بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ ومان سۇلتانى حايساممەن كەڭەس وتكىزدى

2026.11.03 16:18     كەلۋ قاينارى : حالىق تورابى

11 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ومان سۇلتانى حايساممەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

11 - ايدىڭ 22 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ومان سۇلتانى حايساممەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا حايسامدى قارسى الۋ سالتىن وتكىزۋدە.

سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن

«حالىق گازەتى»، 11 - ايدىڭ 2 - كۇنى، بەيجيڭ (ءتىلشى ياڭ چياۋچۋ). 11 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ومان سۇلتانى حايساممەن كەڭەس وتكىزدى.

شي جينپيڭ مىنالاردى اتاپ كورسەتتى: جۇڭگو - ومان دوستىعى ارىدان باستاۋ العان، تامىرى تەرەڭ، نەگىزى بەرىك، بولاشاعى نۇرلى. ەكى جاق باستان - اياق ءوزارا سەنىم ارتىپ، ءبىر - بىرىنە شىنايى مامىلە جاساپ، ءبىر - بىرىنە قۇرمەت ەتىپ، ادىلەت جولىندا بىرگە العا باستى، مىڭ جىلعا جالعاسقان جۇڭگو - ومان دوستىعى ۇزاق ۋاقىتتان بەرى بەكەمدەلىپ كەلەدى. تاياۋ جىلداردان بەرى ەكى ەلدىڭ ساياسي سەنىمدىلىگى كۇن سايىن بەكەمدەلىپ، ءوزارا ءتيىمدى سەلبەستىك جاعىندا سۇبەلى تابىستارعا قول جەتكىزىپ، ءداستۇرلى دوستىعى جۇرت جۇرەگىنە تەرەڭ ۇيالادى. جۇڭگو - ومان قاتىناسىن كەڭەيتۋ جانە تەرەڭدەتۋ _ ەكى جاقتىڭ ورتاق ستراتەگيالىق تالعامى، ءداۋىر اعىمى مەن تاريحي اۋقىمعا ۇيلەسەدى، ەكى ەل حالقىنىڭ ورتاق تىلەگىنە ۇيلەسەدى. جۇڭگو جاق ومان جاقپەن بىرگە جۇڭگو - ومان ستراتەگيالىق سەرىكتەستىك قاتىناسىن اناعۇرلىم جوعارى دەڭگەيگە كوتەرۋدى ىلگەرىلەتۋدى، ەكى ەل حالقىن اناعۇرلىم ويداعىداي باقىتقا كەنەلتۋدى، ءوڭىردىڭ بەيبىتشىلىگىنە، ورنىقتىلىعىنا، گۇلدەنۋىنە ۇلەس قوسۋدى قالايدى.

شي جينپيڭ مىنالاردى باسا دارىپتەدى: وسى رەتكى ساپار جۇڭگو مەن ومان ديپلوماتيالىق قاتىناس ورناتقان 48 جىلدان بەرى ومان مەملەكەت باسشىسىنىڭ جۇڭگوعا تۇڭعىش رەت ساپارلاي كەلۋى، وسى رەتكى كەڭەستىڭ جۇڭگو - ومان قاتىناسى تاريحىنداعى ماڭىزدى پاراققا اينالىپ، ەكى جاقتى قاتىناستىڭ دامۋىنا پارمەندى قوزعاۋشى كۇش ۇستەيتىنىنە سەنەمىن. جۇڭگو مەن ومان ساياسي سەنىمدىلىكتى كۇشەيتىپ، ەل باسقارۋ تاجىريبەلەرىن اۋىستىرۋدى كۇشەيتىپ، جۇڭگو - ومان قاتىناسىنىڭ ستراتەگيالىق نەگىزىن ونان ارى نۇرلاندىرۋى كەرەك. جۇڭگو جاق ومان جاقتىڭ مەملەكەت تاۋەلسىزدىگىن، يەلىك ۇقىعىن، حاۋىپسىزدىگىن جانە ورنىقتىلىعىن قورعاۋىن، ءوز مەملەكەت جاعدايىنا ۇيلەسەتىن دامۋ جولىن دەربەس قاراستىرۋىن قولدايدى، ومان جاقتىڭ ءوزارا قولداۋعا تاباندى بولۋىن قالايدى. ەكى جاق ناقتى سەلبەستىكتى كەڭەيتىپ، ەكى ەلدىڭ ءوزارا پايدا جەتكىزىپ، تەڭ يگىلىككە كەنەلۋ نەگىزىن ۇزدىكسىز بەكەمدەۋى كەرەك. جۇڭگو جوعارى ساپالى دامۋدى ىلگەرىلەتۋگە تاباندى بولىپ، جوعارى دەڭگەيدە سىرتقا ەسىك اشۋدى كەڭەيتىپ، وماندى قامتىعان دۇنيە جۇزىندەگى ەلدەرگە اناعۇرلىم زور وراي اكەلەدى. جۇڭگو جاق ومان جاقپەن دامۋ ستراتەگياسىن ۇشتاستىرۋدى تەرەڭدەتىپ، ورنىقتى، سەنىمدى ەنەرگيا سەلبەستىك سەرىگى، كومەسكى كۇشكە باي قارجى قوسۋ سەلبەستىك سەرىگى، سەلبەسىپ جاڭالىق اشاتىن جوعارى تەحنيكالىق سەلبەستىك سەرىگى بولىپ، ەكى ەلدىڭ ەنەرگيا سەلبەستىگىنىڭ اناعۇرلىم سترەولدى، جان - جاقتى بولۋىن ىلگەرىلەتىپ، كاسىپ سالاسى، قارجى قوسۋ، جاساندى زەردە، عىلىم - تەحنيكا، گۋمانيتارلىق اۋىس - كۇيىستى كۇشەيتىپ، وزدەرىنىڭ دامۋ، گۇلدەنۋ جانە وسىزامانداندىرۋدى جۇزەگە اسىرۋ جولىندا قول ۇستاسا العا باسۋدى قالايدى. ەكى جاق ءداستۇرلى دوستىقتى جالعاستىرىپ، حالىق تىلەگىنىڭ توعىسۋ دانەكەرىن بەكەمدەپ، وقۋ - اعارتۋ، ساياحات، دەنساۋلىق ساقتاۋ، اقپارات، دەنە تاربيە سياقتى جاقتارداعى سەلبەستىكتى جيىلەتىپ، جۇڭگو مەن وماننىڭ ستراتەگيالىق سەرىكتەستىك قاتىناسىنىڭ مازمۇنىن ۇزدىكسىز بايىتۋى، كەڭەيتۋى كەرەك.

شي جينپيڭ مىنالاردى اتاپ كورسەتتى: قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، دۇنيە جۇزىلىك ماسەلەلەر تولاسسىز جارىققا شىعۋدا. ورتا شىعىس، شىعاناق رايونى ءىرى ەلدەردىڭ سايىسى مەن وڭىرلىك قاقتىعىستىڭ الاڭىنا اينالماۋى كەرەك. ءوڭىردىڭ بەيبىتشىلىگى مەن ورنىقتىلىعى ءار جاقتىڭ بىرگە قورعاۋىن قاجەت ەتەدى. جۇڭگو جاق باستان - اياق سوعىستى توقتاتىپ، تاتۋلىقتى جەبەۋگە بەلسەنە كۇش سالىپ كەلەدى، وڭىرلىك حاۋىپسىزدىك قيىنشىلىعىن شەشۋگە اقىل - پاراساتى مەن جوباسىن ارناۋدى ءۇمىت ەتەدى. ءبىز تالاس - تارتىستى ساياسي ديپلوماتيالىق جولمەن شەشۋدى ۇزدىكسىز دارىپتەپ، وڭىردەگى ەلدەردىڭ تاتۋ كورشىلىك، دامىعان، حاۋىپسىز، سەلبەسەتىن ورتاق مەكەندى قۇرۋىن قولدايمىز. جۇڭگو جاق ومان جاقتى قامتىعان اراب ەلدەرىمەن، شىعاناق سەلبەستىك ۇيىمى ەلدەرىمەن تىلدەسۋدى، سايكەسۋدى كۇشەيتىپ، ءوڭىردىڭ بەيبىتشىلىگىن، تىنىشتىعىن ەرتەرەك قالپىنا كەلتىرۋ، باياندى تىنىشتىقتى جۇزەگە اسىرۋ جولىندا بىرگە قۇلشىنۋدى قالايدى.

حايسام مىنالاردى ءبىلدىردى: ۇلى دوس جۇڭگوعا ساپارلاي كەلگەنىمە وتە قۋانىشتىمىن. ءتوراعا شي جينپيڭنىڭ پارمەندى باسشىلىعىندا، جۇڭگو دۇنيە جۇزىندەگى ساياسي، ەكونوميكالىق ءىرى ەلگە اينالىپ، دۇنيە ءجۇزىنىڭ گۇلدەنۋى مەن ورنىقتىلىعىنا ماڭىزدى ۇلەس قوستى. ومان مەن جۇڭگو ءداستۇرلى دوس ەل، ەجەلدەن ءوزارا قۇرمەت ەتىپ، ءوزارا سەنىم ارتىپ كەلەدى. ومان ءبىر جۇڭگو پرينسيبىن باتىل اتقارادى، جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن قولدايدى. وسى رەتكى ساپاردى تىڭ باستاما ەتىپ، اناعۇرلىم كوپ سەلبەستىك ورايىن اشىپ، بولاشاققا بەت العان سەرىكتەستىك قاتىناس ورناتىپ، ەكى ەل قاتىناسىنىڭ اناعۇرلىم زور دامۋىن ىلگەرىلەتۋدى ءۇمىت ەتەمىن. جۇڭگو كوپ جىلدان بەرى وماننىڭ ءبىرىنشى ۇلكەن ساۋدا سەرىگى بولىپ كەلەدى، جۇڭگو كاسىپورىندارىنىڭ ومانعا قوسقان قارجىسى ۇزدىكسىز ارتىپ، ەكى ەلدىڭ ەكونوميكالىق قاتىناسى اناعۇرلىم جان - جاقتى، كوپ نەگىزدى بولدى. ومان جاق جۇڭگو جاقپەن دامۋ ستراتەگياسىن ۇشتاستىرۋدى، ساۋدا، قارجى قوسۋ، ونەركاسىپ، نەگىزدىك قۇرىلعى قۇرىلىسى، جاساندى زەردە، عىلىم - تەحنيكا سياقتى سالالارداعى سەلبەستىكتى كۇشەيتۋدى قالايدى. گۋمانيتارلىق اۋىس - كۇيىستى كۇشەيتىپ، ەكى ەل حالقىنىڭ ءوزارا ءتۇسىنىسۋىن، ەتەنە بولۋىن جەبەيدى. جۇڭگو دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدا كەم بولسا بولمايتىن باسشىلىق رول اتقارۋدا. ومان جاق جۇڭگو جاقتىڭ ورتا شىعىس ماسەلەسىندەگى ءادىل تۇرعىسىن ايرىقشا القايدى، جۇڭگو جاقپەن تىعىز سايكەسىپ، حالىقارالىق زاڭدى قورعاپ، الاۋىزدىقتاردى بەيبىت تاسىلمەن شەشۋگە تاباندى بولىپ، ءوڭىردىڭ جانە دۇنيە ءجۇزىنىڭ حاۋىپسىزدىگى مەن ورنىقتىلىعىن بىرگە جەبەۋدى قالايدى.

كەڭەستەن كەيىن ەكى ەلدىڭ مەملەكەت باسشىلارى ءوندىرۋ، قامداۋ تىزبەگى، جاسىل دامۋ، سيفرلى فينانس سياقتى سالالارداعى كوپتەگەن سەلبەستىك حۇجاتتارىنا قول قويۋعا بىرگە كۋا بولدى.

ساپار كەزىندە ەكى جاق «جۇڭحۋا حالىق رەسپۋبليكاسى مەن ومان سۇلتاندىعىنىڭ جۇڭگو مەن وماننىڭ ستراتەگيالىق سەرىكتەستىك قاتىناسىن تەرەڭدەتۋ جونىندەگى بىرلەسكەن مالىمدەمەسىن» جاريالادى.

كەڭەستەن بۇرىن شي جينپيڭ حالىق سارايىنىڭ سولتۇستىك زالىندا حايسامدى قارسى الۋ سالتىن وتكىزدى.

حايسام كەلگەندە قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن وماننىڭ مەملەكەت اندەرىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. حايسام شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى تۇستە شي جينپيڭ حالىق سارايىنىڭ التىن ءتۇستى زالىندا حايسامعا ارناپ قارسى الۋ قوناعاسىن وتكىزدى.

ۋاڭ ي جوعارىداعى قيمىلدارعا قاتىناستى.

جاۋاپتى رەداكتورى : مانەپ ەربول ۇلى