بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

    6 - مامىر كۇنى اۆتونوميالى رايون 32 - رەتكى ۇلتتار ىنتىماعى تاربيە ايى قيمىلىن اتتانىسقا كەلتىرۋ ءماجىلىسىن اشتى.

    ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوننىڭ 32 - رەتكى ۇلتتار ىنتىماعى تاربيە ايى قيمىلىن اتتانىسقا كەلتىرۋ ماجىلىسىندە ماڭىزدى ءسوز سويلەدى.

حالىق تورابى>>ورتالىقتىڭ ءۇنى

شي جينپيڭ ۇرىمجىدە ەڭبەك ەرلەرىنىڭ، وزات قىزمەتكەرلەردىڭ، وزاتتاردىڭ ۋاكىلدەرىن قابىلدادى

بۇكىل ەلدەگى ەڭبەكشىلەرگە «1 - مامىر» مەرەكەسى بايلانىسىمەن سالەم جولدادى

2014.05.05 13:24     كەلۋ قاينارى : ءتاڭىرتاۋ تورابى


  30 - ءساۋىر تۇستەن بۇرىن شينجياڭدا قىزمەت تەكسەرۋدە جۇرگەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ۇرىمجىدە ەڭبەك ەرلەرىنىڭ، وزات قىزمەتكەرلەردىڭ جانە وزاتتاردىڭ ۋاكىلدەرىمەن كەزدەستى، سونداي - اق ولارمەن اڭگىمەلەستى. سۋرەتتە: شي جينپيڭ ەڭبەك ەرلەرىنىڭ، ەڭبەك وزاتتارىنىڭ جانە وزاتتاردىڭ ۋاكىلدەرىمەن قول الىسۋدا.

  شينحۋا اگەنتتىگىنىڭ 30 - ساۋىردە ۇرىمجىدەن بەرگەن حابارى. شينجياڭدا قىزمەت تەكسەرىپ جۇرگەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ «1 - مامىر» حالىقارالىق ەڭبەكشىلەر مەرەكەسى قارساڭىندا ۇرىمجىدە ەڭبەك ەرلەرىنىڭ، وزات قىزمەتكەرلەردىڭ، وزاتتاردىڭ ۋاكىلدەرىن قابىلداپ، بۇكىل ەلدەگى ەڭبەكشىلەرگە «1 - مامىر» مەرەكەسى بايلانىسىمەن سالەم جولدادى.

  30 - ءساۋىر تۇستەن بۇرىن ساعات 10 مولشەرىندە شي جينپيڭ جانە ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشياننىڭ جانە اۆتونوميالى رايوننىڭ ءتوراعاسى نۇر باكىردىڭ سەرىك بولۋىندا شينجياڭ يىڭبيڭ قوناق ءۇيىنىڭ 10 - ءنومىرلى زالىندا شينجياڭنىڭ ەڭبەك ەرلەرى، وزات قىزمەتكەرلەرى، وزاتتارى ۋاكىلدەرىنەن 28 ادامدى قابىلداپ، ولارمەن ىستىق ىقىلاسپەن قول الىسىپ، بىرگە سۋرەتكە ءتۇسىپ ەستەلىك قالدىردى ءارى ولارمەن اڭگىمە ءماجىلىس وتكىزدى.

  اڭگىمە ماجىلىستە وزاتتاردىڭ ۋاكىلى، قارۋلى ساقشى شينجياڭ باس اترەتى شيپاحاناسىنىڭ باستىعى جۋاڭ شىحۋا، وزات قىزمەتكەرلەردىڭ ۋاكىلى، جۇڭگو ينجەنەريالىق عىلىمدار اكادەمياسىنىڭ اكادەميگى، شينجياڭ ۋنيۆەرسيتەتى ينفورماتسيا عىلىمى جانە ينجەنەريا ينستيتۋتىنىڭ پروفەسسورى وشۇر ءىسلام ءسوز سويلەدى. ولارءوز كەشىرمەلەرىمەن ۇشتاستىرىپ، شەكارا ءوڭىردى قىزۋ ءسۇيۋ، شەكارا ءوڭىردى كوركەيتۋ، شەكارا وڭىرگە ۇلەس قوسۋ اسەرىن اقتارىلا اڭگىمەلەدى، شي جينپيڭ ارەدىكتە ءسوز قىستىرىپ پىكىرلەستى.

  وسىدان كەيىن شي جينپيڭ قىزۋ مەرەيگە تولى ءسوز سويلەپ بىلاي دەدى: كوپشىلىكپەن بۇل ارادا كەزدەسكەنىمە توتەنشە قۋانىشتامىن. سىزدەردىڭ ارالارىڭىزدا ساقا ەڭبەك ەرلەرى، جاڭا وزاتتار دا بار، ىزگى ىستەرىڭىز كىسىنى تەبىرەنتەدى. جالىنداعان رۋحاني بەينەلەرىڭىزدى كورىپ توتەنشە جەلپىندىم. ەرتەڭ «1 - مامىر» حالىقارالىق ەڭبەكشىلەر مەرەكەسى، مەن پارتيا ورتالىق كوميتەتى، مەملەكەتتىك كەڭەس اتىنان سىزدەردى ءارى سىزدەر ارقىلى بۇكىل ەلدەگى ەڭبەك ەرلەرىن، وزات قىزمەتكەرلەردى، وزاتتاردى، بۇكىل ەلدەگى ءار ۇلت جۇمىسشىلارىن، شارۋالاردى، زيالىلاردى جانە باسقا دا ەڭبەكشى قاۋىمدى مەرەكە بايلانىسىمەن قۇتتىقتايمىن جانە شىن نيەتپەن سالەم جولدايمىن!

  شي جينپيڭ مىنالاردى اتاپ كورسەتتى: ەڭبەك − كوممۋنيستەردىڭ ساياسي قاسيەتىن ساقتاۋىنىڭ ماڭىزدى جولى، كوممۋنيستەردىڭ ساياسي تۇلعا اقاۋسىزدىعىن ساقتاۋىنىڭ ماڭىزدى شاراسى ءارى كوممۋنيستەردىڭ تاڭداۋلى ءداستۇردى ساۋلەلەندىرۋىنىڭ، «ءتورت ءتۇرلى بۇرىس ستيلگە» سانالىلىقپەن قارسى تۇرۋىنىڭ ماڭىزدى كەپىلى. پارتيا مۇشەلەرى، كادرلار ەڭبەك رۋحىن باستاماشىلدىقپەن ساۋلەلەندىرىپ، ەڭبەكشى حالىقپەن سۇيىسپەنشىلىكتى نىعايتۋى، ءوز جۇمىس ورىندارىندا باستاماشىلدىقپەن قاجىرلىلىقپەن قىزمەت ەتۋى كەرەك. زيالىلار قاۋىمىن قامتىعان ەلىمىزدىڭ جۇمىسشى تابى رەفورما جاساپ، ەسىكتى ايقارا اشۋدىڭ جانە سوتسياليستىك وسىزامانداندىرۋ قۇرىلىسىنىڭ تىرەكتى قوسىنى. قازىر ەكونوميكانىڭ دامۋ تاسىلىنە بۇرىلىس جاساۋدى جەدەلدەتۋ، ەكونوميكالىق قۇرىلىمدى، ستراتەگيالىق رەتتەۋدى جەبەۋ، ءوندىرىس قۋاتىنىڭ قاجەتتەن ارتىپ كەتۋى سياقتى ماسەلەلەردەن ءىشىنارا كاسىپورىندار مەن جۇمىسشى - قىزمەتشىلەر ءتۇرلى قيىنشىلىقتارعا ءدوپ كەلدى. وسىلاي بولعان سايىن جۇمىسشى - قىزمەتشىلەردىڭ قوجايىندىق رولىن اناعۇرلىم ساۋلەلەندىرىپ، جۇمىسشى - قىزمەتشىلەردىڭ وندىرىسىنە، تۇرمىسىنا، كاسىپتىك جاقتاعى دامۋىنا كوڭىل ءبولىپ، بۇكىل ىنتا - پەيىلىمەن جۇمىسشى تابىنا سۇيەنۋ باعىتىن ويداعىداي تياناقتاندىرۋ قاجەت.

  شي جينپيڭ مىنالاردى باسا دارىپتەدى: ەڭبەك ەرلەرى، وزات قىزمەتكەرلەر، وزاتتار قول جەتكىزگەن داڭقتى جاڭا باستاما ەتىپ، تىڭ ساپاردا تىنباي ەسە قوسىپ، ەڭبەك سىڭىرۋگە قۇلشىنۋى كەرەك. ءار شەپتەگى جۇمىسشى - قىزمەتشىلەر جانە ءار ۇلت حالىق بۇقاراسى ەڭبەك ەرلەرىنەن، وزات قىزمەتكەرلەردەن، وزاتتاردان ۇيرەنۋى، ءار دارەجەلى پارتكومدار، حالىق ۇكىمەتتەرى ولاردىڭ قىزمەتىنە، ۇيرەنۋىنە، تۇرمىسىنا شىن ىقىلاسپەن كوڭىل ءبولۋى، ولاردىڭ دەندەرىنىڭ ساۋ، باقىتتى بولۋىنا، رولىن ءتىپتى دە جاقسى ساۋلەلەندىرۋىنە جانعا جايلى ورتا جانە شارت - جاعداي جاساۋى كەرەك.

  وسىدان ىلگەرى شي جينپيڭ 28 - ءساۋىر تۇستەن كەيىن ءۇرىمجى قالاسىنىڭ جوعارى، جاڭا تەحنيكا اشۋ رايونىنا ورنالاسقان شينجياڭ جەمىس - جيدەك توبى شەكتى سەرىكتەستىگىندە قىزمەت تەكسەرىپ، ونداعى جۇمىسشى - قىزمەتشىلەردەن، اسىرەسە، ءوندىرىستىڭ ءبىرىنشى شەبىندە قاجىرلىلىقپەن قىزمەت ىستەپ جاتقان جۇمىسشى - قىزمەتشىلەردەن حال سۇراپ، «1 - مامىر» مەرەكەسىن قۇتتىقتادى. ول سەرىكتەستىكتەن جاراسىمدى ەڭبەك بايلانىسىن بەلسەنە ورناتىپ، جۇمىسشى - قىزمەتشىلەردىڭ بەلسەندىلىگىن تولىق جۇمىلدىرىپ، ولارعا سۇيەنىپ، كاسىپورىندى بىرگە ويداعىداي باسقارۋدى تالاپ ەتتى.

  ۋاڭ حۋنيڭ، فان چاڭلۇڭ، لي جانشۋ، ۋاڭ جىڭۋي جانە ورتالىقتىڭ قاتىستى تاراۋلارىنىڭ جاۋاپتىلارى قابىلداۋدا بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.