جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەر اڭگىمە ءماجىلىسىن اشتى

شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى 8 - ايدىڭ 21 - كۇنى جۇڭنانحايدا پارتيا سىرتىنداعى قايراتكەرلەر اڭگىمە ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدەگى ءبىرقانشا كەلەلى ماسەلە تۋرالى قاۋلىسى جونىندە دەموكراتيالىق پارتيا - توپتار ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ، بىلاي دەپ باسا دارىپتەدى: مەملەكەتتى باسقارۋدا، ءسوز جوق، الدىمەن پارتيانى باسقارۋ، مەملەكەتتى قۇدىرەتتەندىرۋدە، ءسوز جوق، الدىمەن پارتيانى قۇدىرەتتەندىرۋ كەرەك. ۇزاق ۋاقىت بيلىك جۇرگىزگەن سايىن، تىنىش كۇندەر ۇزارعان سايىن، ورتا كۇردەلى بولعان سايىن تاۋقىمەت تانىمىن سولعۇرلىم كۇشەيتىپ، امانشىلىقتا جامانشىلىقتىڭ بولارىن ويلاپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جۇڭگو كوممۋنيستىك پارتياسىنىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ حۋنيڭ، ساي چي، لي شي اڭگىمە ماجىلىسىنە قاتىناستى.

اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، ”3 - قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەر ۋاكىلى لي ۋي ىلگەرىندى - كەيىندى ءسوز سويلەدى. ولار جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدەگى ءبىرقانشا كەلەلى ماسەلە تۋرالى قاۋلى نۇسقاسىن بۇكىلدەي قۇپتايتىندىقتارىن ءبىلدىرىپ، ءبىر اۋىزدان بىلاي دەپ قارادى: جۇڭگو كوممۋنيستىك پارتياسى 18 - قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، پارتيانى جاپپاي قاتاڭ باسقارۋدا ۇلى تابىستارعا قول جەتىپ، 100 جىلدىق ءىرى پارتيانىڭ وزىنە - ءوزى توڭكەرىس جاساۋىنىڭ تىڭ ءورىسىن اشىپ، پارتيا مەن مەملەكەت ىستەرىندە تاريحي تابىستارعا قول جەتۋىن، تاريحي وزگەرىستەر تۋىلۋىن ىلگەرىلەتىپ، پارتيا مەن حالىق پارتيانى قۇدىرەتتەندىرۋدىڭ، مەملەكەتتى قۇدىرەتتەندىرۋدىڭ تاريحي ىرىقتىلىعىنا قول جەتكىزدى. كوپشىلىك تاعى شي جينپيڭ پارتيا قۇرىلىسى يدەياسىن ىشكەرىلەي ۇيرەنۋ، دايەكتىلەندىرۋ، پارتيانىڭ جاسامپازدىق نازارياسىمەن قارۋلانۋدى كۇشەيتۋ، دۇرىس ناتيجە كوزقاراسىن ورناتۋ جانە امالياتتا ايگىلەۋ، ساياسي جەتەكشىلىكتى كۇشەيتۋ، حالىقتىڭ باقىلاۋى مەن پارتيانىڭ وزىنە - ءوزى توڭكەرىس جاساۋىنا ءبىر باعىتتا كۇش سالۋدى ىلگەرىلەتۋ، تەكسەرۋ، باعالاۋ جانە جاۋاپقا تارتۋ مەحانيزمىن ساپالىلاندىرۋ، كادرلاردىڭ عىلمي ساپاسىن جوعارىلاتۋعا ءمان بەرۋ، ۇقىق جۇرگىزۋدى تەجەۋ مەن باقىلاۋدى كۇشەيتۋ، جاڭا داۋىردەگى جۇڭگو كوممۋنيستىك پارتياسىنىڭ حيكاياسىن ويداعىداي بايانداۋ، پارتيانى جاپپاي قاتاڭ باسقارۋدىڭ ۇلى تابىستارىن كەڭ كولەمدە ۇگىتتەۋ سياقتىلار جونىندە ۇسىنىس - پىكىر بەردى.

كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ ماڭىزدى حۇجاتتارى مەن مەملەكەتتىڭ كەلەلى باعىت - ساياساتتارى جونىندە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنان جانە پارتيادا، توپتا جوق قايراتكەرلەردەن پىكىر الۋى جالپى بارىستىق حالىق دەموكراتياسىنىڭ، اسىرەسە، سوتسياليستىك كەڭەستىك دەموكراتيانىڭ ماڭىزدى بەينەسى. بيىل 2 - ايدا جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن ورتالىق كوميتەت بىرلىكساپ ءبولىمى پارتيا سىرتىنداعى قايراتكەرلەردەن جۇڭگو كوممۋنيستىك پارتياسى 20 - كەزەكتى ورتالىق كوميتەتى بەسىنشى جالپى ءماجىلىسىنىڭ كەڭەستىك تاقىرىبى جونىندە ارنايى پىكىر الدى. كوپشىلىك الگىندە سويلەگەن سوزدەرىندە وتە تاماشا ۇسىنىس - پىكىرلەردى ورتاعا قويدى، ءبىز مۇقيات زەرتتەپ، قابىلدايمىز. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە العىس ايتتى.

شي جينپيڭ بىلاي دەپ باسا دارىپتەدى: جۇڭگونىڭ ءىسىن ويداعىداي ىستەۋدىڭ تەتىگى جۇڭگو كوممۋنيستىك پارتياسىندا، تەتىگى پارتيانى جاپپاي قاتاڭ باسقارۋدا. جۇڭگو كوممۋنيستىك پارتياسىنىڭ 18 - قۇرىلتايىنان بەرى، ءبىز پارتيانى جاپپاي قاتاڭ باسقارۋدى بۇلجىماستان ىلگەرىلەتتىك، جۇڭگو كوممۋنيستىك پارتياسى توڭكەرىستىك شىڭدالۋ بارىسىندا اناعۇرلىم كۇشتى، پارمەندى بولدى. سونىمەن بىرگە مىنانى دا كورە ءبىلۋىمىز كەرەك: دۇنيەنىڭ جاعدايىندا، مەملەكەتتىڭ جاعدايىندا، پارتيانىڭ جاعدايىندا تەرەڭ وزگەرىستەر تۋىلۋىنا بايلانىستى، پارتيانى جاپپاي قاتاڭ باسقارۋ كوپتەگەن جاڭا جاعدايلارعا، جاڭا ماسەلەلەرگە ءدوپ كەلدى. پارتيانىڭ العاباسارلىعى مەن كىرشىكسىزدىگىن ساقتاۋ، پارتيانىڭ بيلىك جۇرگىزۋ ورنىن بەكەمدەۋ، پارتيانىڭ بورىشىن، مىندەتىن جۇزەگە اسىرۋ ستراتەگيالىق بيىگىندە تۇرىپ، سەنىمدى بەكەمدەپ، تاباندىلىقتى ساقتاپ، جۇڭگو كوممۋنيستىك پارتياسىن شىن مانىندە ويداعىداي باسقارۋ، كۇشەيتىپ قۇرۋ كەرەك.

شي جينپيڭ بىلاي دەپ اتاپ كورسەتتى: پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدە پارتيا ىشىندەگى كورنەكتى ماسەلەلەردى شەشۋگە ۇزدىكسىز كۇش سالۋ كەرەك. نىسانانى باعدار ەتۋ مەن ماسەلەنى باعدار ەتۋدى ۇشتاستىرۋعا تاباندى بولىپ، پارتيا جاعدايىنداعى جاڭا وزگەرىستەردى جانە پارتيا قۇرىلىسى ءدوپ كەلگەن جاڭا جاعدايدى ءدال يگەرىپ، جەتە تالداۋ جاساپ، جاڭا ءىس جۇزىندىك جاعدايمەن ۇشتاستىرىپ، ءونىمدى، جارامدى ءادىس - شارالاردى زەرتتەۋ كەرەك. پارتيا ىشىندە ورىن تەۋىپ وتىرعان ماسەلەلەردى شەشۋدە، اۋەلى، جۇڭگو كوممۋنيستىك پارتياسىىنىڭ ءوز كۇشىن تياناق ەتىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭالاۋىن، ءوز دەڭگەيىن جوعارىلاتۋىن ۇزدىكسىز جۇزەگە اسىرۋ؛ تاعى حالىقتىڭ قولداۋىنا سۇيەنىپ، حالىقتىڭ باقىلاۋىن ىرىقتىلىقپەن قابىلداپ، بۇقارانىڭ سىنىنا كىشى پەيىلدىكپەن قۇلاق اسىپ، حالىق بۇقاراسىنىڭ قورعاۋى مەن قولداۋىن پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدىڭ قۋاتتى قوزعاۋشى كۇشىنە اينالدىرۋ كەرەك.

شي جينپيڭ بىلاي دەپ باسا دارىپتەدى: جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىلگەرىلەتۋدە، ءسوز جوق، جۇيەلى ويلاۋعا تاباندى بولىپ، كورەگەندىكپەن وي جۇگىرتۋدى، جالپى جاعدايلىق جوسپارلاۋدى، جالپى تۇلعالىق ىلگەرىلەتۋدى كۇشەيتۋ كەرەك. جاڭا داۋىردەگى پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، قاتاڭ بولۋ نەگىزگى اۋەنىنەن اۋىتقىماۋعا تاباندى بولىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءار جاقتاعى قۇرىلىسىن جاپپاي ىلگەرىلەتۋ كەرەك. پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە تاباندى بولىپ، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ءوزارا ساباقتاستىرىپ، ادامدى باسقارۋدى، ءىستى باسقارۋدى، ۇقىقتى باسقارۋدى تىعىز ۇشتاستىرىپ، پارتيالىلىقتى شىڭداۋدى، قابىلەتتى جوعارىلاتۋدى، ەكولوگيانى تازارتۋدى بىرلىككە كەلتىرۋ كەرەك. جوعارى ارقىلى تومەنگە جەتەكشىلىك ەتۋگە تاباندى بولىپ، باسشى كادرلاردان باستاپ مىقتى يگەرىپ، قاتاڭ ۇستاپ، تاربيەلەۋدى، باسقارۋدى، باقىلاۋدى كۇشەيتىپ، پارتيا مۇشەلەرىن، كادرلاردى وڭاشا جۇرگەندە دە تەجەمدى بولىپ، باسىنان باستاپ ساق بولىپ، كىشكەنە ىستەردە دە ساق بولىپ، ءوزىن قادىرلەۋگە، ءوزىن تەجەۋگە، ءوزىن ساقتاندىرۋعا، ءوزىن جىگەرلەندىرۋگە جەتەكتەۋ كەرەك.

شي جينپيڭ بىلاي دەپ اتاپ كورسەتتى: جۇڭگونىڭ جاڭاشا ساياسي پارتيا تۇزىمىنە ويداعىداي تاباندى بولۋ، ويداعىداي دامىتۋ، ويداعىداي كەمەلدەندىرۋ كەرەك. دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ كوپ پارتيا سەلبەستىگىنىڭ اۋەلگى ماقساتىن ۇمىتپاي، جۇڭگو كوممۋنيستىك پارتياسىنىڭ باسشىلىعىن باتىل قولداپ، ورتاق يدەيالىق ساياسي نەگىزدى ۇزدىكسىز بەكەمدەپ، بەلسەنە ۇسىنىس بەرىپ، مەملەكەت ىستەرىن اقىلداسىپ، دەموكراتيالىق باقىلاۋ فۋنكتسياسىن ويداعىداي ساۋلەلەندىرىپ، جۇڭگو كوممۋنيستىك پارتياسىنىڭ جاقسى اقىلشىسى، جاقسى قولعاناتى، جاقسى قىزمەتتەسى بولۋىن ءۇمىت ەتەمىن.

يىن لي، شى تايفىڭ، لي گانجيە، لي شۋلەي، لي حۇڭجۇڭ، حى ليفىڭ، چىن ۋىنچيڭ، ليۋ جينگو، ۋاڭ شياۋحۇڭ، جاڭ شىڭمين، ۋ جىڭلۇڭ، مۋ حۇڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسىنە قاتىناستى.

اڭگىمە ماجىلىسىنە قاتىناسقان پارتيا سىرتىنداعى قايراتكەرلەردەن تاعى شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە جاڭ ىندي، ان ليجيا، ۋ چىن قاتارلىلار بار.