بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ پەرۋدىڭ زۇڭتۇڭى كەيكو فۋجيموريمەن جۇڭگو مەن پەرۋ ديپلوماتيالىق قاتىناس ورناتقاندىعىنىڭ 55 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

2026.11.03 16:20     كەلۋ قاينارى : حالىق تورابى

شينحۋا اگەنتتىگى، 11 - ايدىڭ 2 - كۇنى، بەيجيڭ. 11 - ايدىڭ 2 - كۇنى مەملەكەت ءتوراعاسى شي جينپيڭ پەرۋدىڭ زۇڭتۇڭى كەيكو فۋجيموريمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 55 جىلدىعىن قۇتتىقتادى.

شي جينپيڭ مىنالاردى اتاپ كورسەتتى: جۇڭگو مەن پەرۋ _ جالپى بەتتىك ستراتەگيالىق سەرىكتەر. ديپلوماتيالىق قاتىناس ورناتقان 55 جىلدان بەرى جۇڭگو - پەرۋ قاتىناسى حالىقارالىق اۋمالى - توكپەلى وزگەرىستەردى باستان كەشىرىپ، تاماشا دامۋ جاعدايىن ساقتادى. ەكى جاقتىڭ ساياسي سەنىمدىلىگى كۇن سايىن بەكەمدەلىپ، ءار سالاداعى ناقتى سەلبەستىگىندە سۇبەلى تابىستارعا قول جەتىپ، ەكى ەل حالقىنىڭ دوستىعى جۇرت جۇرەگىنە تەرەڭ ۇيالادى. جۇڭگو جاق پەرۋ جاقتىڭ ۇزاق ۋاقىتتان بەرى ءبىر جۇڭگو پرينسيبىنە تاباندى بولعاندىعىن القايدى. ەكى ەلدىڭ ەركىن ساۋدا كەلىسىمىنىڭ دارەجەسىن جوعارىلاتۋ كەلىسىمى 11 - ايدىڭ 1 - كۇنى رەسمي كۇشكە يە بولدى، مۇنىڭ جۇڭگو مەن پەرۋدىڭ ەكونوميكا - ساۋدا سەلبەستىگىنىڭ ساپاسىن، دارەجەسىن جوعارىلاتۋدى پارمەندى ىلگەرىلەتىپ، ەكى جاقتى قاتىناستىڭ دامۋىنا تىڭ قوزعاۋشى كۇش قوساتىندىعىنا سەنەمىن. مەن جۇڭگو - پەرۋ قاتىناسىنىڭ دامۋىنا ايرىقشا ءمان بەرەمىن، كەيكو فۋجيموري زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقاندىعىنىڭ 55 جىلدىعىن جاڭا باستاما ەتىپ، جۇڭگو - پەرۋ قاتىناسىنىڭ تاعى دا تىڭ ساتىعا كوتەرىلۋىنە جەتەكشىلىك ەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

كەيكو فۋجيموري مىنالاردى ءبىلدىردى: ەكى ەل دوستىقتىڭ، ءوزارا قۇرمەت ەتۋدىڭ جانە سەلبەسۋدىڭ بەرىك دانەكەرىن بىرگە سومدادى. ەكى جاقتى قاتىناس ەكى ەل حالقىنىڭ ءداستۇرلى دوستىعىنان ۇزدىكسىز ءنار الىپ، جالپى بەتتىك ستراتەگيالىق سەرىكتەستىك قاتىناس جۇلگەسىندە ۇزدىكسىز تەرەڭدەدى. پەرۋ جاق ءبىر جۇڭگو پرينسيبىنە تاباندى بولۋدى قايتالاي دارىپتەيدى ءارى جۇڭگو جاقپەن ساياسي پىكىرلەسۋ مەن سەلبەستىكتى ۇزدىكسىز كۇشەيتۋدى قالايدى.

جاۋاپتى رەداكتورى : مانەپ ەربول ۇلى