاۋىپسىزدىگى مينيسترلىگى «قوعام حاۋىپسىزدىگى ورگاندارىنىڭ اكىمشىلىك دەلولاردى ٴبىتىرۋ ءتارتىبى جونىندەگى بەلگىلەمە (وزگەرىس ەنگىزىپ، پىكىر الىناتىن نۇسقا)» تۋرالى قوعامداعىلاردان اشىق تۇردە پىكىر قابىلدايتىندىعى جونىندە 10 – ايدىڭ 30 – كۇنى ۇقتىرۋ شىعاردى. جۇرتشىلىق قوعام حاۋىپسىزدىگى مينيسترلىگىنىڭ تورابىنان (www.mps.gov.cn) اشىق پىكىر الىناتىن نۇسقاسىن كورە الادى، قاتىستى پىكىرلەردى ەلەكتروندىق حات نەمەسە حات ارقىلى جولداپ بەرۋگە بولادى، پىكىر الۋ ۋاقىتى 2026 – جىلى 11 - ايدىڭ 28 – كۇنىنە دەيىن.

وسى رەت وزگەرىس ەنگىزىلگەن باستى مازمۇنداردا مىناداي ءتورت جاق قامتىلادى: جوعارى دارەجەلى زاڭ - تۇزىمدەردە بەلگىلەنگەن تالاپتاردى دايەكتى تياناقتاندىرىپ، ىسكە قاتىستى ادامداردىڭ زاڭدى ۇقىق – مۇددەسىن اناعۇرلىم قامتاماسىزداندىرۋ، قوعام حاۋىپسىزدىگى ورگاندارىنىڭ زاڭ اتقارۋ ارەكەتىن ىشكەرىلەي جۇيەگە ءتۇسىرۋ، ۇشتاستىرۋ مەحانيزمىن ونان ارى كەمەلدەندىرۋ، زاڭ اتقارۋ ءتارتىبىن قاتاڭداتۋ.

كەلۋ قاينارى: حالىق تورابى