- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«قازاقشا كۇرەس» جونىندە عىلمي تالقى ءوتتى
2013.09.17 08:39 كەلۋ قاينارى : ءتاڭىرتاۋ تورابى
قاي كەزدە بولماسىن قازاعىمىز قىزىعىن ەلمەن بولىسكەندە بالۋان سالىپ، بايگە قوسقان، بۇل ەكەۋىنسىز جۇرتىمىزدىڭ ىشكەن اسى بويىنا دارىماعان، بۇل كۇندەرى «بايگە» قالالى جەردە دە قۇلاشىن كەڭگە سەرمەپ، دۋلى دۇبىرمەن ءوتىپ جاتىر، دەسەدە ءبىر قىزىعىمىزدىڭ مەيماناسى تاسىدى دەپ مارقايعانىمىزبەن، ءبىر قىزىعىمىزدىڭ دەڭگەيى كوتەرىلە الماي كەلەدى. ءبىر قىزىعىمىز دەپ وتىرعانىمىز − قازاقتىڭ ۇلتتىق سپورتى − قازاقشا كۇرەس. تۇيتكىلدى شارۋانىڭ شيەسىن شەشىپ، كەلەرگى كۇندەرگە كەرەمەت جول اشۋ ءۇشىن التاي قالاسى بۇگىن اۆتونوميالى رايون دارەجەلى بەيزاتتىق مۇرا «قازاقشا كۇرەس» جونىندە عىلمي تالقى جيىنىن اشىپ، كۇنى كەشە وتانىنا ابىروي، ۇلتىنا ماقتانىش سيلاعان بالۋاندارىنىڭ باسىپ، قوسىپ، ولاردى داڭق تورىنە شىعاردى.
«قازاقشا كۇرەستى» دامىتۋ ءۇشىن، ەڭ الدىمەن، سول كۇرەسكە بەل شەشىپ كىرىسىپ، سول سالانىڭ ىستىعىنا كۇيىپ، سۋىعىنا توڭىپ جۇرگەن تالانتتىلاردى قادىرلەي ءبىلۋ قاجەت. وسىنى ەرتە باستان ويلاعان التاي قالالىق پارتكوم مەن ۇكىمەت سولتىكەن كوكىش ۇلى، گۇلىستان قاناپيا ۇلى، ايدارقان قابدوللا ۇلى باستاعان 6 قارت بالۋاندى «قۇرمەتتى بالۋان» اتاعىمەن سيلاپ، ات مىنگىزىپ، شاپان جاپسا؛ تەمىربەك ەلەمەس ۇلى باستاعان 15 بالۋاندى «قۇرمەتتى كۇرەس باپكەرى» اتاعىمەن سيلادى؛ قيزات ساعيدوللا ۇلى باستاعان 32 بالۋانعا «ۇزدىك بالۋان» اتاعىن بەرسە، بولاتبەك نۇرلانبەك ۇلى باستاعان 7 جاس وسپىرىمگە «جەتكىنشەك بالۋان» مارتەبەسىن بەردى. سونىمەن قاتار ءومىرىن كۇرەسكە ارناپ، حالىقتىڭ قادىرلى ونەرىنە ەڭبەك ءسىڭىرىپ، و دۇنيەلىك بولىپ كەتكەن سيىرشىباي رايىسقان ۇلى، قاجىقان مالگاجدار ۇلى، ماناپ وتىنشى ۇلى، بىلال انەش ۇلى سياقتى 12 بالۋاننىڭ وتباسىنا داڭق كۋالىگىن تاپسىردى.
ەلىمىزدە قازاقشا كۇرەس 2002 - جىلى ىلە قازاق اۆتونوميالى وبلىسىندا وتكەن اۆتونوميالى رايوننىڭ 5 - كەزەكتى از ۇلتتار دەنە تاربيە جارىسىندا تۇڭعىش رەت جارىس ساحناسىنا كوتەرىلدى، 2006 - جىلى 6 - كەزەكتى اۆتونوميالى رايوندىق از ۇلتتار دەنە تاربيە جارىسىندا ەرەجە - تۇزىمدەرى كەمەلدى ەمەس، باعالاۋشىلارى تولىمسىز دەگەن سەبەپپەن جارىستان شەتتەتىلدى، وسى ولقىلىقتى تولتىرۋ ءۇشىن 2010 - جىلى ىلە قازاق اۆتونوميالى وبلىستىق دەنە تاربيە مەكەمەسى «قازاق كۇرەسى ەرەجەسىنىڭ» عىلمي تالقى جيىنىن اشىپ، ەلىمىزدەگى قازاقشا كۇرەستىڭ ەرەجە - تۇزىمدەرىن جاسادى، وسى عىلمي جيىننىڭ ناتيجەسىندە، 2010 - جىلى قۇمىل قالاسىندا وتكەن اۆتونوميالى رايوندىق 7 - كەزەكتى از ۇلتتار دەنە تاربيە جارىسىندا قازاقشا كۇرەس جارىس تۇرىنە قايتا كىرىپ، ءوز ارناسىن تاپقانداي بولدى، ءبىراق قازىرگە دەيىن مەملەكەتتىك از ۇلتتار دەنە تاربيە جارىسىنا ەنگىزىلمەدى، وسى ماسەلەنى تەرەڭنەن ويلاعان شينجياڭ قازاق مادەنيەت قوعامىنىڭ جاستار گرۋپپاسى شينجياڭ قازاقشا كۇرەسىن ۇيىمداستىرۋ القاسىن قۇرىپ، بيىلعى جىلدىڭ ناۋرىزىندا ءۇرىمجى قالاسىندا تۇڭعىش رەت جۇڭگو قازاقتارىنىڭ قازاقشا كۇرەسىن ءساتتى ۇيىمداستىرىپ وتكىزدى. التاي قالاسىنىڭ بۇگىن «قازاقشا كۇرەس» جونىندە عىلمي تالقى وتكىزىپ، ۇلتىمىزدىڭ بەتكە ۇستار ۇلتتىق سپورتىنىڭ قامىن جەپ، قادىرىن ويلاعانى انە سول وزىق ءۇردىستىڭ ءبىر قيىعىنداي.
«الداعى كۇندەردە بالۋان قوسىنىن كوبەيتىپ، بالۋانداردىڭ شارت - جاعدايىن جاقسارتىپ، جاس تالانتتى بالۋانداردىڭ كوبەيۋىنە كۇش شىعارامىز، اعا بالۋانداردىڭ ەڭبەگىن باعالاپ، ارتتاعى ىنىلەرىنە جاردەمشى بولۋىنا، جاس كۇشتەردىڭ تەزدەن تولىسىپ، قازاق كۇرەسىنىڭ داڭقىن حالىقاراعا تانىتۋعا قۋزاۋشى بولامىز»، - دەيدى التاي قالاسىنىڭ باستىعى مۇرات شاكەي ۇلى. «شينجياڭ گازەتى» ءتىلشى: ماقسات قيزات ۇلى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
