بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ شۆەتساريا فەدەراتسياسىنىڭ ءتوراعاسى پارمەلينمەن كەزدەستى

2026.11.02 16:47     كەلۋ قاينارى : شينجياڭ گازەتى

شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى (تىلشىلەر ۋىن شين، ۋ يۋە). 10 - ايدىڭ 30 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا قىزمەت بابىمەن جۇڭگوعا ساپارلاي كەلگەن شۆەتساريا فەدەراتسياسىنىڭ ءتوراعاسى پارمەلينمەن كەزدەستى.

شي جينپيڭ بىلاي دەپ اتاپ كورسەتتى: شۆەتساريا جۇڭگونىڭ ەۆروپاداعى ماڭىزدى سەرىگى، جۇڭگومەن سەلبەستىگى باستان - اياق ەۆروپا ەلدەرىنىڭ الدىڭعى لەگىندە كەلەدى. سىڭار جاقتىلىق، قورعامپازدىق تەرىس اعىنى جوڭكىلگەن قازىرگى جاعدايدا، ەركىن ساۋدا سەلبەستىگى جۇڭگو − شۆەتساريا قاتىناسىنىڭ ەڭ كورنەكتى تانىسقىسىنا اينالىپ، ەكى ەلدىڭ ەسىك اشۋعا، سەلبەستىك جاساۋعا تاباندى بولاتىن ساياسي باتىلدىعى مەن جاۋاپكەرشىلىك ارقالاۋىن تولىق ايگىلەپ، ەكى جاقتىڭ اشىق دۇنيە ءجۇزى ەكونوميكاسىن قۇرۋدى ىلگەرىلەتۋدەگى وزگەشە جەتەكشىلىك رولىن كورسەتتى. ءار ەلدىڭ ەكونوميكاسى توعىسسا، بىرگە العا باسادى، ءوز الدىنا تۇيىقتالسا، كەرى شەگىنەدى. جۇڭگو شۆەتساريامەن بىرگە ەسىك اشۋ تۋىن بيىك ۇستاپ، سەلبەستىك دانەكەرىن كۇشەيتىپ، جالپىعا ءتيىمدى، سيىسىمدى ەكونوميكانىڭ جاھاندانۋىن ىلگەرىلەتىپ، جۇڭگو − ەۆروپا ەكونوميكا - ساۋدا سەلبەستىگى مەن الەمدىك ەكونوميكانىڭ دامۋىنا بىرگە قىمباتتى سەنىم جانە اناعۇرلىم كوپ ايقىندىلىق ۇستەۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن شۆەتساريا ديپلوماتيالىق قاتىناس ورناتقاننان بەرى، ەكى جاق ءبىرىن - ءبىرى تابىسقا جەتەلەۋگە، باتىلدىقپەن الدا جۇرۋگە تاباندى بولىپ، ناقتى جەتىستىكتەر ارقىلى ”تەڭدىك، جاڭالىق اشۋ، تەڭ يگىلىككە كەنەلۋ“ سىندى جۇڭگو − شۆەتساريا سەلبەستىك رۋحىن ۇزدىكسىز ءتۇسىندىرىپ، ۇلكەن - كىشىلىگى تۇرلىشە، قوعامدىق ءتۇزىمى تۇرلىشە مەملەكەتتەر بارىس - كەلىسىنىڭ ۇلگىسىنە اينالدى. ەكى جاق ءوزارا قۇرمەت ەتىپ، تەڭ تۇرعىدا مامىلە جاساپ، ءار جىكتەگى اۋىس - كۇيىستى جانە ساياساتتاردى ۇشتاستىرۋدى جان - جاقتى كۇشەيتۋى كەرەك. جۇڭگو جاڭاشا وندىرگىش كۇشتەردى جەدەل دامىتىپ، تۇزىمدىك ەسىك اشۋدى ورنىقتى كەڭەيتۋدە، جۇڭگو بازارىن دۇنيە ءجۇزى بازارى، ورتاق يگىلىكتەنەتىن بازار ەتىپ تۇلعالاۋدى قالايدى. ەكى جاق ءوزارا پايدا جەتكىزىپ تەڭ يگىلىككە كەنەلۋگە تاباندى بولىپ، ەسىك اشۋ، سەلبەسۋ جوباسىن كوزبەن كورىپ، قولمەن ۇستاۋعا بولاتىن ناقتى كورىنىسكە اينالدىرۋى كەرەك. جاڭالىق اشۋ سەلبەستىگىن كۇشەيتىپ، سيفرلى ەكونوميكا، جاسىل ەنەرگيا ساقتاۋ، جاساندى زەردە سياقتى جاڭادان گۇلدەنگەن كاسىپ سالالارى سەلبەستىگىن كۇش سالا جەتىلدىرىپ، سايكەسىپ جاڭالىق اشاتىن، مۇددەدەن بىرگە يگىلىكتەنەتىن جوعارى ساپالى كاسىپ سالاسى تىزبەگىن، قامداۋ تىزبەگىن قۇرىپ، جاساندى زەردەنىڭ العا ۇمتىلۋىن، ىزگىلىككە ۇمتىلۋىن، ادامزاتتى باقىتقا كەنەلتۋىن بىرگە جەبەۋى كەرەك.

شي جينپيڭ بىلاي دەپ اتاپ كورسەتتى: شۆەتساريا ۇزاق ۋاقىتتان بەرى جۇڭگو مەن ەۆروپانىڭ ەكونوميكا - ساۋدا بارىس - كەلىسىندە ماڭىزدى ۇلگىلىك رول اتقاردى، شۆەتساريانىڭ وزىندىك ەرەكشە ىقپالىن ساۋلەلەندىرىپ، جۇڭگو − ەۆروپا ساۋداسىنىڭ العا قاراي تەپە - تەڭ، ورنىقتى دامۋىن ىلگەرىلەتۋدە بەلسەندى رول اتقارۋىن ءۇمىت ەتەمىن. جۇڭگو مەن شۆەتساريا ەكى ەلدىڭ كوپ جاقتىلىقتى قولداۋ تۇرعىسى قارايلاس، ۇستانىمى جاقىن. ەكى جاق كوپ جاقتى سايكەسۋ مەن ءوزارا قولداۋدى تەرەڭدەتىپ، بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، الەمدىك باسقارۋ جۇيەسىن رەفورمالاپ جانە ونى كەمەلدەندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك.

پارمەلين بىلاي دەدى: جاڭا جۇڭگونى ەڭ ەرتە مويىنداعان باتىس ەلدەرىنىڭ ءبىرى رەتىندە، شۆەتساريا مۇنى ماقتان ەتىپ كەلەدى، بۇل ەكى ەلدىڭ باياندى ءارى ومىرشەڭ كۇشكە تولى سەرىكتەستىك قاتىناسىن باستادى. ديپلوماتيالىق قاتىناس ورناتقاننان بەرى، ەكى جاق باستان - اياق ءوزارا قۇرمەت ەتىپ، جوعارى جىكتەگىلەردىڭ ءجيى بارىس - كەلىسىن ساقتاپ، ساۋدا، قارجى قوسۋ، عىلمي زەرتتەۋ، جاڭالىق اشۋ، ەڭبەك، جۇمىستاندىرۋ سياقتى كوپتەگەن سالالاردا مول سەلبەستىك جەتىستىكتەرىنە قول جەتكىزدى. بيىل − شۆەتساريا مەن جۇڭگونىڭ جاڭالىق اشۋ ستراتەگيالىق سەرىكتەستىك قاتىناس ورناتقاندىعىنىڭ 10 جىلدىعى، ەكى جاق ەركىن ساۋدا كەلىسىمىنىڭ دارەجەسىن ءوسىرۋ كەلىسسوزىن قىسقا ۋاقىت ىشىندە جوعارى ساپامەن ورىنداپ، ەكى جاقتىڭ ءبىر - بىرىنە ايرىقشا سەنەتىندىگىن ايگىلەدى، بۇل ەكى ەل كاسىپورىندارى مەن ءار جاقتىڭ تىلەگىنە ۇيلەسەدى، شۆەتساريا − جۇڭگو قاتىناسىنىڭ دامۋىنا تىڭ قوزعاۋشى كۇش قوسادى. شۆەتساريا ءبىر جۇڭگو ساياساتىن باتىل اتقارادى، جۇڭگومەن تىلدەسۋدى، اۋىس - كۇيىستى كۇشەيتىپ، ءوزارا پايدا جەتكىزەتىن سەلبەستىككە تاباندى بولىپ، ءار سالاداعى سەلبەستىكتە اناعۇرلىم زور دامۋعا قول جەتكىزۋدى ىلگەرىلەتۋدى ءۇمىت ەتەدى. شۆەتساريا جۇڭگونىڭ حالىقارالىق ىستەردە اتقارعان بەلسەندى رولىنا ايرىقشا ءمان بەرەدى، جۇڭگومەن تىعىز سايكەسىپ، كوپ جاقتىلىققا تاباندى بولىپ، ەركىن ساۋدانى قورعاپ، دۇنيە ءجۇزىنىڭ دامۋى، گۇلدەنۋى جانە بەيبىتشىلىگى مەن ورنىقتىلىعى ءۇشىن ۇلەس قوسۋدى قالايدى.

كەزدەسۋدەن كەيىن ەكى ەلدىڭ مەملەكەت باسشىلارى جۇڭگو − شۆەتساريا ەركىن ساۋدا كەلىسىمىنىڭ دارەجەسىن ءوسىرۋ كەلىسىمىنە جانە عىلمي زەرتتەۋ، ەڭبەك، جۇمىستاندىرۋ، مەديا سياقتى سالالارداعى كوپ ءتۇرلى سەلبەستىك حۇجاتتارىنا قول قويىلۋىنا بىرگە كۋا بولدى.

ۋاڭ ي جوعارىداعى قيمىلدارعا قاتىناستى.

جاۋاپتى رەداكتورى : مانەپ ەربول ۇلى