پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ اتتانىسقا كەلتىرۋ ءماجىلىسى بەيجيڭدە اشىلدى

«حالىق گازەتى»، 11 - ايدىڭ 2 - كۇنى، بەيجيڭ (ءتىلشى جاڭ ياڭ). پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ اتتانىسقا كەلتىرۋ ءماجىلىسى 11 - ايدىڭ 2 - كۇنى بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى. ول مىنالاردى باسا دارىپتەدى: پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ _ قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ كەلەلى ساياسي مىندەتى. پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ كەلەلى ءمانىن جەتە تانىپ، ۇگىت لەكسيا قىزمەتىن وسكەلەڭ جاۋاپتى پوزيتسيامەن ويداعىداي ىستەپ، قالىڭ پارتيا مۇشەلەرىن، كادرلاردى يدەيا مەن ارەكەتتى جالپى ءماجىلىستىڭ رۋحىمەن بىرلىككە كەلتىرۋگە باستاپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ءتورت تانىمدى“ كۇشەيتىپ، ”تورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ جونىندەگى ورنالاستىرۋلاردى ءىس جۇزىندىك ارەكەتىمىزبەن تياناقتاندىرىپ، پارتيانى باسقارۋ، پارتيانى جونگە سالۋ قىزمەتتەرىن اناعۇرلىم جوعارى ولشەممەن، اناعۇرلىم ناقتى شارامەن ويداعىداي ىستەۋىمىز كەرەك.

ساي چي مىنالاردى اتاپ كورسەتتى: پارتيا 20 - كەزەكتى ورتالىق كوميتەتىنىڭ بەسىنشى جالپى ءماجىلىسى سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ شەشۋشى مەزگىلىندە اشىلعان توتەنشە ماڭىزدى ءماجىلىس، جالپى ءماجىلىس ماقۇلداعان «قاۋلى» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ پارتيا قۇرىلىسى يدەياسىن ىشكەرىلەي دايەكتىلەندىرىپ، جاڭا داۋىردە پارتيانى جاپپاي قاتاڭ جونگە سالۋدىڭ ۇلى جەتىستىكتەرىن جۇيەلى قورىتىندىلاپ، پارتيامىزدىڭ پارتيانى قاتاڭ باسقارۋ، پارتيانى جونگە سالۋ تاريحي تاجىريبەلەرى مەن جاڭا داۋىردە پارتيانى جاپپاي قاتاڭ جونگە سالۋدىڭ قۇندى تاجىريبەلەرىن قورىتىندىلاپ جانە ودان پايدالانىپ، پارتيا قۇرىلىسى ءدوپ كەلگەن جاڭا جاعدايعا، جاڭا مىندەتكە، جاڭا سىن - سايىستارعا ىشكەرىلەي تالداۋ جاساپ، جاڭا داۋىردەگى جاڭا جورىقتاعى پارتيانىڭ بورىشى مەن مىندەتىن جۇزەگە اسىرۋدى كوزدە ۇستاپ، كەزەكتەگى جانە بۇدان بىلايعى ءبىر مەزگىلدەگى پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ جونىندە ستراتەگيالىق ورنالاستىرۋ جاساعان، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىلگەرىلەتەتىن پروگراممالىق حۇجات. شي جينپيڭ پارتيا قۇرىلىسى يدەياسى مەن باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، «قاراردى» نەگىز ەتىپ، پارتيا 18 - قۇرىلتايىنان بەرگى پارتيانى جاپپاي قاتاڭ جونگە سالۋدا قول جەتكەن ۇلى جەتىستىكتەردى جان - جاقتى، دۇرىس ۇگىتتەپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدىڭ ماڭىزدىلىعىن، كوكەي تەستىلىگىن جان - جاقتى، دۇرىس ۇگىتتەپ، پارتيانى جاپپاي، دۇرىس جونگە سالۋدى تاباندىلىقپەن ىلگەرىلەتۋدىڭ جەتەكشى يدەياسى مەن پرينسيبىن جان - جاقتى، ءدال ۇگىتتەپ، پارتيانى جاپپاي قاتاڭ جونگە سالۋدىڭ ستراتەگيالىق مىندەتتەرى مەن كەلەلى شارالارىن جاپپاي، دۇرىس ۇگىتتەپ، جالپى ءماجىلىس رۋحىن دايەكتىلەندىرۋدىڭ، تياناقتاندىرۋدىڭ نەگىزگى تالاپتارىن جاپپاي، دۇرىس ۇگىتتەپ، بۇكىل پارتيانى، بۇكىل قوعامدى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات تياناقتاندىرۋعا باستاپ، پارتيانىڭ 21 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.

ساي چي مىنالاردى باسا دارىپتەدى: ۇگىت لەكسيا قىزمەتىنىڭ تالابىن مۇقيات تياناقتاندىرىپ، نەگىزگى اۋەن مەن بەتالىستى ويداعىداي يگەرىپ، ءىس جۇزىندىكپەن تىعىز ۇشتاستىرىپ، ءجىتى قاداعالاپ وتىرعان ماسەلەلەرگە ءونىمدى جاۋاپ قايتارىپ، جالپى ءماجىلىستىڭ رۋحىن ايقىن، ءدال، ناقتى، ەگجەي - تەگجەيلى ءتۇسىندىرۋ كەرەك. ءار دارەجەلى پارتكومدار مەن ۇگىت تاراۋلارى ايرىقشا ءمان بەرىپ، جان - جاقتى جوسپارلاپ، ءار دارەجەلى ۇگىت لەكسيانى دەن قويا ۇيىمداستىرىپ، جالپى ءماجىلىستىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن جەدەل كوتەرۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى لي شۋلەي ءماجىلىستى باسقاردى. مەملەكەتتىك كەڭەستىڭ مۇشەسى چىن ي - چين ماجىلىسكە قاتىناستى.

ورتالىقتىڭ ۇگىت، يدەيا، مادەنيەت قىزمەتىنە باسشىلىق ەتۋ گرۋپپاسىنىڭ مۇشەلەرى، ورتالىق ۇگىت لەكسيا ۇيىرمەسىنىڭ مۇشەلەرى، ورتالىقتىڭ ۇگىت، مادەنيەت ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.