بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ حۋاڭحى وزەنىن قورعاۋ، تىزگىندەۋ قىزمەتىن اناعۇرلىم جاقسى ىستەۋ جونىندە ماڭىزدى نۇسقاۋ بەرىپ بىلاي دەپ باسا دارىپتەدى:

 جاپپاي قورعاۋ، جاپپاي سايكەستىرۋ جاعدايىن ۇزدىكسىز كەمەلدەندىرىپ، وسى انا وزەننىڭ بارعان سايىن كورىكتەنۋىنە مۇمكىندىك جاساۋعا قۇلشىنۋ كەرەك

2026.11.03 16:19     كەلۋ قاينارى : حالىق تورابى

شينحۋا اگەنتتىگى، 11 - ايدىڭ 2 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا حۋاڭحى وزەنىن قورعاۋ، تىزگىندەۋ قىزمەتىن اناعۇرلىم جاقسى ىستەۋ جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: پارتيا حالىققا باسشىلىق ەتىپ حۋاڭحى وزەنىن 80 جىل تىزگىندەپ، تاريحتاعى ”ءۇش جىلدا ەكى رەت ارنا بۇزىلاتىن“ جاعدايدى تۇبىرىنەن وزگەرتىپ، تىنىشتىق پەن جاراسىمدىلىقتىڭ مۇعجيزاسىن جاراتتى، سوتسياليستىك ءتۇزىمنىڭ كورنەكتى ابزالدىعىن تولىق ايگىلەدى.

شي جينپيڭ مىنالاردى باسا دارىپتەدى: جاڭا جورىقتا جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قورعاۋعا، تىزگىندەۋگە ءمان بەرۋ سىندى ستراتەگيالىق تالاپتى مىقتاپ يگەرىپ، سۋدى ۇنەمدەۋدى الدىمەن ويلاستىرۋ، كەڭىستىك تەپە - تەڭدىگىن ساقتاۋ، جۇيەلى تىزگىندەۋ، ەكى جاقتان كۇش سالۋ سىندى سۋدى تىزگىندەۋ وي جەلىسىنە تاباندى بولىپ، جاپپاي قورعاۋ، جاپپاي سايكەستىرۋ جاعدايىن ۇزدىكسىز كەمەلدەندىرىپ، حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى تىڭعىلىقتى ىلگەرىلەتىپ، مەملەكەتتىڭ ەكولوگيالىق حاۋىپسىزدىك قالتقىسىن مىقتاپ ورناتىپ، حۋاڭحى وزەنىنىڭ باياندى تىنىشتىعىنا كەپىلدىك ەتىپ، حۋاڭحى مادەنيەتىن جالعاستىرىپ جانە ساۋلەلەندىرىپ، وسى انا وزەننىڭ بارعان سايىن كورىكتەنىپ، جۇڭحۋا ۇلتىنا، ۇرپاقتارعا ماڭگى باقىت جاراتۋىنا قۇلشىنۋ كەرەك.

حۋاڭحى وزەنىن قورعاۋ، تىزگىندەۋ قىزمەتىن جاپپاي ىلگەرىلەتۋ ءماجىلىسى 11 - ايدىڭ 2 - كۇنى حىناننىڭ جىڭجوۋ قالاسىندا اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋى اسا كۇشتى ساياسي، يدەيالىق، جەتەكشىلىك مانگە يە، جاڭا جورىقتا حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋىن ۇزدىكسىز ىلگەرىلەتۋگە ماڭىزدى تياناق ازىرلەدى، ونى، ءسوز جوق، ىشكەرىلەي ۇيرەنىپ، ءتۇسىنىپ، باتىل دايەكتىلەندىرۋ، تياناقتاندىرۋ كەرەك. جاۋاپكەرشىلىك سەزىم مەن بورىشتىلىق سەزىمدى شىنايى كۇشەيتىپ، پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا ساي، جاپپاي قورعاۋدى بىرگە ويداعىداي يگەرىپ، جاپپاي تىزگىندەۋدى سايكەستى ىلگەرىلەتىپ، حۋاڭحى وزەنىنىڭ باياندى تىنىشتىعىن كۇش سالا قامتاماسىز ەتىپ، سۋ بايلىعىن ۇنەمدى، شوعىرلى پايدالانۋدى كۇشەيتىپ، سۋ تورابى ينجەنەرياسىن ءبىر تۇتاس جوسپارلاۋ، ۇلەستىرۋ ورەسىن جوعارىلاتىپ، سۋ ەكولوگيالىق ورتاسىن قورعاۋدى كۇشەيتىپ، حۋاڭحى مادەنيەتىن جالعاستىرىپ، ساۋلەلەندىرىپ، حۋاڭحى وزەنىن قورعاۋ، تىزگىندەۋ قىزمەتىنىڭ جاڭا جاعدايىن ۇزدىكسىز اشۋ كەرەك.

ماجىلىستە پارتيانىڭ حالىققا باسشىلىق ەتىپ، حۋاڭحى وزەنىن تىزگىندەۋىنە 80 جىل تولۋىنا قاتىستى جاعدايلار حابارلاندىرىلدى. چيڭحاي ولكەسىندەگى، گانسۋ ولكەسىندەگى، حىنان ولكەسىندەگى، شاندۇڭ ولكەسىندەگى، مەملەكەتتىك دامۋ جانە رەفورما كوميتەتىندەگى، سۋ ىستەرى مينيسترلىگىندەگى جاۋاپتى جولداستار ماجىلىستە لەبىز ءبىلدىردى.

ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى ولكە، اۆتونوميالى رايونداردىڭ جاۋاپتى جولداستارى ماجىلىسكە قاتىناستى.

جاۋاپتى رەداكتورى : مانەپ ەربول ۇلى