2026.10.30 17:29 كەلۋ قاينارى : حالىق تورابى
جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ءماجىلىسى بەيجيڭدە وتكىزىلدى
ورتالىق كوميتەتتىڭ ساياسي بيۋروسى جالپى ءماجىلىستى باسقاردى، ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى
جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدەگى ءبىرقانشا كەلەلى ماسەلە جونىندەگى قارارىن» قاراپ ماقۇلدادى. شي جينپيڭ «قاۋلى (تالقى نۇسقاسى)» جونىندە جالپى ماجىلىسكە تۇسىنىك جاسادى
جالپى ءماجىلىس پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن بەرگى ورتالىق كوميتەت ساياسي بيۋروسىنىڭ قىزمەتىن تولىق تۇراقتاندىردى. جۇڭگو كوممۋنيستىك پارتياسىنىڭ مەملەكەتتىك 21 - قۇرىلتايىن 2027 - جىلدىڭ سوڭعى جارتىسىندا بەيجيڭدە اشۋدى ۇيعاردى
جالپى ءماجىلىس جاڭ شىڭميندى ورتالىق كوميتەت ساياسي بيۋروسىنىڭ مۇشەلىگىنە تولىقتىرىپ سايلادى

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ءماجىلىسى 2026 - جىلى 10 - ايدىڭ 26 - كۇنىنەن 29 - كۇنىنە دەيىن بەيجيڭدە وتكىزىلدى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ءماجىلىسى 2026 - جىلى 10 - ايدىڭ 26 - كۇنىنەن 29 - كۇنىنە دەيىن بەيجيڭدە وتكىزىلدى. ءماجىلىستى ورتالىق كوميتەتتىڭ ساياسي بيۋروسى باسقاردى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن.
جالپى ءماجىلىس بۇكىل پارتيانى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مەملەكەتتى كوركەيتۋ جولىندا قۇلشىنىپ، قايراتتانا العا ۇمتىلىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ جاڭا جاعدايىن ۇزدىكسىز اشۋعا، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى ەل قۇرۋعا، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋگە ۇندەدى
شينحۋا اگەنتتىگى، 10 - ايدىڭ 29 - كۇنى، بەيجيڭ. جۇڭگو كوممۋنيستىك پارتياسى 20 - كەزەكتى ورتالىق كوميتەتى بەسىنشى جالپى ءماجىلىسىنىڭ مازمۇنداماسى
(جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ماجىلىسىندە 2026 - جىلى 10 - ايدىڭ 29 - كۇنى ماقۇلداندى)
جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ بەسىنشى جالپى ءماجىلىسى 2026 - جىلى 10 - ايدىڭ 26 - كۇنىنەن 29 - كۇنىنە دەيىن بەيجيڭدە وتكىزىلدى.
بۇل رەتكى جالپى ماجىلىسكە ورتالىق كوميتەتتىڭ مۇشەلەرىنەن 162 ادام، ورتالىق كوميتەتتىڭ كانديدات مۇشەلەرىنەن 117 ادام قاتىناستى. ورتالىق ءتارتىپ تەكسەرۋ كوميتەتىنىڭ مۇشەلەرى مەن قاتىستى جاقتارداعى جاۋاپتى جولداستار ماجىلىسكە سىرتتاي قاتىناستى. پارتيا 20 - قۇرىلتايىنىڭ ۋاكىلدەرى اراسىنداعى ءبىر ءبولىم نەگىزگى ساتى جولداستارى مەن مامان - وقىمىستىلار دا ماجىلىسكە سىرتتاي قاتىناستى.
جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.
جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدەگى ءبىرقانشا كەلەلى ماسەلە جونىندەگى قارارىن» قاراپ ماقۇلدادى. شي جينپيڭ «قارار (تالقى نۇسقاسى)» جونىندە جالپى ماجىلىسكە تۇسىنىك جاسادى.
جالپى ءماجىلىس پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن بەرگى ورتالىق كوميتەت ساياسي بيۋروسىنىڭ قىزمەتىن تولىق تۇراقتاندىردى. ءبىر اۋىزدان بىلاي دەپ قارالدى: ورتالىق كوميتەتتىڭ ساياسي بيۋروسى پارتيا 20 - قۇرىلتايى مەن 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەل ءىشى جانە حالىقارا سىندى ەكى جالپى جاعدايدى، دامۋ مەن حاۋىپسىزدىكتى ءبىر تۇتاس جوسپارلاپ، ەكونوميكانىڭ جوعارى ساپالى دامۋىن تىڭعىلىقتى ىلگەرىلەتىپ، سوتسياليستىك دەموكراتيالى زاڭمەن جونگە سالۋ قۇرىلىسىن ىلگەرىلەتىپ، ۇگىت، يدەيا، مادەنيەت قىزمەتىن ويداعىداي ىستەپ، حالىق تۇرمىسىن قامتاماسىز ەتۋ مەن ەكولوگيالىق وركەنيەت قۇرىلىسىن ويداعىداي يگەرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن قورعاپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتىپ، شياڭگاڭ، اۋمىن قىزمەتىن جانە تايۋانعا باعىتتالعان قىزمەتتى ويداعىداي ىستەپ، جۇڭگوشا ءىرى ەلدىك ديپلوماتيانى ىلگەرىلەتۋ، ”14 - بەسجىلدىقتى“ تابىسپەن اياقتاتىپ، ”15 - بەسجىلدىقتى“ جاقسى باستاۋ، پارتيا مەن مەملەكەت ىستەرىندە تىڭ ىلگەرىلەۋشىلىكتەر مەن تىڭ تابىستارعا قول جەتكىزۋ. دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتىپ، جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن سالتاناتپەن قۇتتىقتاپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا العا باسۋداعى قۇدىرەتتى كۇشىن ونان ارى ۇيىستىرۋ كەرەك.
جالپى ءماجىلىس پارتيانىڭ 100 نەشە جىلدان بەرگى كۇرەس بارىسىن ەسكە الىپ، مىنالاردى اتاپ كورسەتتى: جۇڭگو كوممۋنيستىك پارتياسىنىڭ جەڭىستەن جەڭىسكە جەتۋى كوممۋنيزم ۇلى مۇراتىن كوكەيدە ساقتاپ، جۇڭحۋا ۇلتىنىڭ بولاشاقتىق ۇلى ءىسىن مۇرات ەتىپ، جۇڭگو حالقىنىڭ باقىتىن كوزدەۋگە، جۇڭحۋا ۇلتىنىڭ گۇلدەنۋىن كوزدەۋگە تاباندى بولىپ، ءارقايسى تاريحي داۋىردە پارتيانى باسقارۋعا، پارتيانى جونگە سالۋعا وسكەلەڭ ءمان بەرىپ، اقيقاتقا تاباندى بولۋعا، قاتەلىكتى تۇزەتۋگە باتىل بولىپ، ءوز كۇشىنە جانە حالىقتىڭ قولداۋىنا سۇيەنىپ ءوز ماسەلەسىن شەشۋ بارىسىندا ۇزدىكسىز قۇدىرەتتەنىپ، پارتيا مەن حالىق ىستەرىنىڭ پارمەندى باسشىلىق ۇيتقىسىنا اينالۋىندا. توڭكەرىس، قۇرىلىس، رەفورما بارىسىندا پارتيا قۇرىلىسىن ىلگەرىندى - كەيىندى ۇلى ينجەنەريا، جاڭا ۇلى ينجەنەريا رەتىندە قاراپ، پارتيا 18 - قۇرىلتايىنان بەرى جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتتى، ”ۇكىمەتتى حالىق باقىلاۋ“ جانە ”وزىندىك توڭكەرىس“ سىندى بىلىقپالىقتى وڭاۋ، گۇلدەنۋ، قۇلدىراۋ سىندى تاريحي پەريودتان اتتاپ شىعۋدىڭ جاۋابىن تاپتى، بۇل جۇڭگو كوممۋنيستىك پارتياسىنىڭ وزگەشە جاسامپازدىعى، ماركسيزمدىك ساياسي پارتيا قۇرىلىسىنىڭ تاريحىنا ماڭگى جازىلادى.
جالپى ءماجىلىس جاڭا داۋىردە پارتيانى جاپپاي قاتاڭ جونگە سالۋدا قول جەتكەن ۇلى تابىستاردى جوعارى باعالادى. ءبىر اۋىزدان بىلاي دەپ قارالدى: شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي باتىلدىقپەن جانە كۇشتى جاۋاپكەرشىلىكپەن، پارتيا باسشىلىعىنىڭ السىرەۋى، سولعىنداۋى، سالعىرتتانۋى، پارتيانى باسقارۋدىڭ، پارتيانى جونگە سالۋدىڭ قاتاڭ، شىنايى، پارمەندى بولماۋى، پارتيا ىشىندەگى كەيبىر ماسەلەلەر جان تۇرشىگەردەي بولۋى سىندى اۋىر رەالدىققا قاراتا، پارتيانى جاپپاي قاتاڭ جونگە سالۋدان اۋىتقىماي، قىلىشتى ىشكە قاراتىپ، بىلىقپالىقتى قاتاڭ جونگە سالىپ، كورنەكتى ماسەلەلەردى ۇزدىكسىز شەشىپ، پارتيانى باسقارۋدىڭ، پارتيانى جونگە سالۋدىڭ كەڭ، بوس، ءالسىز بولۋ جاعدايىن تۇبىرىنەن وڭاپ، ۇزاق ۋاقىتتان بەرى تەجەلمەگەن كەيبىر تەرىس ستيلدەردى تەجەپ، كوپ جىلدان بەرى جويىلماعان كەيبىر ەسكى اۋرۋلاردى تۇزەتىپ، پارتيانىڭ، مەملەكەتتىڭ، ارميانىڭ ىشكى بولەگىندە ءومىر ءسۇرىپ وتىرعان اۋىر كومەسكى قاتەرلەردى الاستاپ، پارتيامىز توڭكەرىستىك شىڭدالۋ بارىسىندا اناعۇرلىم پارمەندى، پارمەندى بولدى. جاڭا داۋىردە پارتيانى جاپپاي قاتاڭ جونگە سالۋ عاسىرلىق ءىرى پارتيانىڭ وزىندىك توڭكەرىسىنىڭ جاڭا ءورىسىن اشىپ، پارتيا مەن مەملەكەت ىستەرىندە تاريحي تابىستارعا قول جەتكىزۋىن، تاريحي وزگەرىستەر تۋىلۋىن ىلگەرىلەتىپ، پارتيا مەن حالىق پارتيانى قۇدىرەتتەندىرۋدىڭ، مەملەكەتتى قۇدىرەتتەندىرۋدىڭ تاريحي ىرىقتىلىعىنا قول جەتكىزدى.
جالپى ءماجىلىس مىنالاردى اتاپ كورسەتتى: جاڭا داۋىردە پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ ۇلى امالياتى بارىسىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ۇزاق ۋاقىت بيلىك جۇرگىزەتىن ماركستىك ساياسي پارتيانى قايتىپ قۇرۋ، ۇزاق ۋاقىت بيلىك جۇرگىزەتىن ماركستىك ساياسي پارتيانى قالاي قۇرۋ سىندى كەلەلى داۋىرلىك تاقىرىپتى ارقاۋ ەتىپ، ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، شي جينپيڭ پارتيا قۇرىلىسى يدەياسىن قالىپتاستىردى. بۇل يدەيا ماركسيزمدىك پارتيا قۇرۋ ءىلىمىن بايىتتى جانە دامىتتى، بۇل ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، پارتيانىڭ نازاريالىق جاسامپازدىعىن ىلگەرىلەتۋدىڭ كەلەلى جەتىستىگى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولەگى. جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىشكەرىلەي ىلگەرىلەتۋگە ءتۇبىرلى ولشەم جانە ارەكەت قىبلاناماسىن ازىرلەدى.
جالپى ءماجىلىس مىنالاردى باسا دارىپتەدى: پارتيانى جاپپاي قاتاڭ جونگە سالۋ كوپتەگەن ءتيىمدى شارت - جاعدايلاردى ازىرلەدى، سونىمەن بىرگە، كوپتەگەن جاڭا جاعدايلارعا، جاڭا ماسەلەلەرگە ءدوپ كەلدى. دۇنيە ءجۇزىنىڭ، مەملەكەتتىڭ، پارتيانىڭ جاعدايىندا تەرەڭ وزگەرىستەر تۋىلۋىنا ىلەسە، پارتيانىڭ حالىقتى ىنتىماقتاستىرىپ جانە باستاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ مىندەتى ءتىپتى دە قيىندادى، پارتيانىڭ حالىقتى ىنتىماقتاستىرىپ جانە باستاپ، رەفورمانى، دامۋدى ىلگەرىلەتۋ، قوعامنىڭ جاراسىمدىلىعى مەن ورنىقتىلىعىن قورعاۋ مىندەتى ءتىپتى دە قيىندادى، پارتيانىڭ العاباسارلىعى مەن كىرشىكسىزدىگىن ساقتاۋ مىندەتى ءتىپتى دە قيىندادى. پارتيانىڭ جاڭا جاعدايداعى بيلىك جۇرگىزۋ قابىلەتىنە، باسشىلىق ورەسىنە، قوسىن ساپاسىنا، شىرىكتەسۋدەن، ازعىنداۋدان ساقتانۋعا اۋىر سىن - سايىس اكەلدى، پارتيا ءدوپ كەلگەن ”ءتورت ۇلكەن سىناق“ پەن ”ءتورت ءتۇرلى قاتەر“ ۇزاق ۋاقىتتىق، كۇردەلى، قاتاڭ بولدى. بۇكىل پارتيا، ءسوز جوق، پارتيانىڭ ۇزاق ۋاقىت بيلىك جۇرگىزۋ ورنىن بەكەمدەۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ستراتەگيالىق تۇرعىسىنان، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدىڭ كەلەلى ءمانىن جەتە تانىپ، سەنىمدى بەكەمدەپ، تاباندىلىقتى ساقتاپ، جاڭا داۋىردە پارتيانى جاپپاي قاتاڭ جونگە سالۋدىڭ باعالى تاجىريبەلەرىنە اناعۇرلىم جوعارى ولشەم، اناعۇرلىم ناقتى شارا ارقىلى ويداعىداي تاباندى بولىپ، ويداعىداي پايدالانىپ، پارتيا قۇرىلىسىندا ءدوپ كەلگەن كورنەكتى ماسەلەلەردى ويداعىداي جونگە سالىپ، ويداعىداي شەشىپ، پارتيانى باسقارۋ، پارتيانى جونگە سالۋدا قالىپتاسقان تاماشا ساياسي جاعدايدى ويداعىداي بەكەمدەۋ، ويداعىداي دامىتۋ كەرەك.
جالپى ءماجىلىس مىنالاردى اتاپ كورسەتتى: پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدە، ءسوز جوق، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ بورىشى مەن مىندەتىن جۇزەگە اسىرۋدى ارقاۋ ەتىپ، جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، پارتيا ۋستاۆىن نەگىز ەتىپ، پارتيانىڭ اۆانگارتتىق سيپاتىنا تاباندى بولىپ، پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ءبىرتۇتاس باسشىلىعىنا تاباندى بولىپ، پارتيانىڭ ۇزاق ۋاقىت بيلىك جۇرگىزۋ قابىلەتىن جوعارىلاتۋدى، پارتيانىڭ العاباسارلىعى مەن كىرشىكسىزدىگىن ساقتاۋدى، پارتيانىڭ حالىق بۇقاراسىمەن ەتەنە بايلانىسىن ساقتاۋدى كوزدە ۇستاپ، قاتاڭدىقتىڭ نەگىزگى اۋەننەن اۋىتقىماۋعا تاباندى بولىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءار جاقتاعى قۇرىلىسىن جاپپاي ىلگەرىلەتىپ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، پارتيانىڭ ءوزىن كىرشىكسىزدەندىرۋىن، ءوزىن كەمەلدەندىرۋىن، ءوزىن جاڭالاۋىن، ءوزىن جوعارىلاتۋىن ۇزدىكسىز جۇزەگە اسىرىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتىپ، پارتيانىڭ باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، ءتۇرلى داۋىلداردىڭ سىنىنان سۇرىنبەي وتەتىن، جالىندى دا ارىندى ماركستىك بيلىك باسىنداعى پارتيا بولۋىنا شىنايى كەپىلدىك ەتىپ، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالدى.
جالپى ءماجىلىس مىنالاردى باسا دارىپتەدى: پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدە بويسۇنۋعا ءتيىستى پرينسيپتەر: بورىش پەن مىندەتكە قىزمەت ەتۋگە تاباندى بولۋ، پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولۋ، جاپپاي قاتاڭ بولۋعا تاباندى بولۋ، ماسەلەنى باعدار ەتۋگە تاباندى بولۋ، دۇرىس جولدان تايماي جاڭالىق اشۋعا تاباندى بولۋ، جوعارى ارقىلى تومەنگە جەتەكشىلىك ەتۋگە تاباندى بولۋ، پارتيانى ەرەجە بويىنشا جونگە سالۋعا تاباندى بولۋ كەرەك.
جالپى ءماجىلىس پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ جونىندە جۇيەلى ورنالاستىرۋ جاساپ، كوممۋنيستەردىڭ پارتيالىلىعىن كۇشەيتىپ، دەموكراتيالىق ورتالىقتاندىرۋ ءتۇزىمىن قاتاڭ دايەكتىلەندىرىپ، اتقارىپ، ۇلتتىڭ گۇلدەنۋى سىندى اۋىر مىندەت ارقالاي الاتىن جوعارى ساپالى كادرلار قوسىنىن سومداپ، جوعارى مەن تومەن تۇتاسقان، پارمەندى اتقارىلاتىن قاتاڭ ۇيىمدىق جۇيە قۇرىپ، ستيلدى تىنباي دۇرىستاپ، ءتارتىپتى قاتايتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى تاباندىلىقپەن ءبىر تۇتاس ىلگەرىلەتىپ، پارتيانى ءتۇزىم ارقىلى جونگە سالۋعا، پارتيانى ەرەجە بويىنشا جونگە سالۋعا تاباندى بولىپ، پارتيا مەن مەملەكەتتىڭ باقىلاۋ جۇيەسىن كەمەلدەندىرىپ، پارتيانى باسقارۋ، پارتيانى جونگە سالۋ جاۋاپكەرشىلىگىن قاتايتۋ، ناقتىلاندىرۋ كەرەك.
جالپى ءماجىلىس مىنالاردى العا قويدى: پارتيالىلىقتى كۇشەيتۋ _ پارتيانى جاپپاي قاتاڭ جونگە سالۋداعى ءتۇبىرلى مىندەت. ءسوزسىز بارلىق پارتيا مۇشەلەرىنىڭ، كادرلاردىڭ پارتيانىڭ سيپاتى مەن تۇپكى ماقساتىنا تاباندى بولۋىن ىلگەرىلەتىپ، پارتيا تانىمىن، پارتيا مۇشەسى تانىمىن، ۇزدىك قوسىن تانىمىن كۇشەيتۋ، پارتيالىلىق جەتىلۋدى كۇشەيتۋدى ومىرلىك تاقىرىپ ەتۋ، مۇرات - سەنىمنەن جازباي، پارتياعا ادالدىقتى بەكەمدەۋ، حالىققا تەرەڭ سۇيىسپەنشىلىك ورناتۋ، شىندىقتى ءىس جۇزىنەن ىزدەۋگە تاباندى بولۋ، ءمورالدىق قاسيەتتى كىرشىكسىزدەندىرۋ، پاك، كىرشىكسىز بولۋ سياقتى جاقتارعا كۇش سالىپ، ادال، كىرشىكسىز، جاۋاپكەرشىلىكتى ورىنداپ، كوممۋنيستەردىڭ ساياسي قاسيەتىن باستان - اياق ساقتاۋ. پارتياعا ادال بولۋ تاربيەسىن كۇشەيتىپ، پارتيانىڭ جاڭالىق اشۋ نازارياسىمەن زەيىن - زەردەنى، رۋحتى سومداۋعا تاباندى بولىپ، پارتيانىڭ تاڭداۋلى ءداستۇرى مەن جۇڭحۋانىڭ تاڭداۋلى ءداستۇرلى مادەنيەتى ارقىلى پارتيالىلىقتى جەتىلدىرىپ، اماليات بارىسىندا پارتيالىلىقتى شىڭداپ، پارتيالىلىقتى پارىقتاۋدى كۇشەيتۋ كەرەك.
جالپى ءماجىلىس مىنالاردى العا قويدى: دەموكراتيالىق ورتالىقتاندىرۋ ءتۇزىمى _ پارتيانىڭ ءتۇبىرلى ۇيىمدىق پرينسيبى جانە باسشىلىق ءتۇزىمى، دەموكراتيالىق ورتالىقتاندىرۋ ءتۇزىمىن دايەكتىلەندىرۋ، اتقارۋ _ پارتيانى جاپپاي قاتاڭ جونگە سالۋدىڭ ىشكى تالابى. دەموكراتيالىق ورتالىقتاندىرۋ ءتۇزىمىنىڭ ءتۇرلى تۇزىمدەرىن ءسوزسىز كەمەلدەندىرىپ جانە تياناقتاندىرىپ، پارتيا ىشىندەگى دەموكراتيانى تولىق ساۋلەلەندىرىپ، دۇرىس ورتالىقتاندىرۋدى ءونىمدى اتقارىپ، دەموكراتيالىق ورتالىقتاندىرۋ ءتۇزىمىنىڭ ساياسي ابزالدىلىعىن، ۇيىمدىق ابزالدىلىعىن، ءتۇزىم ابزالدىلىعىن، قىزمەت ابزالدىلىعىن اناعۇرلىم ويداعىداي ساۋلەلەندىرۋ. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، پارتيا ىشىندەگى دەموكراتيانىڭ ساپاسىن جوعارىلاتىپ، باسشىلىق القانىڭ شەشىم جاساۋ، ءىس قاراۋ ەرەجەسىن قاتاڭ اتقارىپ، ”ءبىرىنشى باسشىنىڭ“ مىندەت اتقارۋىن، ۇقىق جۇرگىزۋىن ارناعا ءتۇسىرۋ كەرەك.
جالپى ءماجىلىس مىنالاردى العا قويدى: پارتيانى جاپپاي قاتاڭ جونگە سالۋدىڭ تەتىگى ءمانساپتىلاردى قاتاڭ جونگە سالۋدا. جاڭا داۋىردەگى پارتيانىڭ ۇيىمدىق لۋشيانىن، ءسوزسىز، دايەكتىلەندىرىپ، كادرلاردى تاربيەلەۋدى، باۋلۋدى، تاڭداپ ءوسىرۋدى، مىندەتكە قويۋدى، باسقارۋدى، باقىلاۋدى قاتايتىپ، ساياسيدا ىسىلعان، قابىلەتى جوعارى، ستيلى تاماشا، ءتارتىبى قاتاڭ جوعارى ساپالى كادرلار قوسىنىن قۇرۋ. ادام ىستەتۋدىڭ دۇرىس بەتالىسىنا تاباندى بولىپ، ادام تاڭداۋدىڭ، ادام ىستەتۋدىڭ دالمە - ءدال، عىلمي بولۋىن ىلگەرىلەتىپ، كادرلاردىڭ دۇرىس ساياسي ناتيجە كوزقاراسىن ورناتۋىن جانە امالياتتا ايگىلەۋىن ىلگەرىلەتىپ، كادرلاردىڭ ءىس تىندىرىپ، شارۋاشىلىق قۇرۋ قابىلەتىن كۇشەيتىپ، تاڭداۋلى جاس كادرلاردى باۋلۋ، تاڭداپ ءوسىرۋ ساپاسىن جوعارىلاتىپ، كادرلاردى باسقارۋدى، باقىلاۋدى كۇشەيتىپ، دارىندىلاردى جان - جاقتى باۋلۋ، ەنگىزۋ، ويداعىداي پايدالانۋ كەرەك.
جالپى ءماجىلىس مىنالاردى العا قويدى: پارتيانىڭ ءار دارەجەلى ۇيىمدارى _ پارتيانى جاپپاي قاتاڭ جونگە سالۋدىڭ نەگىزگى تۇلعاسى. ءسوزسىز، ءار دارەجەلى، ءار سالاداعى پارتيا ۇيىمى قۇرىلىسىن جۇيەلى ىلگەرىلەتىپ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتىپ، پارتيانىڭ لۋشيان، باعىت - ساياساتتارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا جوعارى مەن تومەننىڭ سايكەسۋىنە، دالمە - ءدال جوعارى ءونىمدى بولۋىنا كەپىلدىك ەتۋ كەرەك. ورتالىق پەن مەملەكەت ورگاندارىنداعى پارتيا ۇيىمدارىنىڭ ونەگەلىك رولىن ساۋلەلەندىرىپ، جەرگىلىكتى پارتكومداردىڭ فۋنكتسياسىن كۇشەيتىپ، ءار سالاداعى نەگىزگى ساتى پارتيا ۇيىمدارى قۇرىلىسىن ءبىر تۇتاس جوسپارلاپ ىلگەرىلەتىپ، جاڭادان گۇلدەنگەن سالالارداعى پارتيا قۇرىلىسىن كورنەكتى تۇردە ويداعىداي يگەرىپ، پارتيا مۇشەلەرى قوسىنى قۇرىلىسىن كۇشەيتىپ، پارتيانىڭ ءار دارەجەلى ۇيىمدارىنىڭ تۇتاسۋ مەحانيزمىن كەمەلدەندىرۋ كەرەك.
جالپى ءماجىلىس مىنالاردى العا قويدى: ستيلدى دۇرىستاپ، ءتارتىپتى قاتايتۋ _ پارتيانى جاپپاي قاتاڭ جونگە سالۋدىڭ پارمەندى شاراسى. ءسوزسىز، پارتيالىلىقتى، پارتيا ستيلىن، پارتيا ءتارتىبىن قاتار يگەرۋگە، ستيلدى دۇرىستاپ، ءتارتىپتى قاتايتۋدى ءوزارا ساباقتاستىرۋعا تاباندى بولىپ، ستيلدى يگەرۋدەن باستاپ كىرىسىپ، پارتيانى جاپپاي قاتاڭ جونگە سالۋدى ىلگەرىلەتۋ تاجىريبەلەرىن ىشكەرىلەي قولدانىپ، ستيلدى ۇزدىكسىز جاقسارتىپ، قاتاڭ ءتارتىپ ارقىلى پارتيانى باسقارىپ، پارتيانى جونگە سالىپ، تاماشا وبراز ارقىلى زەيىن - زەردەنى، كۇش - قۋاتتى شوعىرلاندىرۋ كەرەك. جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي تياناقتاندىرىپ، ستيل قۇرىلىسىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتىپ، ءتارتىپتى قاتاڭ اتقارۋدى كۇشەيتىپ، ءتارتىپتىڭ تاربيەلەۋ، تەجەۋ، قامتاماسىز ەتۋ، شابىتتاندىرۋ رولىن جان - جاقتى ساۋلەلەندىرۋ كەرەك.
جالپى ءماجىلىس مىنالاردى العا قويدى: شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇتاس ىلگەرىلەتۋ _ پارتيانى جاپپاي قاتاڭ جونگە سالۋدىڭ ماڭىزدى جالپى جوباسى جانە شىرىكتەسۋگە قارسى تۇرۋ كۇرەسىنىڭ نەگىزگى باعىتى. ءسوزسىز پارتيانىڭ جۇمىسشى تابى مەن ەڭ قالىڭ حالىق بۇقاراسىنىڭ مۇددەسىنەن باسقا وزىندىك ەرەكشە مۇددەسى بولمايتىندىعىن، پارتيا مەن شىرىكتەسۋگە قارسى تۇرۋدىڭ وت پەن سۋداي وتاسا المايتىنىن ەستە بەرىك ساقتاپ، شىرىكتەسۋگە قارسى تۇرۋدىڭ جۇڭگوشا جولىمەن باتىل ءجۇرىپ، پارتيا ورتالىق كوميتەتىنىڭ شىرىكتەسۋگە قارسى تۇرۋ قىزمەتىنە ورتالىقتانعان ءبىرتۇتاس باسشىلىعىن كۇشەيتىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، جۇيەلى جونگە سالۋعا اناعۇرلىم ءمان بەرىپ، قاتاڭ جازالاۋدان، دالمە - ءدال جونگە سالۋدان، ءونىمدى ساقتانۋدان، ءبىر تۇتاس يگەرۋدەن جازباي، شىرىكتەسۋگە قارسى تۇرۋ كۇرەسىن سوڭىنا دەيىن جۇرگىزۋ كەرەك. شىرىكتەسۋدى جازالاۋدىڭ تەگەۋرىندى كۇيىن ساقتاپ، ۇقىق جۇرگىزۋدە تەجەۋ مەن باقىلاۋدى كۇشەيتىپ، پاكتىكتى قاستەرلەپ، شىرىكتەسۋدەن باس تارتۋ يدەيالىق نەگىزىن بەكەمدەپ، شىرىكتەسۋگە باتىلدىق ەتكىزبەۋدىڭ، شىرىكتەسۋگە مۇمكىندىك بەرمەۋدىڭ، شىرىكتەسۋدى ويىنا الدىرماۋدىڭ جالپىلىق ونىمدىلىگىن كۇشەيتۋ كەرەك.
جالپى ءماجىلىس مىنالاردى العا قويدى: پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋ _ پارتيانى جاپپاي قاتاڭ جونگە سالۋدىڭ ۇزاق بولاشاقتىق شاراسى، ءتۇبىرلى شاراسى. ءسوزسىز، پارتيا ۋستاۆىن بۇكىل پارتيانىڭ ءتۇبىرلى ارەكەت ولشەمى ەتۋگە تاباندى بولىپ، پارتيا قۇرىلىسى ءتۇزىمى رەفورماسىن تەرەڭدەتىپ، مەملەكەتتى زاڭمەن جونگە سالۋ مەن پارتيانى ەرەجە بويىنشا جونگە سالۋدىڭ ورگانيكالى بىرلىگىن ىلگەرىلەتىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدى پارمەندى تۇزىمدىك كەپىلمەن قامداۋ كەرەك. پارتيا ىشىندەگى زاڭ - ەرەجە، ءتۇزىم جۇيەسىن كەمەلدەندىرىپ، ءتۇزىمدى اتقارۋ قۋاتىن كۇشەيتىپ، كومەسكى ەرەجەلەردى كۇش سالا الاستاۋ كەرەك.
جالپى ءماجىلىس مىنالاردى العا قويدى: پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدە، ءسوزسىز، پارتيا مەن مەملەكەتتىڭ باقىلاۋ جۇيەسىن ونان ارى كەمەلدەندىرۋ كەرەك. پارتكومنىڭ (پارتيا باسشىلىق گرۋپپاسى) جاپپاي باقىلاۋىن ناقتىلاندىرىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ قوس قابات باسشىلىق ءتۇزىلىسىن كەمەلدەندىرىپ، پارتيا ىشىندەگى باقىلاۋدىڭ ءار جاقتاعى باقىلاۋمەن تەرەڭ توعىسۋىن، جوعارى ونىمدىلىكپەن بىرلەسە قيمىلداۋىن ىلگەرىلەتىپ، شارلاۋدىڭ جالپىلىق باقىلاۋداعى وتكىر قانجارلىق رولىن ساۋلەلەندىرۋ كەرەك.
جالپى ءماجىلىس مىنالاردى باسا دارىپتەدى: پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ _ بۇكىل پارتيانىڭ ورتاق ساياسي جاۋاپكەرشىلىگى. ءسوزسىز، پارتيانى باسقارۋ، پارتيانى جونگە سالۋ جاۋاپكەرشىلىك ءتۇزىمىنىڭ ”بۇيداسىن“ مىقتى ۇستاپ، اركىم ءوز جاۋاپكەرشىلىگىن ارقالايتىن، ءبىر تۇتاس سايكەستىرەتىن جاۋاپكەرشىلىك جۇيەسىن اقاۋسىزداندىرىپ، جاۋاپكەرشىلىكتى تياناقتاندىرۋدى باعالاۋ مەحانيزمىن ساپالىلاندىرىپ، پارتيانى باسقارۋدا، پارتيانى جونگە سالۋدا دارمەنسىزدىك كورسەتكەندەردىڭ، اۋىر ماسەلە تۋدىرعانداردىڭ جاۋاپكەرشىلىگىن قاتاڭ قۋزاستىرۋ، جاۋاپقا تارتۋ كەرەك.
جالپى ءماجىلىس مىنالاردى اتاپ كورسەتتى: جالپى ءماجىلىستىڭ رۋحىن ىشكەرىلەي ۇيرەنۋ، دايەكتىلەندىرۋ _ قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ كەلەلى ساياسي مىندەتى. جالپى ءماجىلىستىڭ رۋحىن ىشكەرىلەي ۇيرەنىپ، ءتۇسىنىپ، ۇيىمدىق باسشىلىقتى كۇشەيتىپ، كورنەكتى ماسەلەلەردى شەشۋگە ۇزدىكسىز كۇش سالىپ، «قارارداعى» ءتۇرلى ورنالاستىرۋلاردىڭ ناقتى تياناقتانۋىن ىلگەرىلەتۋ كەرەك.
جالپى ءماجىلىس مىنالاردى باسا دارىپتەدى: جىل سوڭى مەن جىل باسىنداعى ءتۇرلى قىزمەتتەردى ويداعىداي ىستەۋ كەرەك. ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، ماكرولىق ساياساتتان ويداعىداي، تولىق پايدالانىپ، ىشكى سۇرانىستىڭ كومەسكى كۇشىن ىشكەرىلەي اشىپ، رەفورما جاساپ، ەسىك اشۋدى ونان ارى تەرەڭدەتىپ، ەكونوميكانىڭ ۇزدىكسىز جاڭا، ساپالى، جاقسى دامۋىن ىلگەرىلەتىپ، بيىلعى ەكونوميكالىق، قوعامدىق دامۋدىڭ باستى نىسانالىق مىندەتتەرىن ورىنداۋعا كەپىلدىك ەتىپ، ”15 - بەسجىلدىق“ جوبانىڭ تاماشا باستاماسىن جۇزەگە اسىرۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، جالپىعا ءتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتىپ، ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ، ازىق - تۇلىك، ءدارى - دارمەك حاۋىپسىزدىگى جانە قوعام ورنىقتىلىعى قىزمەتىن ويداعىداي ىستەۋ كەرەك. دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، كەزەك اۋىستىرۋمەن ۇشتاستىرىپ، جاڭادان مىندەتكە تاعايىندالعان باسشىلىق القا مۇشەلەرىنىڭ، اسىرەسە، ”ءبىرىنشى باسشىنىڭ“ ساياسي ناتيجە كوزقاراسىن باۋلۋدى ويداعىداي يگەرىپ، ولاردى سانالى تۇردە پارتيانى جالپى ءۇشىن قۇرۋعا، حالىقتى باقىتقا كەنەلتۋگە، عىلمي شەشىم جاساۋعا، شىنايى يگەرىپ، ناقتى ىستەۋگە تاباندى بولۋعا، حالىق ءۇشىن ساياسي ناتيجە شىعارۋعا، ناقتى ىستەۋ ارقىلى ساياسي ناتيجە شىعارۋعا باستاۋ كەرەك.
جالپى ءماجىلىس جۇڭگو كوممۋنيستىك پارتياسىنىڭ مەملەكەتتىك 21 - قۇرىلتايىن 2027 - جىلدىڭ سوڭعى جارتىسىندا بەيجيڭدە اشۋدى ۇيعاردى. جالپى ءماجىلىس بىلاي دەپ قارادى: پارتيانىڭ 21 - قۇرىلتايى پارتيامىزدىڭ سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ شەشۋشى كەزەڭىندە، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا جورىعىندا اشىلاتىن توتەنشە ماڭىزدى قۇرىلتاي، پارتيا مەن مەملەكەتتىڭ ساياسي ومىرىندەگى ءىرى ءىس. بۇكىل پارتيا بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇدىرىقتاي جۇمىلىپ، ءبىر جاعادان باس، ءبىر جەڭنەن قول شىعارىپ، سوتسياليستىك وسىزامانداندىرۋدى نەگىزىنەن جۇزەگە اسىرۋ جولىندا بىرگە كۇرەس جۇرگىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جاعدايىن ۇزدىكسىز اشىپ، ءىس جۇزىندىك ارەكەتتەرى ارقىلى پارتيانىڭ 21 - قۇرىلتايىنىڭ جەڭىسپەن اشىلۋىن قارسى الۋى كەرەك.
جالپى ماجىلىستە جاڭ شىڭمين ورتالىق كوميتەت ساياسي بيۋروسىنىڭ مۇشەلىگىنە تولىقتىرىلىپ سايلاندى.
جالپى ءماجىلىس پارتيا ۋستاۆىنداعى بەلگىلەمەلەرگە ساي، ورتالىق كوميتەتتىڭ كانديدات مۇشەلەرى لۋ دۇڭلياڭ، باۋ گاڭ، شيڭ شانپيڭ، چۇي يىڭپۋ، لۇي جۇن، جۋ تيانشۋ، جۋ گوشيان، ليۋ جۇن، ليۋ جيە، ليۋ چياڭداردى ورتالىق كوميتەتتىڭ مۇشەلىگىنە تولىقتاۋدى ۇيعاردى.
جالپى ءماجىلىس جۇڭگو كوممۋنيستىك پارتياسى ورتالىق ءتارتىپ تەكسەرۋ كوميتەتىنىڭ ما شيڭرۇي، لان تيانلي، ليۋ جيانچاۋ، ۋاڭ ليشيا، جين جۋاڭلۇڭ، لەي فانپەي، ي حۇيمان، ۋاڭ شياڭشي، سۇن ساۋچىڭ، لي يۇنزى، في دۇڭبين، ۋ شىڭحۋا، يۇي جيانفىڭ، يۋان جيە، جاڭ جۇڭياڭ، ۋىن گاڭ، جين دۇڭحان، فاڭ حۇڭۋەيلەردىڭ تارتىپكە، زاڭعا اۋىر قايشىلىق جاساۋ ماسەلەسى جونىندەگى تەكسەرۋ بايانداماسىن قارادى جانە ماقۇلدادى، جۇڭگو كوممۋنيستىك پارتياسى ورتالىق اسكەري ىستەر كوميتەتىنىڭ جاڭ يوۋشيا، ليۋ جىنلي، ۋاڭ رىنحۋا، ليۋ چيڭسۇڭ، حۋاڭ ميڭ، لي چياۋميڭ، لي ۋەي، جاڭ حۇڭبيڭ، ۋاڭ حايجياڭ، جاڭ لين، ۋاڭ پىڭ، ليۋ فاچيڭ، ياڭ چىڭ، جۇڭ شاۋجۇن، جاۋ شياۋجى، فاڭ يۇڭشياڭداردىڭ تارتىپكە، زاڭعا اۋىر قايشىلىق جاساۋ ماسەلەسىن تەكسەرۋ بايانداماسىن قارادى جانە ماقۇلدادى، ورتالىق كوميتەت ساياسي بيۋروسىنىڭ وسىدان بۇرىن ما شيڭرۇي، جاڭ يوۋشيا، ليۋ جىنلي، لان تيانلي، ليۋ جيانچاۋ، ۋاڭ ليشيا، جين جۋاڭلۇڭ، لەي فانپەي، ي حۇيمان، ۋاڭ شياڭشي، سۇن شاۋچىڭ، ۋاڭ رىنحۋا، ليۋ چيڭسۇڭ، حۋاڭ ميڭ، لي چياۋميڭ، لي ۋەي، جاڭ حۇڭبيڭ، ۋاڭ حايجياڭ، جاڭ لين، ۋاڭ پىڭ، ليۋ فاچيڭ، ياڭ چىڭ، جۇڭ شاۋجۇن، جاۋ شياۋجى، في دۇڭبين، ۋ شىڭحۋا، يۇي جيانفىڭ، يۋان جيە، جاڭ جۇڭياڭ، ۋىن گاڭ، جين دۇڭحان، فاڭ حۇڭۋەي، فاڭ يۇڭشياڭدارعا پارتيادان شىعارۋ جازاسىن بەرىپ، لي يۇنزىعا پارتيا ىشىندەگى مىندەتىنەن قالدىرۋ جازاسىن بەردى.
جالپى ءماجىلىس مىناعان ۇندەدى: بۇكىل پارتيا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مەملەكەتتى كوركەيتۋ جولىندا قۇلشىنىپ، قايراتتانا ۇمتىلىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى كوركەيتۋدىڭ، پارتيانى قۇدىرەتتەندىرۋدىڭ جاڭا جاعدايىن ۇزدىكسىز اشىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋ كەرەك.