ەڭ كۇشتى ەرنينو ەلىمىزگە كورنەكتى ىقپال جاسايدى! مەجەمەن بيىل قىستا تەمپەراتۋرا جالپى جاقتان جوعارى بولادى

ءتىلشىنىڭ بۇگىن جۇڭگو اۋا رايى مەكەمەسىنىڭ اقپار جاريالاۋ ماجىلىسىنەن ۇعىسۋىنشا، 2026 – جىلى 9 – ايدا ەكۆاتورداعى ورتا شىعىس تىنىق مۇحيتىندا ءبىر رەتكى ەرەكشە كۇشتى ەرنينو وقيعاسى قالىپتاسقان، 10 - ايدا دامىپ باقىلاۋ – ولشەۋ ەستەلىگى بولعاننان بەرگى ەڭ كۇشتى ەرنينو وقيعاسىنا اينالعان، مەجەمەن كۇزدىڭ سوڭى مەن قىستىڭ باسىندا ەڭ جوعارى شەككە جەتىپ، ەلىمىزدىڭ بيىل قىس پەن كەلەر جىلى كوكتەمدەگى كليماتىنا كورنەكتى ىقپال جاسايدى.

مەجەمەن 2026 - جىلدان 2027 - جىلعا دەيىنگى قىس ماۋسىمىندا بۇكىل ەلدىڭ اۋا تەمپەراتۋراسى جالپى جاقتان ءبىرشاما جوعارى بولادى، ءبىراق سۋىق اعىستىڭ جيىلىگى ءسال كوپ، اۋا تەمپەراتۋراسىنىڭ سۋىق، جىلى بولۋ وزگەرىسى زور بولادى، سولتۇستىكتە تەمپەراتۋرا كۇرت تومەندەپ، قار جاۋادى، وڭتۇستىكتە كەزەڭدىك تومەن تەمپەراتۋرالى جاڭبىر، قار، مۇز قاتۋ قاتەرى كورنەكتى بولادى. ىشكى موڭعۇلدىڭ شىعىس سولتۇستىك بولەگىنىڭ، شىعىس سولتۇستىك جۇڭگونىڭ باتىس بولەگىنىڭ تەمپەراتۋراسى ءبىرشاما تومەن بولۋدان سىرت، بۇكىل ەلدەگى باسقا باسىم كوپ ساندى رايونداردىڭ تەمپەراتۋراسى جىل بويى ۇقساس مەزگىلدەگىدەن ءبىرشاما جوعارى بولادى، سونداي – اق قىستىڭ باسى سۋىق، ارتى جىلى بولۋ ەرەكشەلىگى جارىققا شىعادى، 12 – ايدا جانە 1 – ايدا كەزەڭدىك تەمپەراتۋرانىڭ تومەندەۋى مەن تەمپەراتۋرانىڭ جوعارىلاۋ جاعدايى ءجيى تۋىلادى. بۇكىل ەل بويىنشا جاۋىن - شاشىن جالپى جاقتان ءبىرشاما كوپ بولادى، سولتۇستىكتەگى باسىم كوپ ساندى رايونداردا قالىڭ قار جاۋۋ بارىسى كوپ بولسا، وڭتۇستىكتە جاۋىن - شاشىن مولشەرى ءبىرشاما كوپ بولادى، جۇيەدەن شىعىس جۇڭگونىڭ باتىس وڭتۇستىك بولەگى، ورتا جۇڭگونىڭ ورتا وڭتۇستىك بولەگى، وڭتۇستىك جۇڭگو رايونىنىڭ سولتۇستىك بولەگى، باتىس وڭتۇستىك رايوننىڭ شىعىس بولەگى قاتارلى جەرلەردە كەزەڭدىك تومەن تەمپەراتۋرا بولىپ، جاڭبىر، قار، مۇز قۇرساناتىن جاعداي بولادى.