- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 21-رەتكى بەيرەسمي ماجىلىسىندە ازيا-تىنىق مۇحيت ءوڭىرىن ءوزارا تۇتاستىرۋدى جەبەۋ جونىندە ءسوز سويلەدى
2013.10.09 13:13 كەلۋ قاينارى : حالىق تورابى
8-قازاندا مەملەكەت ءتوراعاسى شي جينپيڭ يندونەزيانىڭ بالي ارالىندا ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 21-رەتكى بەيرەسمي ماجىلىسىنە جالعاستى قاتىناستى. سۋرەتتە: ءماجىلىس باستالاردان بۇرىن شي جينپيڭ ماجىلىسكە قاتىناسۋعا كەلگەن باسشىلارمەن بىرلىكتە سۋرەتكە ءتۇسىپ ەستەلىك قالدىردى. شينحۋا اگەنتتىگىنىڭ ءتىلشىسى ما جانچىڭ فوتوسى
تىلشىلەرىمىز دۋ شاڭزى، ليۋ حۇي، جۋاڭ شۋەيالار 8-قازاندا يندونەزيانىڭ بالي ارالىنان حابارلايدى. ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 21-رەتكى بەيرەسمي ءماجىلىسى 8-قازاندا يندونەزيانىڭ بالي ارالىندا جالعاستى وتكىزىلدى. مەملەكەت ءتوراعاسى شي جينپيڭ ماجىلىسكە قاتىناسىپ جانە ءسوز سويلەپ، تىنىق مۇحيتتىڭ ەكى جاعالاۋىن قامتىعان ازيا-تىنىق مۇحيت ءوڭىرىن ءوزارا تۇتاستىرۋدى ورتاعا قويدى.
شي جينپيڭ سوزىندە بىلاي دەپ اتاپ كورسەتتى: ازيا-تىنىق مۇحيت ەكونوميكالىق سەلبەستىك ۇيىمى ءداۋىر اعىمىنا ىلەسىپ، ءوزارا بايلانىس ورناتۋ ءىسىن ويداعىداي ىستەۋى كەرەك. ءبىرىنشى، تىنىق مۇحيتتىڭ ەكى جاعالاۋىن قامتىعان ازيا-تىنىق مۇحيت ءوڭىرىن ءوزارا تۇتاستىرىپ، ءارقايسى وڭىرلەردىڭ ەكونوميكالىق ءدالىزىن ىسكە قوسىپ، 21 ەكونوميكالىق تۇلعا مەن 2 ميلليارد 800 ميلليون جان سانىن قامتىعان ازيا تىنىق مۇحيت ءىرى بازارىن قالىپتاستىرىپ، وسى رايوننىڭ ءوندىرىس فاكتورلارىنىڭ ەركىن الماسۋىن قامتاماسىزداندىرىپ، تىنىق مۇحيتتىڭ ەكى جاعالاۋىنداعى مۇشە ەلدەردىڭ دامۋ ورەسىن ورنىقتى جوعارىلاتىپ، ءبىرتۇلعالانۋىن جۇزەگە اسىرۋ كەرەك. ەكىنشى، ءوزارا تۇتاستىرۋ قۇرىلىسىنداعى بوگەتتەردى ارشىپ، ۇكىمەت، جەكە مەنشىك تاراۋلارى، حالىقارالىق قۇرىلىمدار كەڭىنەن قاتىناسقان قارجىلاندىرۋ، قارجى قۇراۋ جاعىنداعى ارىپتەستىك قاتىناستى ورناتۋ كەرەك. جۇڭگو نەگىزدىك قۇرىلعىلار قۇرىلىسىن قارجىلاندىرۋ، وعان قارجى قۇراۋ جولدارىن كەڭەيتۋ جاعىندا بەلسەندى ىزدەنىستەر جاساۋعا دايىن، ازيا نەگىزدىك قۇرىلعىلار قۇرىلىسىن قارجىلاندىرۋ بانكەسىن قۇرۋدى ۇسىنىس ەتەدى. ءۇشىنشى، وڭىرلىك جانە حالىقارالىق سەلبەستىك جۇلگەسىندە ءوزارا تۇتاستىرۋ مەن نەگىزدىك قۇرىلعىلار قۇرىلىسىن ىلگەرىلەتۋ ءتيىس، مۇشە ەلدەر ءوزارا تيىمدىلىك، پايدا جەتكىزۋ، ولقىلىقتارىن ءبىر-ءبىرىنىڭ باسىمدىلىقتارىمەن تولىقتىرۋ كوزقاراسى ارقىلى اشىق، جاريا بولۋ، سەلبەستىك جاساپ، تيىمدىلىككە تەڭ قول جەتكىزۋ پرينسيپىنە تاباندى بولىپ، تۇسىنىستىكتى، اۋىس-كۇيىستى كۇشەيتىپ، سەلبەستىككە بەلسەنە قاتىناسۋ ءتيىس. ءتورتىنشى، ءوزارا تۇتاستىرۋ ارقىلى ازيا-تىنىق مۇحيت وڭىرىندەگى حالىقتىڭ ەكونوميكا-ساۋدا، فينانس، وقۋ-اعارتۋ، عىلىم، مادەنيەت قاتارلى سالالاردا ءتىپتى دە قويۋ بايلانىس ورناتۋىن جەبەپ، ءوزارا تۇسىنىستىك پەن سەنىمدىلىكتەرىن ارتتىرۋ كەرەك.
شي جينپيڭ مىنانى جاريالادى: جۇڭگو كەلەر جىلى كۇزدە بەيجيڭدە ازيا-تىنىق مۇحيت ەكونوميكالىق سەلبەستىك ۇيىمى باسشىلارىنىڭ 22-رەتكى بەيرەسمي ءماجىلىسىن وتكىزەدى. ءبىز وسى ورايدان پايدالانىپ، بارلىق جاقتارمەن سەلبەستىكتى قويۋلاتىپ، ازيا-تىنىق مۇحيت ەكونوميكالىق تۇلعاسىنىڭ ەسىكتى كەڭ اشۋ، كەڭ تىنىستى بولۋ، ءوزارا تيىمدىلىك جەتكىزۋ يدەياسى ارقىلى ءتىپتى دە قويۋ سەرىكتەستىك قاتىناس ورناتۋدى، ازيا-تىنىق مۇحيت ەكونوميكالىق سەلبەستىك ۇيىمىنىڭ باسشىلىق رولىن ءتىپتى دە ويداعىداي ساۋلەلەندىرىپ، ازيا-تىنىق مۇحيت ءوڭىرىنىڭ دامۋ بولاشاعىن جوبالاۋدى ءۇمىت ەتەمىز.
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
http://paper.people.com.cn/rmrb/html/2013-10/09/nw.D110000renmrb_20131009_3-01.htm
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
