«جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدەگى ءبىرقانشا كەلەلى ماسەلە تۋرالى قاۋلىسى» جونىندەگى تۇسىنىك

جولداستار:

ورتالىق كوميتەت ساياسي بيۋروسىنىڭ تاپسىرۋىمەن، مەن «جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدەگى ءبىرقانشا كەلەلى ماسەلە تۋرالى قاۋلىسىن» (تومەندە قىسقارتىلىپ «قاۋلى» دەلىنەدى) دايىنداۋ احۋالى جونىندە جالپى ماجىلىسكە تۇسىنىك جاسايمىن.

1. جالپى ءماجىلىستىڭ كەڭەس تاقىرىبىن بەلگىلەۋ تۋرالى وي

پارتيا قۇرىلىسى پارتيانىڭ بولاشاعى مەن تاعدىرىنا، پارتيا مەن مەملەكەت ىستەرىنىڭ گۇلدەنۋى مەن قۇلدىراۋىنا، ءساتتى بولۋ - بولماۋىنا سايادى. بيىل − پارتيامىز قۇرىلعاندىعىنىڭ 105 جىلدىعى. ورتالىق كوميتەت ساياسي بيۋروسى پارتيا 20 - كەزەكتى ورتالىق كوميتەتىنىڭ بەسىنشى جالپى ماجىلىسىندە پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدەگى ماسەلەلەردى ءتۇيىندى تۇردە زەرتتەۋدى ۇيعاردى. بۇل − پارتيا ورتالىق كوميتەتىنىڭ پارتيا مەن مەملەكەت ىستەرى دامۋىنىڭ تاريحي ورنىن يگەرىپ، جۇڭگو ۇلگىسىندەگى وسىزامانداندىرۋ جالپى جاعدايىن كوزدە ۇستاپ، اۋقىمدى باعامداپ، جان - جاقتى ويلاستىرىپ شىعارعان كەلەلى شەشىمى.

ءبىرىنشى، بۇل − پارتيانىڭ العاباسارلىعى مەن كىرشىكسىزدىگىن ساقتاۋدىڭ، پارتيانىڭ ۇزاق ۋاقىت بيلىك جۇرگىزۋ ورنىن بەكەمدەۋدىڭ قاجەتتى تالابى. تىنىشتىق، بىلىقپالىق، كوركەيۋ، قۇلدىراۋداي تاريح پەريودىنان قالاي اتتاپ ءوتۋ − پارتيامىز ۇزاق ۋاقىت بيلىك جۇرگىزۋدە، ءسوز جوق، ويداعىداي جاۋاپ بەرۋگە ءتيىستى ءتۇبىرلى ماسەلە. وسى جونىندە كەزىندە ماۋ زىدۇڭ جولداس يان - انداعى جەر تولەدە ”ۇكىمەتتى حالىق باقىلاۋ“ دەگەن ءبىرىنشى جاۋابىن بەرگەن بولاتىن، پارتيا 18 - قۇرىلتايىنان بەرى، ءبىز پارتيانى جاپپاي قاتاڭ باسقارۋ امالياتى بارىسىندا ”وزىنە - ءوزى توڭكەرىس جاساۋ“ دەگەن ەكىنشى جاۋابىن تاپتىق. پارتيانىڭ وزىنە - ءوزى توڭكەرىس جاساۋىنىڭ قاتاڭ شەگى بولادى، ياعني پىشاقتىڭ ءدۇزىن ىشكە قاراتۋ، پارتيانى جاپپاي قاتاڭ باسقارۋ، پارتيانىڭ العاباسارلىعى مەن كىرشىكسىزدىگىن ساقتاۋ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوزىن - ءوزى جوعارىلاتۋىن جۇزەگە اسىرۋ. 100 نەشە جىلدان بەرى، پارتيامىز حالىققا باسشىلىق ەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قاجىماي - تالماي كۇرەس جۇرگىزگەن تاريحي ۇدەرىستە پارتيانى باسقارۋعا، پارتيانى جونگە سالۋعا باستان - اياق ايرىقشا ءمان بەرىپ، اقيقاتتان جازباۋعا، قاتەلىكتەردى تۇزەتۋگە باتىل بولىپ، ءوز ماسەلەسىن ءوز كۇشىنە جانە حالىقتىڭ قولداۋىنا سۇيەنىپ شەشۋ بارىسىندا ۇزدىكسىز كۇشەيدى، 100 جىلدىق ۇلى پارتيا ومىرشەڭدىك كۇشكە تولى بولدى، كەمەل شاعىنا كەلدى.

سونىمەن بىرگە پارتيانى جاپپاي قاتاڭ باسقارۋ ۇزاق ۋاقىتتىق ستراتەگيالىق مىندەت ەكەندىگىن سەرگەكتىكپەن كورە ءبىلۋ كەرەك. وسى جىلدارى پارتيا قوسىنىندا قۇرىلىمدىق وزگەرىستەر تۋىلىپ، رەفورما جۇرگىزىپ، ەسىك اشقاننان كەيىن تۋىلعان پارتيا مۇشەلەرىنىڭ، كادرلاردىڭ سالىستىرماسى بارعان سايىن زورايدى، تاربيەلەۋگە، باسقارۋعا تىڭ تالاپتار قويدى. پارتيا قوسىنىنىڭ نەگىزگى اعىمى جاقسى، ءبىراق پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە زالال جەتكىزەتىن، پارتيانىڭ ۇزاق ۋاقىت بيلىك جۇرگىزۋىنە ىقپال جاسايتىن ماسەلەلەر مەن كومەسكى حاۋىپتەر ءالى دە از ەمەس، وتە - موتە، يدەيا كىرشىكسىز بولماۋ، ۇيىم كىرشىكسىز بولماۋ، ستيل كىرشىكسىز بولماۋ ماسەلەسى ءالى تۇبەگەيلى شەشىلگەن جوق، كەيبىر جاڭا ماسەلەلەر تاعى دا ۇزبەي تۋىلۋدا. بۇل ماسەلەلەر مەن سىن - سايىستار الدىندا، تەك پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتىپ، پارتيانىڭ اقاۋسىز تۇلعاسىنا زالال جەتكىزەتىن ۆيرۋس اتاۋلىنى ۇزدىكسىز تازالاعاندا عانا پارتيانىڭ سيپاتىن ماڭگى وزگەرتپەۋگە، ءتۇسىن ماڭگى وزگەرتپەۋگە، قاسيەتىن ماڭگى وزگەرتپەۋگە، قىزىل بيلىكتى ۇرپاقتان - ۇرپاققا جالعاستىرۋعا شىنايى كەپىلدىك ەتۋگە بولادى.

ەكىنشى، بۇل − بۇكىل پارتيا ايرىقشا ىنتىماقتى بولعان، بىرلىككە كەلگەن، پارتيانىڭ تىلەگى، ارميانىڭ تىلەگى، حالىقتىڭ تىلەگى ايرىقشا ۇيىسقان تاماشا ساياسي جاعدايدى بەكەمدەۋدىڭ جانە دامىتۋدىڭ قاجەتتى تالابى. پارتيا 18 - قۇرىلتايىنان كەيىن، پارتيا ورتالىق كوميتەتى ءبىر مەزەت بەلەڭ بەرگەن پارتيا باسشىلىعى السىرەۋ، قۇر فورماعا اينالۋ، سولعىنداۋ، پارتيانى باسقارۋدا، پارتيانى جونگە سالۋدا قاتاڭ بولماۋ، شىنايى بولماۋ، پارمەندى بولماۋ، پارتيا ىشىندە كەيبىر ماسەلەلەر جان تۇرشىگەرلىك بولۋ سىندى قاتاڭ رەالدىققا بەتپە - بەت كەلىپ، مىزعىماس تاباندىلىقپەن پارتيانى جاپپاي قاتاڭ باسقارىپ، كورنەكتى ماسەلەلەردى ۇزدىكسىز شەشىپ، پارتيانى باسقارۋداعى، پارتيانى جونگە سالۋداعى كەڭ بولۋ، بوس بولۋ، ءالسىز بولۋ جاعدايىن تۇبىرىنەن وڭادى، ۇزاق ۋاقىت تەجەلمەي كەلگەن كەيبىر بۇرىس ستيلدەردى تەجەدى، كوپ جىلدان بەرى ايىقپاي كەلگەن كەيبىر ەسكىلىكتى دەرتتەردەن ايىقتىردى، پارتيانىڭ، مەملەكەتتىڭ، ارميانىڭ ىشكى جاعىندا ساقتالعان اۋىر كومەسكى حاۋىپتى جويدى، پارتيا توڭكەرىستىك شىڭدالۋ بارىسىندا اناعۇرلىم باتىل دا پارمەندى بولدى. پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى كورنەكتى كۇشەيىپ، ماركسيزمدى جۇڭگوشالاندىرۋ، زامانالاندىرۋ تىڭ سەكىرىستى جۇزەگە اسىرىپ، جاڭا داۋىردە پارتيانىڭ ۇيىمدىق لۋشيانىن دايەكتىلەندىرۋ پارمەندى بولىپ، ورتالىقتىڭ سەگىز تارماقتى بەلگىلەمەسى تەمىردەي ءتارتىپ ايبارىن ايگىلەپ، پارتيانىڭ ءتارتىپ قۇرىلىسى تىڭعىلىقتى ىلگەرىلەپ، شىرىكتەسۋگە قارسى تۇرۋ كۇرەسى بۇرىن بولماعان تەبىنمەن جۇرگىزىلىپ، ونىمدىلىگى كورنەكتى بولدى، پارتيا ىشىندەگى زاڭدىق ەرەجە مەن ءتۇزىم جۇيەسى اناعۇرلىم كەمەلدەنىپ، پارتيانىڭ ءار دارەجەلى ۇيىمدارىنىڭ پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرۋى ارەكەتتە ايگىلەنىپ ونىمدىلىگىن كورسەتتى. جاڭا داۋىردە پارتيانى جاپپاي قاتاڭ باسقارۋدا مول تاجىريبە توپتالىپ، 100 جىلدىق ءىرى پارتيانىڭ وزىنە - ءوزى توڭكەرىس جاساۋىندا تىڭ ءورىس اشىلدى، پارتيانىڭ ىنتىماعى مەن بىرلىگى اناعۇرلىم بەكەمدەلىپ، پارتيانىڭ تىلەگى، ارميانىڭ تىلەگى، حالىقتىڭ تىلەگى ايرىقشا ۇيىستى.

مۇنداي تاماشا ساياسي جاعداي وڭاي - وسپاق قولعا كەلگەن جوق، بۇكىل پارتيا، ءسوز جوق، ونى بارىنشا قاستەرلەپ، ونان ارى ۇزدىكسىز بەكەمدەۋ جانە دامىتۋ كەرەك. بۇل بىزدەن جاڭا داۋىردە پارتيانى جاپپاي قاتاڭ باسقارۋدىڭ قۇندى تاجىريبەلەرىنە تاباندى بولۋىمىزدى جانە ودان ويداعىداي پايدالانۋىمىزدى، پارتيانى جاپپاي قاتاڭ باسقارۋدى اناعۇرلىم جوعارى ولشەممەن، اناعۇرلىم ناقتى شارامەن تاباندىلىقپەن باياندى ىلگەرىلەتۋىمىزدى، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدى ۇندەۋ قابىلەتىن ۇزدىكسىز كۇشەيتۋىمىزدى، پارتيانىڭ حالىقتىڭ شىن جۇرەكتەن قولداۋىنا ماڭگىلىك يە بولۋىنا، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋىمىزدى تالاپ ەتەدى.

ءۇشىنشى، بۇل − پارتيانىڭ تاريحي بورىشىن جۇزەگە اسىرۋدىڭ، پارتيا مەن مەملەكەت ىستەرىنىڭ ورنىقتى، باياندى بولۋىنا قوزعاۋشىلىق ەتۋدىڭ قاجەتتى تالابى. جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋ ۇلى ءىسىن جاپپاي ىلگەرىلەتۋ − بۇرىنعىلار ىستەپ كورمەگەن جاسامپازدىق ءىس. پارتيا 18 - قۇرىلتايىنان بەرى بۇكىل پارتيانىڭ، بۇكىل ەلدەگى ءار ۇلت حالقىنىڭ قاجىرلى كۇرەسى ارقىلى پارتيا مەن مەملەكەت ىستەرىندە تاريحي تابىستارعا قول جەتىپ، تاريحي وزگەرىستەر تۋىلدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا كەلمەيتىن تاريحي ۇدەرىسكە قادام تاستادى. سونىمەن بىرگە دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولماعان تاسىلمەن ورىستەپ، العا باسۋ جولىندا كوپتەگەن حاۋىپ - قاتەر مەن سىن - سايىسقا ءدوپ كەلدى. حالىقارادان الىپ قاراعاندا، دۇنيە جۇزىندە 100 جىلدا بولماعان زور وزگەرىس جەدەل قۇبىلدى، جاڭا كەزەكتى عىلىم - تەحنيكا توڭكەرىسى مەن شارۋاشىلىق وزگەرىسىندە تىڭ سەرپىلىستەر جەدەل جارىققا شىقتى، حالىقارالىق كۇشتەر سالىستىرماسى ىشكەرىلەي رەتتەلدى، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى، سىرتقى ورتادا تۇراقسىز، مەجەلەۋ قيىن فاكتورلار كوبەيدى. ەل ىشىنەن الىپ قاراعاندا، رەفورما جۇرگىزۋدى، ەسىك اشۋدى باستان وتكەرگەن 40 نەشە جىلدا ەلىمىزدىڭ ەكونوميكالىق تۇرمىسىندا، قوعامدىق تۇرمىسىندا وراسان زور وزگەرىستەر تۋىلدى، دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى، رەفورمانى اناعۇرلىم جاپپاي تەرەڭدەتۋ، جوعارى ساپالى دامۋعا قوزعاۋشىلىق ەتۋ، قوعامدىق قۇرىلىس پەن باسقارۋدى كۇشەيتۋ، دامۋ مەن حاۋىپسىزدىكتى ءبىر تۇتاس ەسكەرۋ، قوعامدىق ومىرشەڭدىكتى تاسقىنداتۋ جانە كۇشەيتۋ سياقتى جاقتاردا كوپتەگەن تىڭ تاقىرىپقا تاپ بولدى.

جۇڭگونىڭ ءىسىن ويداعىداي ىستەۋدىڭ تەتىگى پارتيادا، تەتىگى پارتيانى جاپپاي قاتاڭ باسقارۋدا. قىم - قۋىت دا كۇردەلى حالىقارا جانە ەل ءىشى جاعدايى مەن جاپالى دا اۋىر رەفورما، دامۋ، ورنىقتىلىق مىندەتى الدىندا جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىنا قوزعاۋشىلىق ەتۋدە، ءسوز جوق، پارتيا قۇرۋ ۇلى رۋحىن بار كۇشپەن اسقاقتاتىپ، ”ءۇش ءسوز جوقتى“ باستان - اياق ەستە بەرىك ساقتاپ، پارتيانىڭ ەرەكشە قاسيەتىن تىنباي ساۋلەلەندىرىپ، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتىپ، پارتيامىزدى اناعۇرلىم ويداعىداي گۇلدەندىرىپ، اناعۇرلىم كۇشەيتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋعا، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى قامتاماسىزدىق ازىرلەۋىمىز كەرەك.

2. «قاۋلى» نۇسقاسىن دايىنداۋ بارىسى تۋرالى

بيىل 1 - ايدا پارتيا ورتالىق كوميتەتى پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ حۇجات دايىنداۋ گرۋپپاسىن قۇردى، مەن گرۋپپا باستىعى بولدىم، ۋاڭ حۋنيڭ، ساي چي، لي شي جولداستار ورىنباسار گرۋپپا باستىعى بولدى، پارتيا مەن مەملەكەتتىڭ قاتىستى باسشى جولداستارى جانە ورتالىقتىڭ قاتىستى تاراۋلارى مەن جەرگىلىكتى ورىندارداعى جاۋاپتى جولداستار قاتىناسىپ، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا قىزمەت ورىستەتتىك. 2 - ايدىڭ 6 - كۇنى حۇجات دايىنداۋ گرۋپپاسى ءبىرىنشى رەتكى جالپى جيىندى اشىپ، حۇجات دايىنداۋ قىزمەتىن رەسمي باستادىق.

حۇجات دايىنداۋ بارىسىندا، مىناداي بىرنەشە ءتۇيىندى ايرىقشا باسا يگەردىك.

ءبىرىنشى، جاڭا ءداۋىر پارتيا قۇرىلىسى يدەياسىن جاپپاي دايەكتىلەندىرۋ. جاڭا ءداۋىر پارتيا قۇرىلىسى يدەياسى − جاڭا ءداۋىر جۇڭگوشا سوتسياليزم يدەياسىنىڭ پارتيا قۇرىلىسى تاراۋى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى. «قاۋلى» نۇسقاسىن دايىنداۋدا جاڭا ءداۋىر پارتيا قۇرىلىسى يدەياسىن جەتەكشى ەتۋگە تاباندى بولىپ، حۇجات جۇلگەسىن ورنالاستىرۋدا، تابىستار مەن تاجىريبەلەردى قورىتىندىلاۋدا، جاعداي مەن مىندەتكە تالداۋ جاساۋدا، جەتەكشى يدەيا مەن پرينسيپتى ايقىنداۋدا، ساياسات - شارانى ورتاعا قويۋدا وسى يدەيانىڭ تالاپتارىن جاپپاي تياناقتاندىرىپ، ماركسيزمدىك بيلىك باسىنداعى پارتيا قۇرىلىسى زاڭدىلىعىنا بويسۇنىپ، جاڭا داۋىردە پارتيانى جاپپاي قاتاڭ باسقارۋدىڭ قۇندى تاجىريبەلەرىنەن تولىق پايدالانىپ، پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ تۋراشىلدىقتان اينىماۋ بارىسىندا جاڭالىق اشۋىنا، جالعاستىرۋ بارىسىندا دامۋىنا كۇش سالا قوزعاۋشىلىق ەتتىك.

ەكىنشى، بورىش پەن مىندەتكە قىزمەت وتەۋ. پارتيا مەن مەملەكەت ىستەرىنىڭ دامۋىنا بويسۇنۋ جانە وعان قىزمەت وتەۋ پارتيا قۇرىلىسىنىڭ ەجەلدەن بەرگى ماڭىزدى پرينسيبى. «قاۋلى» نۇسقاسىن دايىنداۋدا اۋەلگى ماقساتتى ۇمىتپاي، بورىشتى ەستە بەرىك ساقتاۋعا تاباندى بولىپ، جاڭا داۋىردەگى جاڭا جورىقتا پارتيانىڭ بورىشى مەن مىندەتىن جۇزەگە اسىرۋدى كوزدە ۇستاپ، پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى كۇشەيتۋ مەن مەملەكەتتى قۇدىرەتتەندىرۋ قۇرىلىسىنىڭ، ۇلتتىڭ گۇلدەنۋىنىڭ ىشكى بايلانىسىن يگەرۋگە باسا ءمان بەرىپ، ءتۇرلى ساياسات - شارانى جوبالاۋدىڭ، ورتاعا قويۋدىڭ بارلىعىندا پارتيا مەن مەملەكەت ىستەرىنىڭ دامۋ قاجەتىن تىعىز ارقاۋ ەتىپ، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدىڭ ءارقايسى جاقتارىنداعى ورنالاستىرۋلاردىڭ بارلىعىندا وزەكتى ارقاۋ ەتۋگە، كەلەلى جاعدايعا قىزمەت وتەۋگە شىنايى كەپىلدىك ەتتىك.

ءۇشىنشى، قاتاڭ بولۋ نەگىزگى ارناسىنا تاباندى بولۋ. پارتيانى جاپپاي قاتاڭ باسقارۋدىڭ تەتىگى قاتاڭ بولۋدا، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدە، ءسوز جوق، باستان - اياق دايەكتىلەندىرۋ، سوڭىنا دەيىن قاتاڭ بولۋ كەرەك. «قاۋلى» نۇسقاسىن دايىنداۋدا پارتيا قۇرىلىسىنىڭ ءتۇرلى قىزمەت ولشەمى قاتاڭ بولۋ، ءار دارەجەلى پارتيا ۇيىمىن جانە پارتيا مۇشەلەرىن، كادرلاردى تاربيەلەۋ، باسقارۋ، باقىلاۋ قاتاڭ بولۋ، ناشار ستيل مەن شىرىكتەسۋ جايتتەرىن وڭاۋ شارالارى قاتاڭ بولۋ، پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرۋ قاتاڭ بولۋ تالاپتارىن مىقتى يگەرىپ، پارتيانى جاپپاي قاتاڭ باسقارۋدىڭ ءتۇرلى ساياسات - شارالارىن اناعۇرلىم تەرەڭدەتىپ جانە كەمەلدەندىرىپ، بارعان سايىن ءتىپتى دە قاتاڭ بولۋدىڭ كۇشتى سيگنالىن ايقىن تاراتتىق. سونىمەن بىرگە قاتاڭ باسقارۋ مەن قامقورلىق جاساۋدى ۇشتاستىرۋعا، ىنتالاندىرۋ مەن تەجەۋگە بىردەي ءمان بەرۋگە تاباندى بولىپ، ءارى قاتاڭدىقتى كوزدەگەن جەرگە جەتكىزۋدى، تەجەۋدى كوزدەگەن جەرگە جەتكىزۋدى، ءارى بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن تاسقىنداتۋدى ورىندادىق.

ءتورتىنشى، ماسەلەنى باعدار ەتۋدى كورنەكتىلەندىرۋ. پارتيانى جاپپاي قاتاڭ باسقارۋ پارتيا ىشىندەگى كورنەكتى ماسەلەلەر نەگىزىندە ورىستەتىلدى، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدە، ءسوز جوق، قول جەتكەن تابىستاردى بەكەمدەۋ نەگىزىندە جاڭا جاعدايدى ۇزدىكسىز زەرتتەۋ، جاڭا ماسەلەلەردى ۇزدىكسىز شەشۋ كەرەك. «قاۋلى» نۇسقاسى شەشۋشى، ماڭىزدى تۇيىندەردى ۇستاپ، نازاردى كورنەكتى ماسەلەلەرگە شوعىرلاندىرىپ، قۇنتتاپ جوبالانىپ ورنالاستىرىلدى. وي جەلى مەن شارالاردى قاراستىرعاندا قانداي ماسەلە بولسا سول ماسەلەنى شەشۋگە، قانداي ماسەلە كورنەكتى بولسا، سول ماسەلەنى ءتۇيىندى تۇردە شەشۋگە تاباندى بولىپ، ماسەلەنىڭ تۇيىنشەگىن ءداپ باسىپ تاۋىپ، تەرەڭدەي زەرتتەپ، دالەلدەپ، باعىتتامالى شارالاردى العا قويدىق.

بەسىنشى، جۇيە كوزقاراسىن كۇشەيتۋ. پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋ − جۇيەلى ينجەنەريا، ءسوز جوق، پارتيانىڭ ساياسي قۇرىلىسى، يدەيالىق قۇرىلىسى، ۇيىمدىق قۇرىلىسى، ستيل قۇرىلىسى، ءتارتىپ قۇرىلىسى مەن ءتۇزىم قۇرىلىسى، شىرىكتەسۋگە قارسى تۇرۋ كۇرەسى سياقتىلاردى ورگانيكالى تۇتاس تۇلعا رەتىندە جوسپارلاپ جانە ىلگەرىلەتىپ، پارتيانى جاپپاي قاتاڭ باسقارۋ جۇيەسىن كۇش سالا اقاۋسىزداندىرۋ كەرەك. «قاۋلى» نۇسقاسىن دايىنداۋدا جاڭا داۋىردە پارتيا قۇرىلىسىنىڭ جالپى تالابىن جاپپاي تياناقتاندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، پارتيانىڭ ءتۇرلى جاقتاعى قۇرىلىسىنا سايكەسە كۇش سالۋعا، ءتۇرلى ساياسات - شارانى ۇشتاستىرۋعا، سايكەستىرۋگە باسا ءمان بەرىپ، جوعارى ارقىلى تومەنگە ۇلگى بولۋعا، ءتۇيىن مەن كولەمدى ۇشتاستىرۋعا، ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋگە، جوعارى مەن تومەن ساباقتاسقان، تارماقتار مەن بولىكتەر ۇشتاسقان، تەڭ يگەرىپ، بىرگە باسقاراتىن قىزمەت جاعدايىن قالىپتاستىرۋعا باسا ءمان بەرىپ، پارتيانى باسقارۋدىڭ، پارتيانى جونگە سالۋدىڭ تۇتاس تۇلعالىق ونىمدىلىگىن شىنايى كۇشەيتتىك.

حۇجاتتى دايىنداۋدا پارتيا ورتالىق كوميتەتى دەموكراتيانى تولىق ساۋلەلەندىرىپ، ىشكەرىلەي تەكسەرۋ - زەرتتەۋ جۇرگىزىپ، كەڭ كولەمدە پىكىر الدى. 1 - ايدىڭ 31 - كۇنى پارتيا ورتالىق كوميتەتى ۇقتىرۋ شىعارىپ، پارتيا 20 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ كەڭەس تاقىرىبى جونىندە ءارقايسى وڭىردەن، ءارقايسى تاراۋدان پىكىر الدى. سونىمەن بىرگە 16 ورىنعا 23 ءتۇيىندى تاقىرىپ بويىنشا زەرتتەۋ جۇرگىزۋدى مىندەتتەدى. 5 - ايدىڭ 6 - كۇنى مەن شاڭحايدا اڭگىمە ءماجىلىسىن باسقارىپ اشىپ، ءىشىنارا ولكەنىڭ، اۆتونوميالى رايوننىڭ، توتە قاراستى قالانىڭ نەگىزگى جاۋاپتى جولداستارىنىڭ پىكىرىن تىڭدادىم. 8 - ايدىڭ 3 - كۇنى «قاۋلى» نۇسقاسى پارتيا ىشىندە بەلگىلى كولەمدە پىكىر الۋعا تاراتىپ بەرىلدى، جۇيەدەن پارتيا ىشىندەگى ءىشىنارا ساقا جولداستاردان پىكىر الۋدان سىرت، ءارقايسى دەموكراتيالىق پارتيا - توپتار ورتالىق كوميتەتىنىڭ، مەملەكەتتىك ونەركاسىپشىلەر مەن ساۋداگەرلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرىن دە ارناۋلى تىڭدادىق.

ءارقايسى جاق ءبىر اۋىزدان بىلاي دەپ قارادى: پارتيا ورتالىق كوميتەتىنىڭ پارتيا 20 - كەزەكتى ورتالىق كوميتەتى بەسىنشى جالپى ماجىلىسىندە پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋ ماسەلەسىن ءتۇيىندى تۇردە زەرتتەۋدى ۇيعارۋى پارتيامىزدىڭ وزىندىك قۇرىلىستى كۇشەيتۋ جونىندەگى وسكەلەڭ سەرگەكتىگى مەن بەرىك ەرىك - جىگەرىن تولىق ايگىلەدى. «قاۋلى» نۇسقاسىندا پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋ جونىندە جاسالعان ستراتەگيالىق ورنالاستىرۋ جاڭا داۋىردە پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدىڭ تۇعىرنامالىق حۇجاتىنا اينالاتىندىعى داۋسىز، جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ جاڭا جاعدايىن ونان ارى اشۋدا، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋ ۇلى ءىسىن جاپپاي ىلگەرىلەتۋدە كەلەلى رەالدىق ءمان جانە ۇزاق ۋاقىتتىق جەتەكشىلىك ءمان الادى. سونىمەن بىرگە ءارقايسى جاق ءبىرسىپىرا جاقسى پىكىر - ۇسىنىستار العا قويدى، حۇجات دايىنداۋ گرۋپپاسى تارماقتار بويىنشا زەرتتەپ، قابىلداۋعا بولاتىندارىن مۇمكىندىگىنشە قابىلدادى.

«قاۋلى» نۇسقاسىن دايىنداۋ كەزىندە، ورتالىق كوميتەت ساياسي بيۋروسىنىڭ تۇراقتى كوميتەتى 3 رەت ءماجىلىس اشىپ، ورتالىق كوميتەت ساياسي بيۋروسى 2 رەت ءماجىلىس اشىپ قاراپ، وزگەرىس ەنگىزىپ، وسى رەتكى جالپى ءماجىلىستىڭ قاراۋىنا ۇسىنىلاتىن «قاۋلى» نۇسقاسىن دايىندادى.

3. «قاۋلى» نۇسقاسىنىڭ نەگىزگى جۇلگەسى مەن باستى مازمۇندارى تۋرالى

«قاۋلى» نۇسقا العى ءسوز بەن سوڭعى سوزدەن سىرت، ءۇش ۇلكەن بولىككە ءبولىندى.

ءبىرىنشى بولىك 1 - ءبولىم ەتىلىپ جالپى شولۋ بولدى. وندا پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدىڭ ماڭىزدىلىعى، كوكەي تەستىلىگى جانە جالپى تۇلعالىق تالابى باياندالىپ، جالپى 5 جاقتاعى مازمۇننان قۇرالدى. بىرىنشىدەن، پارتيامىزدىڭ 100 نەشە جىلدان بەرى پارتيا قۇرىلىسىن باستان - اياق دايەكتى كۇشەيتىپ، حالىقتى ىنتىماقتاستىرىپ جانە باستاپ، ۇزدىكسىز جەڭىستەن - جەڭىسكە جەتۋى سىندى شۇعىلالى بارىس ەسكە الىندى. ەكىنشىدەن، پارتيا 18 - قۇرىلتايىنان بەرگى پارتيانى جاپپاي قاتاڭ باسقارۋدا قول جەتكەن ۇلى جەتىستىكتەر قورىتىندىلانىپ، جاڭا داۋىردە پارتيا قۇرىلىسى يدەياسىن قالىپتاستىرۋدىڭ كەلەلى ماڭىزى بايىمدالدى. ۇشىنشىدەن، پارتيانى جاپپاي قاتاڭ باسقارۋدا ءدوپ كەلگەن جاڭا جاعدايعا، جاڭا مىندەتكە، جاڭا سىن - سايىسقا تالداۋ جاسالدى. تورتىنشىدەن، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدىڭ جەتەكشى يدەياسى العا قويىلدى. بەسىنشىدەن، پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدە بويسۇناتىن 7 پرينسيپ ايقىن بايىمدالدى.

ەكىنشى بولىك تارماق شولۋ بولىپ، 2 - بولىمىنەن 8 - بولىمگە دەيىن قامتىدى. پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدىڭ ستراتەگيالىق مىندەتى مەن كەلەلى شارالارى ورنالاستىرىلدى. مۇنىڭ ىشىندە 2 - ءبولىم ”كوممۋنيستەردىڭ پارتيالىلىعىن كۇشەيتۋ“ بولىپ، مۇنىڭ پارتيانى جاپپاي قاتاڭ باسقارۋدىڭ ءتۇبىرلى مىندەتى ەكەندىگى باسا دارىپتەلدى، پارتياعا ادالدىق تاربيەنى كۇشەيتۋگە، پارتيانىڭ جاڭالىق اشۋ نازارياسىمەن جۇرت تىلەگىن ۇيىستىرۋعا، رۋحتى سومداۋعا تاباندى بولۋ، پارتيانىڭ تاڭداۋلى ءداستۇرى مەن جۇڭحۋانىڭ تاڭداۋلى ءداستۇرلى مادەنيەتى ارقىلى پارتيالىلىقتى سومداۋ، اماليات بارىسىندا پارتيالىلىقتى شىڭداۋ، پارتيالىلىقتى ساراپتاۋدى كۇشەيتۋ سياقتى 5 جاقتان ورنالاستىرۋ جاسالدى. 3 - ءبولىم ”دەموكراتيالىق ورتالىقتاندىرۋ ءتۇزىمىن قاتاڭ دايەكتىلەندىرۋ، قاتاڭ اتقارۋ“ بولىپ، مۇنىڭ پارتيانى جاپپاي قاتاڭ باسقارۋدىڭ ىشكى تالابى ەكەندىگى باسا دارىپتەلدى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ، پارتيا ىشىندەگى دەموكراتيا ساپاسىن جوعارىلاتۋ، باسشىلىق القانىڭ شەشىم جاساۋ، ءىس قاراۋ ەرەجەسىن قاتاڭ اتقارۋ، ”ءبىرىنشى باسشىنىڭ“ مىندەت وتەۋىن، ۇقىق ىستەتۋىن ارناعا ءتۇسىرۋ سياقتى 4 جاقتان ورنالاستىرۋ جاسالدى. 4 - ءبولىم ”ۇلتتى گۇلدەندىرۋ اۋىر مىندەتىن ارقالايتىن جوعارى ساپالى كادرلار قوسىنىن شىڭداۋ“ بولىپ، پارتيانى جاپپاي قاتاڭ باسقارۋدىڭ تەتىگى كادرلاردى قاتاڭ باسقارۋ ەكەندىگى باسا دارىپتەلدى، ادام ىستەتۋدىڭ دۇرىس بەتالىسىنا تاباندى بولۋ، ادامدى دالمە - ءدال، عىلمي تاڭداۋ، ىستەتۋ، كادرلاردىڭ دۇرىس ناتيجە كوزقاراسىن ورناتۋىنا جانە ونى امالياتتا ايگىلەۋىنە قوزعاۋشىلىق ەتۋ، كادرلاردىڭ ءىس تىندىرىپ ناتيجە جاراتۋ قابىلەتىن كۇشەيتۋ، ۇزدىك جاس كادرلاردى باۋلۋ، تاڭداپ ءوسىرۋ ساپاسىن جوعارىلاتۋ، كادرلاردى باسقارۋ - باقىلاۋدى كۇشەيتۋ سياقتى 6 جاقتان ورنالاستىرۋ جاسالدى. 5 - ءبولىم ”جوعارى مەن تومەندى ساباقتاستىراتىن، اتقارۋى پارمەندى قاتاڭ ۇيىمدىق جۇيە ورناتۋ“ بولىپ، پارتيانىڭ ءار دارەجەلى ۇيىمدارى پارتيانى جاپپاي قاتاڭ باسقارۋدىڭ نەگىزگى تۇلعاسى ەكەندىگى باسا دارىپتەلدى، ورتالىق پەن مەملەكەت ورگاندارىنداعى پارتيا ۇيىمىنىڭ ونەگەلىك رولىن ساۋلەلەندىرۋ، جەرگىلىكتى پارتكومداردىڭ فۋنكتسياسىن كۇشەيتۋ، ءارقايسى سالاداعى نەگىزگى ساتى پارتيا ۇيىمدارى قۇرىلىسىن ءبىر تۇتاس جوسپارلاپ ىلگەرىلەتۋ، جاڭادان گۇلدەنگەن سالالارداعى پارتيا قۇرىلىسىن كورنەكتى تۇردە ويداعىداي يگەرۋ، پارتيا مۇشەلەرى قوسىنى قۇرىلىسىن كۇشەيتۋ، پارتيانىڭ ءار دارەجەلى ۇيىمدارىنىڭ ساباقتاسۋ مەحانيزمىن كەمەلدەندىرۋ سياقتى 6 جاقتان ورنالاستىرۋ جاسالدى. 6 - ءبولىم ”تالىقپاس ارىنمەن ستيلدى دۇرىستاپ، ءتارتىپتى قاتايتۋ“ بولىپ، مۇنىڭ پارتيانى جاپپاي قاتاڭ باسقارۋدىڭ پارمەندى شاراسى ەكەندىگى باسا دارىپتەلدى، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرۋ، ورتالىقتىڭ سەگىز تارماقتى بەلگىلەمەسىنىڭ رۋحىن بۇلجىماس تاباندىلىقپەن تياناقتاندىرۋ، ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋ، ءتارتىپتى قاتاڭ اتقارۋدى كۇشەيتۋ، ءتارتىپتىڭ تاربيەلەۋ، تەجەۋ، قامتاماسىز ەتۋ جانە ىنتالاندىرۋ رولىن جان - جاقتى ساۋلەلەندىرۋ سياقتى 5 جاقتان ورنالاستىرۋ جاسالدى. 7 - ءبولىم ”شىرىكتەسۋگە باتىنباۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى مىزعىماس تاباندىلىقپەن ءبىر تۇلعادا ىلگەرىلەتۋ“ بولىپ، مۇنىڭ پارتيانى جاپپاي قاتاڭ باسقارۋدىڭ ماڭىزدى جالپى جوباسى جانە شىرىكتەسۋگە قارسى تۇرۋ كۇرەسىنىڭ نەگىزگى باعىتى ەكەندىگى باسا دارىپتەلدى، شىرىكتەسۋدى جازالاۋدىڭ تەگەۋرىندى كۇيىن ساقتاۋ، بيلىك اينالىمىن تەجەۋدى جانە باقىلاۋدى كۇشەيتۋ، پاكتىكتى دارىپتەپ شىرىكتەسۋدى تويتارۋ يدەيالىق نەگىزىن بەكەمدەۋ، شىرىكتەسۋگە باتىنباۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدىڭ جالپىلىق ونىمدىلىگىن ارتتىرۋ سياقتى 4 جاقتان ورنالاستىرۋ جاسالدى. 8 - ءبولىم ”پارتيانى ءتۇزىم ارقىلى باسقارۋعا، پارتيانى ەرەجە ارقىلى باسقارۋعا تاباندى بولۋ“ بولىپ، پارتيا ىشىندەگى زاڭدىق ەرەجە مەن ءتۇزىم قۇرىلىسىن كۇشەيتۋ پارتيانى جاپپاي قاتاڭ باسقارۋدىڭ ۇزاق ۋاقىتتىق شاراسى، ءتۇبىرلى شاراسى ەكەندىگى باسا دارىپتەلدى، پارتيا ىشىندەگى زاڭدىق ەرەجە مەن ءتۇزىم جۇيەسىن كەمەلدەندىرۋ، ءتۇزىمدى اتقارۋ قابىلەتىن كۇشەيتۋ، كومەسكى ەرەجەلەردى بارىنشا تالقانداۋ سياقتى 3 جاقتان ورنالاستىرۋ جاسالدى.

ءۇشىنشى بولىك پارتيا مەن مەملەكەتتىڭ باقىلاۋ جۇيەسىن كەمەلدەندىرۋدى، پارتيانى جاپپاي قاتاڭ باسقارۋ ساياسي جاۋاپكەرشىلىگىن تياناقتاندىرۋدى قامتىدى. وسى ەكى جاقتان جەكە - جەكە ورنالاستىرۋ جاسادى.

جولداستار، «قاۋلىنى» قاراپ ماقۇلداۋ وسى رەتكى جالپى ءماجىلىستىڭ باستى مىندەتى. كوپشىلىك مۇقيات وي جۇگىرتىپ، ىشكەرىلەي تالقىلاپ، سىندارلى پىكىرلەر مەن ۇسىنىستاردى العا قويىپ، وسى جولعى جالپى ءماجىلىستى بىرگە ويداعىداي اشىپ، «قاۋلى» نۇسقاسىنا ويداعىداي وزگەرىس ەنگىزەيىك.

(شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى)